ബത്തേരി : ലോക എയ്ഡ്സ് ദിനത്തോടനുബന്ധിച്ച്, സെന്റർ ഫോർ പി ജി സ്റ്റഡിസ് ഇൻ സോഷ്യൽ വർക്ക് വിദ്യാർത്ഥികൾ, ബീന എംവിയുടെ നേതൃത്വത്തിൽ ബീനാച്ചി ഹൈസ്കൂളിൽ വച്ച് ബോധവൽക്കരണ തെരുവുനാടകം അവതരിപ്പിച്ചു. എയ്ഡ്സ് ബാധിതരായ ഒട്ടനവധി ജീവിതങ്ങളെ സമൂഹത്തിന്റെ മുൻനിരയിലേക്ക് കൊണ്ടുവരിക, മറ്റേതൊരു വ്യക്തിയെയും പോലെ അവർക്ക് സമത്വം ഉറപ്പുവരുത്തുക എന്നതുമാണ് ഈ വർഷത്തെ എയ്ഡ്സ് ദിനത്തിന്റെ ആശയം. ഈ സന്ദേശം എല്ലാവരിലേക്കും എത്തിക്കുകഎന്നതാണ് ദിനാചരണത്തിന്റെ ഉദ്ദേശം. ഹെഡ്മാസ്റ്റർ ബഹു. സജി. ടി. ജി ആശംസകൾ അർപ്പിച്ച് സംസാരിച്ചു. പിന്നീട് സുൽത്താൻബത്തേരി നഗരസഭ ഡെപ്യൂട്ടി ചെയർപേഴ്സൺ എൽസി,ബത്തേരി സി എ ബെന്നി എന്നിവരുടെ നേതൃത്വത്തിൽ തെരുവു നാടകവും, ഫ്ലാഷ് മോബും സംഘടിപ്പിച്ചു.
കുടിക്കാഴ്ച്ച മാറ്റി.
മേപ്പാടി ഗ്രാമപഞ്ചായത്ത് അസിസ്റ്റന്റ് എൻജിനീയറുടെ ഓഫീസിൽ ഓവർസീയർ തസ്തികയിലേക്ക് ജൂലൈ 14 ന് രാവിലെ 11 ന് നടത്താനിരുന്ന കുടിക്കാഴ്ച്ച മാറ്റിയതായി ഗ്രാമപഞ്ചായത്ത് സെക്രട്ടറി അറിയിച്ചു. പുതുക്കിയ തിയ്യതി പിന്നീട് അറിയിക്കും.
