പ്രവൃത്തി പരിചയ ശിൽപ്പശാല സംഘടിപ്പിച്ചു.

തരിയോട് ഗവ.ഹയർ സെക്കണ്ടറി സ്കൂളിൽ നടപ്പാക്കി വരുന്ന പ്രത്യേക പഠന പരിപോഷണ പരിപാടിയുടെ ഭാഗമായി വിദ്യാർത്ഥികൾക്ക് സംഘടിപ്പിച്ച കരകൗശല -പ്രവൃത്തി പരിചയ ശിൽപ്പശാല തരിയോട് ഗ്രാമപഞ്ചായത്ത് അംഗം വിജയൻ തോട്ടുങ്ങൽ ഉദ്ഘാടനം ചെയ്തു. പി.ടി.എ പ്രസിഡന്റ് ബെന്നി മാത്യു അധ്യക്ഷത വഹിച്ചു.പ്രധാനാധ്യാപിക ഉഷ കുനിയിൽ, എം.പി.ടി.എ.പ്രസിഡന്റ് സൂന നവീൻ, അധ്യാപകരായ മറിയം മഹ്മൂദ്, കെ.വി.രാജേന്ദ്രൻ, പി.കെ. സത്യൻ, കോർഡിനേറ്റർ ഷാജു ജോൺ, റിസോഴ്‌സ് അധ്യാപകരായ തസ്ലീന, കെ.ലതിക, ഡെൽസി മെന്റസ് എന്നിവർ പ്രസംഗിച്ചു.