സൗദി ദമാമില്‍ വാഹനാപകടത്തില്‍ വയനാട് സ്വദേശിയടക്കം മൂന്ന് മലയാളികള്‍ മരിച്ചു.
തൊണ്ടർനാട് കുഞ്ഞോം സ്വദേശി അന്‍സിഫ് (22),
മലപ്പുറം സ്വദേശി തൈക്കാട് വീട്ടില്‍ മുഹമ്മദ് ഷഫീഖ് (22), കോഴിക്കോട് സ്വദേശി സനദ്(22) എന്നിവരാണ് മരിച്ചത്.കുഞ്ഞോം ചക്കര പോക്കറിന്റെയും സെലീനയുടെയും രണ്ടാമത്തെ മകനാണ് അന്‍സിഫ്.ഇന്ന് പുലര്‍ച്ചെ ദമാം ദഹ്‌റാന്‍ മാളിന് സമീപമാണ് അപകടം . ഇവര്‍ ഓടിച്ചിരുന്ന കാര്‍ സര്‍വീസ് റോഡില്‍ നിന്ന് പ്രധാന റോഡിലേക്ക് ഇറങ്ങുമ്പോള്‍ നിയന്ത്രണം വിട്ട് ഡിവൈഡറില്‍ ഇടിച്ചാണ് അപകടം.സൗദി ദേശീയ ദിനാഘോഷങ്ങളില്‍ പങ്കെടുക്കാന്‍ പോകവെയാണ് അപകടം.
ചുരത്തിലെ ഗതാഗതം ഭാഗികമായി പുനസ്ഥാപിച്ചു
വയനാട് ചുരം വ്യൂ പോയിന്റിൽ മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റിൽ കുടുങ്ങിയ വാഹനങ്ങൾ അടിവാരത്തേക്ക് എത്തിക്കുകയും തുടർന്ന് അടിവാരത്ത് കുടുങ്ങിയ വാഹനങ്ങൾ വ്യൂ പോയിൻ്റ് ഭാഗത്തേക്ക് കയറ്റി വിടും.
