പടിഞ്ഞാറത്തറ: ഓണം സ്പെഷ്യൽ ഡ്രൈവിനോടനുബന്ധിച്ച് കൽപ്പറ്റ എക്സൈസ് റെയിഞ്ച്, കൽപ്പറ്റ എക്സൈസ് സർക്കിൾ, പടിഞ്ഞാറത്തറ പോലീസ് ടീമുകൾ സംയുക്തമായി നടത്തിയ റെയിഡിൽ പടിഞ്ഞാറത്തറ ആലക്കണ്ടി ഭാഗത്ത് വെച്ച് വിദേശമദ്യം വിൽപ്പന നടത്തിയ കുറ്റത്തിന് ഒരാളെ അറസ്റ്റ് ചെയ്തു. പടിഞ്ഞാറത്തറ ആലക്കണ്ടി സ്വദേശി മീത്തൽമുടന്നയിൽ വീട്ടിൽ വി.കെ സുധീഷ് (39) എന്നയാളാണ് അറസ്റ്റിലായത്.ഇയാളിൽ നിന്നും വിൽപ്പനക്കായി സൂക്ഷിച്ച 3.6 ലിറ്റർ വിദേശമദ്യവും മദ്യം വിൽപ്പന നടത്തിയ വകയിൽ ലഭിച്ച 1400 രൂപയും പിടിച്ചെടുത്തു.
ഇയാൾ മുൻപും നിരവധി സമാന കുറ്റകൃത്യങ്ങളിൽ ഉൾപ്പെട്ടയാളാണെന്നും ആയതിന്റെ വിചാരണ നടപടികൾ കോടതികളിൽ നടന്നുവരികയാണെന്നും എക്സൈസ് അറിയിച്ചു.
എക്സൈസ് ഇൻസ്പെക്ടർ
പി.ബാബുരാജ്,പോലീസ് സബ്ബ് ഇൻസ്പെക്ടർ കെ.എ ഷറഫുദ്ധീൻ എന്നിരുടെ നേതൃത്വത്തിൽ നടത്തിയ പരിശോധനയിൽ പ്രിവന്റീവ് ഓഫീസർമാരായ അജീഷ് ടി,ബി, അബ്ദുൽസലീം.വി, സീനിയർ സിവിൽ പോലീസ് ഓഫീസർ സഹിൽ പി.ആർ, സിവിൽ എക്സൈസ് ഓഫീസർമാരായ പ്രോമിസ് എം.പി, സൂര്യ കെ.വി. റയീസ് ഫർസാന, എക്സൈസ് ഡ്രൈവർ അബ്ദുറഹീം എം.വി,പോലീസ് അസിസ്റ്റന്റ് സബ്ബ് ഇൻസ്പെക്ടർ (ഡ്രൈവർ) വിജയൻ എന്നിവർ പങ്കെടുത്തു.
10 വർഷം വരെ കഠിനതടവ് ശിക്ഷയും ഒരു ലക്ഷം രൂപ വരെ പിഴയും ലഭിച്ചേക്കാവുന്ന കുറ്റമാണിത്.പ്രദേശത്തെ മദ്യവിൽപ്പന സംഘത്തിലെ മറ്റു കണ്ണികളെ കുറിച്ച് അന്വേഷണം പുരോഗമിച്ചു വരുന്നതായി എക്സൈസ് അറിയിച്ചു.പ്രതിയെ ഇന്ന് കോടതിയിൽ ഹാജറാക്കി.
