വൈത്തിരി ഗ്രാമപഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തില് മൃഗസംരക്ഷണ മേഖലയിലെ പ്രൊഡ്യൂസര് ഗ്രൂപ്പുകള്ക്ക് ഉപകരണങ്ങള് വിതരണം ചെയ്തു. വൈത്തിരി സഹകരണബാങ്ക് ഓഡിറ്റോറിയത്തില് സംഘടിപ്പിച്ച പരിപാടിയില് മത്സ്യക്കൂട്ടായ്മ പ്രൊഡ്യൂസര് ഗ്രൂപ്പിനുള്ള ഉപകരണ വിതരണം വൈത്തിരി ഗ്രാമപഞ്ചായത്ത് പ്രസിഡന്റ് സി.വി രാജന് ഉദ്ഘാടനം ചെയ്തു. മോട്ടര്, വലകള്, മത്സ്യ ബന്ധന വലകള്, തൂക്ക് മെഷീന് ഉപകരണങ്ങളാണ് നല്കിയത്. 50,000 രൂപയുടെ ഉപകരണങ്ങളാണ് വിതരണം ചെയ്തത്. കര്ഷകരുടെ ഉതപപ്പന്നങ്ങളുടെ പ്രാഥമിക സംഭരണം, മൂല്യവര്ദ്ധനവിന് ആവശ്യമായ വിവിധ പിന്തുണ, പ്രോത്സാഹനം എന്നിവ പ്രൊഡ്യൂസര് ഗ്രൂപ്പുകളിലൂടെ ഉറപ്പാക്കുന്നുണ്ട്. എസ് സി/ എസ് ടി കോര്പറേഷന് ഗുണഭോക്താക്കള്ക്ക് നല്കുന്ന 1,31,60,000 രൂപയുടെ ബള്ക്ക് ലോണ് വൈത്തിരി ഗ്രാമപഞ്ചായത്ത് പ്രസിഡന്റ് ഏറ്റുവാങ്ങി. സംരംഭങ്ങള്ക്കുള്ള റിവോള്വിങ് ഫണ്ട്, ഹരിതകര്മസേന അംഗങ്ങള്ക്ക് ഇന്ഷുറന്സ് പോളിസി കാര്ഡ്, സി ഐ എഫ് ലോണ് എന്നിവയുടെ വിതരണവും നടന്നു. വൈത്തിരി സിഡിഎസ് ചെയര്പേഴ്സണ് ഉഷ ജ്യോതിദാസ് അധ്യക്ഷയായ പരിപാടിയില് കുടുംബശ്രീ ജില്ലാ മിഷന് കോ-ഓര്ഡിനേറ്റര് കെ പി ജയചന്ദ്രന്, വൈത്തിരി ഗ്രാമപഞ്ചായത്ത് വൈസ് പ്രസിഡന്റ് വത്സല സദാനന്ദന്, സ്റ്റാന്റിങ് കമ്മിറ്റി അംഗങ്ങള്, സിഡിഎസ് മെമ്പര് സെക്രട്ടറി ഷോബിന്, എസ്.സി, എസ്.ടി ജില്ലാ ഓഫീസര് ജെറിന്, കുടുംബശ്രീ ജില്ലാ പ്രോഗ്രാം മാനേജര് പി.കെ സുഹൈല്, അശ്വത്, അര്ഷക് സുല്ത്താന് തുടങ്ങിയവര് സംസാരിച്ചു.
Related News
യാത്രക്കാർക്ക് ആശ്വാസം; മലബാറിലും മാവേലിയിലും അധിക കോച്ചുകൾ അനുവദിച്ച് റെയിൽവേ
നിശബ്ദ വില്ലനെ പ്രതിരോധിക്കാം; ഹൃദയാരോഗ്യം കൃത്യമായി അറിയാൻ 'ഹാർട്ട് ഐക്യു സ്കോർ'
യുഎഇയിൽ ഇന്ത്യൻ പാസ്പോർട്ട്, വിസ സേവനങ്ങൾക്കായി പുതിയ ടെൻഡർ; പ്രവാസികൾ അറിയേണ്ട പ്രധാന വിവരങ്ങൾ
യുപിഐ ഇടപാടിന് ഫീസ്: ഏത് നിയമത്തിന്റെ അടിസ്ഥാനത്തിൽ? ആർക്കാണ് വരുമാനം? കേന്ദ്രത്തോട് വിശദീകരണം തേടി സുപ്രീംകോടതി; സ്റ്റേ ഇല്ല
ക്വട്ടേഷന് ക്ഷണിച്ചു

