തിരുവനന്തപുരം:
റേഷൻകാർഡ് മുൻഗണന (ബിപിഎല്‍) വിഭാഗത്തിലേക്ക് മാറ്റാനുള്ള അപേക്ഷ സമർപ്പിക്കാൻ സമയപരിധി ഇനി ഒരാഴ്ച കൂടി മാത്രം. ഡിസംബർ 10 വരെയാണ് പൊതുവിഭാഗം (വെള്ള, നീല) റേഷൻ കാർഡുകള്‍ മുൻഗണനാ (പിങ്ക് കാർഡ്) വിഭാഗത്തിലേക്ക് മാറ്റാനുള്ള അപേക്ഷ സമർപ്പിക്കാനാകുന്നത്. തദ്ദേശ സ്ഥാപന സെക്രട്ടറിമാർ നല്‍കുന്ന, പഞ്ചായത്ത് ബിപിഎല്‍ ലിസ്റ്റില്‍ ഉള്‍പ്പെട്ടതിന്‍റെ അല്ലെങ്കില്‍ ബിപിഎല്‍ ലിസ്റ്റില്‍ ഉള്‍പ്പെടാൻ അർഹരാണ് എന്നുള്ള ബിപിഎല്‍ സർട്ടിഫിക്കറ്റ് ഹാജരാക്കുന്നവർക്ക് മാത്രമേ കാർഡ് മുൻഗണനയിലേക്ക് മാറ്റാൻ കഴിയു. ഇതിനുള്ള അപേക്ഷ തദ്ദേശ സ്ഥാപന സെക്രട്ടറിമാർക്ക് സമർപ്പിച്ച്‌ അവരുടെ പരിശോധന ഉള്‍പ്പെടെ പൂർത്തി ആയാല്‍ മാത്രമേ സർട്ടിഫിക്കറ്റ് ലഭിക്കുകയുള്ളു. അക്ഷയ കേന്ദ്രങ്ങള്‍ വഴിയോ സിറ്റിസണ്‍ ലോഗിൻ പോർട്ടല്‍ ecitizen.civilsupplieskerala.gov.in വഴിയോ ഓണ്‍ലൈൻ അപേക്ഷ സമർപ്പിക്കാം. ന്യൂനതകള്‍ ഉള്ള അപേക്ഷകള്‍ തിരിച്ചയച്ചാല്‍ നിശ്ചിത തീയതിക്കുള്ളില്‍ തന്നെ പുനർസമർപ്പിക്കേണ്ടതിനാല്‍ എത്രയും വേഗം അപേക്ഷ നല്‍കുന്നതാകും നല്ലത്. പലകാരണങ്ങളാല്‍ മുൻഗണന പട്ടികയില്‍ ഉള്‍പ്പെടാതെ പോയ അർഹർക്ക് പട്ടികയില്‍ ഉള്‍പ്പെടുന്നതിനുള്ള അവസരമാണ് ഇപ്പോഴുള്ളത്. സർക്കാർ നിഷ്കർഷിക്കുന്ന മാനദണ്ഡങ്ങളില്‍ കൃത്യമായി ഉറച്ചുനിന്നുവേണം ബിപിഎല്‍ സർട്ടിഫിക്കറ്റ് അനുവദിക്കേണ്ടത് എന്നാണ് തദ്ദേശ സ്ഥാപന സെക്രട്ടറിമാർക്ക് നല്‍കിയിരിക്കുന്ന നിർദേശം. കാർഡില്‍ ഉള്‍പ്പെട്ടവർ ആർക്കെങ്കിലും യോഗ്യത മാനദണ്ഡത്തില്‍ പറയുന്ന തരത്തില്‍ ഉയർന്ന വരുമാനം ഉണ്ടായാലും അപേക്ഷ നിരസിക്കപ്പെടാം. അനധികൃത റേഷൻ കാർഡ് കൈവശം വെക്കുന്നവർക്കെതിരെ നിയമനടപടി സ്വീകരിക്കുമെന്നാണ് അധികൃതർ നല്‍കുന്ന മുന്നറിയിപ്പ്. അനർഹമായി കൈവശമുള്ള മുൻഗണനാ റേഷൻ കാർഡ് അടിയന്തരമായി താലൂക്ക് സപ്ലൈ ഓഫിസില്‍ ഹാജരാക്കി പൊതുവിഭാഗത്തിലേക്ക് മാറ്റേണ്ടതാണ്.
ഉച്ചയൂണിന് ശേഷം മധുരം കഴിക്കാൻ തോന്നാറുണ്ടോ?; കുടലിന്റെ ആരോഗ്യക്കുറവ് കാരണമാകാം
ആരോഗ്യകരമായ ശരീരത്തിനും ദഹനത്തിനുമെല്ലാം ആരോഗ്യകരമായ കുടൽ ഏറെ പ്രധാനമാണ്. ആന്തരിക അവയവങ്ങളുടെ പ്രവർത്തനം സുഖകരമായി നടത്തുന്നതിൽ കുടലാരോഗ്യത്തിന് പ്രധാന റോളുണ്ട്. കുടലിന്റെ ആരോഗ്യത്തിന് നമ്മളുടെ ഇമ്മ്യൂണിറ്റിയെയും, എന്തിന് നമ്മുടെ മൂഡിനെയും വരെ സ്വാധീനിക്കാൻ സാധിക്കും.
