തരിയോട്:
നാടിന്റെ ഹരിതഭംഗി നിലനിർത്താൻ സമഗ്ര ശുചീകരണ പ്രവർത്തനങ്ങളുമായി തരിയോട് ഗ്രാമപഞ്ചായത്ത്.
മഴക്കാല പകർച്ചവ്യാധികൾ പിടിപെടാനുള്ള സാദ്ധ്യതകൾ ഒഴിവാക്കുക, നാടും നഗരവും ശുചിത്വപൂർണ്ണമായി നിലനിർത്തുക എന്നീ ലക്ഷ്യങ്ങളോടെ തരിയോട് ഗ്രാമപഞ്ചായത്തിന്റെ ആഭിമുഖ്യത്തിൽ മുഴുവൻ വാർഡുകളിലും സമഗ്ര ശുചീകരണ പരിപാടി സംഘടിപ്പിച്ചു. മഞ്ഞൂറ റിസോട്ട് പരിസരം, കർലാട്, പത്താംമൈൽ, കാപ്പു വയൽ, കളരിക്കോട്ടുകുന്നു അങ്കണവാടി പരിസരം, തയ്യിൽ ഉന്നതി, ചെന്നലോട് ടൗൺ, ശാന്തിനഗർ കോളനി, ചെന്നലോട് യുപി സ്കൂൾ, മൈലാടുംകുന്ന് ടൗൺ, കമ്മ്യൂണിറ്റി ഹാൾ, അങ്കണവാടി പരിസരം, മൃഗാശുപത്രി റോഡ്, താഴെയിടം കോട്ടക്കുന്ന് റോഡ്, കാവുംമന്ദം കമ്മ്യൂണിറ്റി ഹാൾ പരിസരം, കാലിക്കുനി അങ്കണവാടി, ഹെൽത്ത് സെന്റർ, ചെങ്കണ്ണിക്കുന്ന് കോളനി, നിർമല സ്കൂൾ പരിസരം, പത്താം മെയിൽ ടൗൺ, പൊയിൽ കോളനി, പറക്കണ്ടി കോളനി എന്നിവിടങ്ങളിലാണ് ശുചീകരണ പ്രവർത്തികൾ നടത്തിയത്.
പരിപാടിയുടെ ഗ്രാമപഞ്ചായത്ത്തല ഉദ്ഘാടനം കാവുംമന്ദം ടൗണിൽ ഗ്രാമപഞ്ചായത്ത് പ്രസിഡൻറ് ഷമീം പാറക്കണ്ടി നിർവഹിച്ചു. വൈസ് പ്രസിഡണ്ട് പുഷ്പ മനോജ് അധ്യക്ഷത വഹിച്ച പരിപാടിയിൽ ഗ്രാമപഞ്ചായത്ത് സ്ഥിരം സമിതി അധ്യക്ഷരായ ഷീജ ആൻറണി, രാധ പുലിക്കോട്, വി ജി ഷിബു, അംഗങ്ങളായ കെ വി ഉണ്ണികൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസൺ, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വേർഡ്, കെ എൻ ഗോപിനാഥൻ, മെഡിക്കൽ ഓഫീസർ ഡോ. ദിവ്യകല, ഹെഡ് ക്ലർക്ക് ബിനീഷ് വർഗീസ്, ഹെൽത്ത് ഇൻസ്പെക്ടർമാരായ ടി അശോകൻ, ഷെറിൻ സഹല, വിവിധ സ്ഥാപന മേധാവികൾ, ജീവനക്കാർ, കുടുംബശ്രീ, ഹരിതകർമ്മ സേന, നിർവഹണ ഉദ്യോഗസ്ഥർ, ഗ്രാമപഞ്ചായത്ത് ജീവനക്കാർ, അങ്കണവാടി ജീവനക്കാർ, തൊഴിലുറപ്പ് തൊഴിലാളികൾ, ആരോഗ്യ പ്രവർത്തകർ, ആശ വർക്കർമാർ, വ്യാപാരികൾ, മറ്റ് തൊഴിലാളികൾ, പൊതുജനങ്ങൾ തുടങ്ങിയവർ പങ്കാളികളായി.
