ബത്തേരി: നിരോധിത പുകയില ഉൽപന്നങ്ങൾ അടങ്ങിയ 7 ചാക്ക് ലഹരി വസ്തുക്കളടങ്ങിയ തൊണ്ടിമുതൽ സീനിയർ സിവിൽ പൊലീസ് ഓഫിസർ മോഷ്ടിച്ച സംഭവത്തിൻ്റെ പശ്ചാത്തലത്തിൽ ബത്തേരി പൊലീസ് സ്റ്റേഷനിൽ നിന്ന് 21 പേരെ സ്ഥലം മാറ്റി. ഒരു അസിസ്റ്റൻൻ്റ് സബ് ഇൻസ്പെക്ടറെ അടക്കമാണ് സ്ഥലം മാറ്റിയത്.ജില്ലാ പൊലീസ് മേധാവിയുടേതാണു നടപടി.
മികച്ച സ്റ്റേഷനെന്നു പേരുണ്ടായിരുന്ന ബത്തേരി പൊലീസിനു തൊണ്ടി മോഷണം നാണക്കേടായതോടെയാണു നടപടി.
ആകെ അൻപതിലധികം പൊലീസ് ഉദ്യോഗസ്ഥരുള്ള സ്റ്റേഷനിൽ നിന്നാണു പകുതിയോളം പേരെ മാറ്റിയത്.
ഇവരെ കൂടാതെ എസ്ഐയെ രണ്ടു ദിവസം മുൻപു സ്ഥലം മാറ്റിയിരുന്നു. തൊണ്ടിമുതൽ മോഷണക്കേസിലെ പ്രതി ടി. സബിത്തിനെ അറസ്റ്റ് ചെയ്യാനായിട്ടില്ല.
