ഇന്ത്യൻ കൾച്ചറൽ ആൻഡ് ഹെറിറ്റേജ് സെന്ററും വയനാട് ജില്ല ലൈബ്രറി കൗൺസിലും ചേർന്ന് ഗോത്രവിഭാഗം വിദ്യാർഥികൾക്കു വേണ്ടി ചിത്രരചന മത്സരം നടത്തി.കൽപ്പറ്റ ജില്ലാ ലൈബ്രറി കൗൺസിൽ ഹാളിൽ വച്ച് സംഘടിപ്പിച്ച പരിപാടിയിൽ
വിജയികൾക്കുള്ള സമ്മാനദാനവും നടത്തി.
ജില്ലയിലെ വിവിധ ലൈബ്രറികൾ, സ്കൂളുകൾ എന്നിവയിൽ നിന്നായി ഇരുപതോളം ഗോത്ര വിഭാഗത്തിലെ വിദ്യാർത്ഥികളാണ് ചിത്രരചനാ മത്സരത്തിൽ പങ്കെടുത്തത്. ഗോത്ര വിഭാഗത്തിൻ്റെ തനത് കലകളുടെ നേര് കാഴ്ചകളും, കോവിഡ് കാലത്തെ അതിജീവന കാഴ്ച്ചകളും പ്രതിഫലിപ്പിച്ചു കൊണ്ടായിരുന്നു കുട്ടികളുടെ ചിത്രരചന. ഗോത്ര വര്ഗ വിദ്യാര്ത്ഥികളുടെ കലാ വാസനകള് പരിപോഷിപ്പിക്കുക എന്ന ലക്ഷ്യത്തോടെയാണ് ചിത്രരചന മത്സരം സംഘടിപ്പിച്ചത്. വരുംവർഷങ്ങളിലും ഇത്തരത്തിലുള്ള പ്രവർത്തനങ്ങൾ സംഘടിപ്പിക്കുമെന്ന് ഭാരവാഹികൾ അറിയിച്ചു. വിജയികളായ കുട്ടികൾക്ക് സർട്ടിഫിക്കറ്റും ഉപഹാ രവും ജില്ലാ ലൈബ്രറി കൗൺസിൽ സെക്രട്ടറി പി. കെ. സുധീർ വിതരണം ചെയ്തു. ഗംഗാധരൻ മാസ്റ്റർ, ശിവരാമൻ പാട്ടത്ത്, എം. സദാനന്ദൻ, വിശാലാക്ഷി പ്രഭാകരൻ, സി. എം. സുമേഷ് എന്നിവർ നേതൃത്വം നൽകി.

മാര്ക്കറ്റിങ് വര്ക്ക്ഷോപ്പ്
കേരള ഇന്സ്റ്റിറ്റ്യൂട്ട് ഫോര് എന്റര്പ്രണര്ഷിപ്പ് ഡവലപ്പ്മെന്റ് സംരംഭകര്ക്കായി മാര്ക്കറ്റിങ്വര്ക്ക്ഷോപ്പ് സംഘടിപ്പിക്കുന്നു. ത്രിദ്വിന വര്ക്ക്ഷോപ്പില് പങ്കെടുക്കാന് താത്പര്യമുള്ളവര് ജൂലൈ 23 നകംwww.kied.info ല് ഓണ്ലൈനായി അപേക്ഷിക്കണം. ഫോണ്- 0484 2532890, 0484 2550322, 9188922785