ജില്ലയിൽ അഞ്ച് വയസ്സ് വരെയുള്ള 45966 കുട്ടികൾക്ക് പോളിയോ തുള്ളിമരുന്ന് നൽകിയതായി ജില്ലാ മെഡിക്കൽ ഓഫീസർ ഡോ. കെ. ടി രേഖ അറിയിച്ചു. ജില്ലയിൽ ആദ്യദിനം തുള്ളിമരുന്ന് നൽകിയത് 88 ശതമാനം കുട്ടികൾക്കാണ്. വാക്സിൻ എടുക്കാൻ കഴിയാത്ത കുട്ടികൾക്കായി നാളെയും മാറ്റന്നാളും (ജൂൺ 29, 30) തുള്ളിമരുന്ന് നൽകുമെന്നും രക്ഷിതാക്കൾ അടുത്തുള്ള ആരോഗ്യ പ്രവർത്തകരുമായി ബന്ധപ്പെട്ട് കുട്ടികൾക്ക് തുള്ളിമരുന്ന് നൽകാൻ ശ്രദ്ധിക്കണമെന്നും മെഡിക്കൽ ഓഫീസർ അറിയിച്ചു.
