കല്‍പ്പറ്റ സിവില്‍ സ്റ്റേഷന്‍ ജില്ലാ ട്രഷറി കെട്ടിടത്തില്‍ പുതുതായി നിര്‍മ്മിച്ച ലിഫ്റ്റ് ജില്ലാ കളക്ടര്‍ ഡോ. രേണു രാജ് ഉദ്ഘാടനം ചെയ്തു. എ.ഡി.എം എന്‍.ഐ ഷാജു അധ്യക്ഷത വഹിച്ചു. സാമൂഹ്യ നീതി വകുപ്പിന്റെ ഫണ്ട് ഉപയോഗിച്ച് ജില്ലാ നിര്‍മ്മിതി കേന്ദ്രയാണ് ലിഫ്റ്റ് നിര്‍മ്മിച്ചത്. ജില്ലാ ട്രഷറി ഓഫീസ്, ജില്ലാ ടൂറിസം ഓഫീസ് എന്നിവടങ്ങളിലേക്കെത്തുന്ന പൊതുജനങ്ങള്‍ക്കും പ്രത്യേകിച്ചും ഭിന്നശേഷി വിഭാഗത്തിലുള്ളവര്‍ക്കും ലിഫ്റ്റ് ഉപകാര പ്രദമാകും. സാമുഹ്യ നീതി വകുപ്പ് ജില്ലാ ഓഫീസര്‍ കെ. അശോകന്‍, ടൂറിസം ഡെപ്യൂട്ടി ഡയറക്ടര്‍ ഡി.വി പ്രഭാത്, ജില്ലാ ട്രഷറി ഓഫീസര്‍ ടി. ബിജു, അസി. ജില്ലാ ട്രഷറി ഓഫീസര്‍ ടി. മാത്യു, അസി. ട്രഷറി ഓഫീസര്‍ സി എ അബുദള്‍ നാസര്‍, ടൂറിസം ഇന്‍ഫര്‍മേഷന്‍ ഓഫീസര്‍ മുഹമ്മദ് സലീം, നിര്‍മ്മിതി എക്സി. ഓഫീസര്‍ സാജിദ് തുടങ്ങിയവര്‍ പങ്കെടുത്തു.
ക്രഷ് ഹെല്‍പ്പര്‍ നിയമനം
മാനന്തവാടി ശിശുവികസന വകുപ്പിന് കീഴിലെ കോണ്‍വെന്റ്കുന്ന് അങ്കണവാടിയില്‍ പ്രവര്‍ത്തനമാരംഭിക്കുന്ന ക്രഷിലേക്ക് ഹെല്‍പ്പര്‍ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭ പരിധിയില്‍ സ്ഥിരതാമസക്കാരായ 18-35 നും ഇടയില്‍ പ്രായമുള്ള പത്താം ക്ലാസ് യോഗ്യതയുള്ള വനിതകള്‍ക്ക് അപേക്ഷിക്കാം.
