ശ്രേയസ് കൊളഗപ്പാറ യൂണിറ്റിന്റെ ആഭിമുഖ്യത്തിൽ പരിസ്ഥിതി ദിനം,പിതൃദിനം,വായനാദിനം എന്നിവ വിവിധ പരിപാടികളോടെ സംഘടിപ്പിച്ചു. ശ്രേയസ് ബത്തേരി മേഖല പ്രോഗ്രാം ഓഫീസർ പോൾ പി.എഫ് ഉദ്ഘാടനം ചെയ്തു. യൂണിറ്റ് സെക്രട്ടറി സിനി ഷാജി അധ്യക്ഷത വഹിച്ചു. പരിസ്ഥിതി ദിനാചരണത്തിന്റെ ഭാഗമായി ടിഷ്യൂകൾച്ചർ വാഴ വിതരണം ചെയ്തു. പിതൃദിനത്തിന്റെ ഭാഗമായി പിതാക്കന്മാരെ ഷാൾ അണിയിച്ച് ആദരിച്ചു. വായനാ ദിനത്തിന്റെ ഭാഗമായി ക്വിസ് മത്സരം നടത്തി.വിജയികൾക്ക് സമ്മാനങ്ങൾ നൽകി. സിഡിഒ സോഫി ഷിജു, ലിസി, ലീല, ധനീഷ് എന്നിവർ സംസാരിച്ചു.
ഓഫീസ് കെട്ടിടം മാറ്റി.
കേരള ചുമട്ടുതൊഴിലാളി ക്ഷേമ ബോര്‍ഡിന്റെ വയനാട് ജില്ലാ കമ്മറ്റി ഓഫീസ് കല്‍പ്പറ്റ പിണങ്ങോട് റോഡിലെ എം.എ കെട്ടിടത്തിലേക്ക് മാറ്റിയതായി ചെയര്‍മാന്‍ അറിയിച്ചു.
