വയനാട് ജില്ലാപഞ്ചായത്തിന്റെ പ്രവര്‍ത്തന മികവിന് അംഗീകാരമായി ഐ.എസ്.ഒ തിളക്കം. വിവിധ മേഖലയിലുളള പ്രവര്‍ത്തന മികവും പൊതുജന സേവനം കാര്യക്ഷമമായി നടപ്പാക്കിയതും പരിഗണിച്ചാണ് ഐ.എസ്.ഒ 9001 – 2015 സര്‍ട്ടിഫിക്കറ്റ് ജില്ലാപഞ്ചായത്തിന് ലഭിച്ചത്. ഓഫീസ് പ്രവര്‍ത്തനങ്ങളില്‍ കൈവരിച്ച ആധുനികരണവും സേവനങ്ങള്‍ നല്‍കുന്നതിലുളള കൃത്യതയും ഇ ഗവേണിംഗ് സംവിധാനവും മുന്‍നിര്‍ത്തിയാണ് വയനാട് ജില്ലാപഞ്ചായത്തിനെ നേട്ടത്തിന് അര്‍ഹമാക്കിയത്. ജനപ്രതിനിധികളുടെയും ജീവനക്കാരുടെയും കൂട്ടായ പരിശ്രമമാണ് ഈ നേട്ടം കൈവരിക്കാന്‍ സഹായിച്ചതെന്ന് ജില്ലാ പഞ്ചായത്ത് പ്രസിഡന്റ് കെ.ബി നസീമ പറഞ്ഞു.
ചുരത്തിലെ ഗതാഗതം ഭാഗികമായി പുനസ്ഥാപിച്ചു
വയനാട് ചുരം വ്യൂ പോയിന്റിൽ മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റിൽ കുടുങ്ങിയ വാഹനങ്ങൾ അടിവാരത്തേക്ക് എത്തിക്കുകയും തുടർന്ന് അടിവാരത്ത് കുടുങ്ങിയ വാഹനങ്ങൾ വ്യൂ പോയിൻ്റ് ഭാഗത്തേക്ക് കയറ്റി വിടും.
