വരാനിരിക്കുന്ന ലോക്സഭാ തെരഞ്ഞെടുപ്പിനുള്ള സ്ഥാനാർത്ഥി പട്ടികയിൽ അപ്രതീക്ഷിത നീക്കവുമായാണ് കോൺഗ്രസ് എത്തിയത്. ഇതോടെ പാലക്കാട് എം എൽ എയും യൂത്ത് കോൺഗ്രസ് മുൻ അധ്യക്ഷനുമായ ഷാഫി പറമ്ബിലാണ് വടകരയിൽ യു ഡി എഫ് സ്ഥാനാർത്ഥിയാകുന്നത്. ഇതിന്റെ ഭാഗമായി വടകരയിലേക്ക് പ്രചാരണത്തിന് ഇറങ്ങിയിരിക്കുകയാണ് ഷാഫി.
https://x.com/thomasrvjose/status/1766849410892546438?s=20
വടകരയിലെത്തിയ ഷാഫിക്ക് ഉജ്ജ്വല വരവേൽപ്പ് നൽകിയാണ് പ്രവർത്തകർ സ്വീകരിച്ചത്.വടകരയിൽ എത്തിയ ഷാഫിക്കൊപ്പം യുവ കോൺഗ്രസ് നേതാക്കളായ രാഹുൽ മാങ്കൂട്ടത്തിൽ, പി സി വിഷ്ണുനാഥ്, പി കെ ഫിറോസ് തുടങ്ങിയവരുടെ വലിയ നിര അണിനിരന്നു. ഇതോടെ വടകര മണ്ഡലം വാശിയേറിയ പോരാട്ടത്തിലേക്കാണ് കടക്കുന്നത്. പതിനായിരങ്ങളാണ് ഷാഫിയെ സ്വീകരിക്കാൻ വടകരയിൽ അണിനിരന്നത്. അക്ഷരാർത്ഥത്തിൽ ഒരു ജനസാഗരമായിരുന്നു യുഡിഎഫ് സ്ഥാനാർഥിക്ക് വടകരയിലേക്ക് സ്വാഗതം ഓതിയത്.
സിറ്റിംഗ് എം പി കെ മുരളീധരനെ തൃശൂരിലേക്ക് സ്ഥാനാർത്ഥിയായി നിശ്ചയിച്ചതോടെയാണ് ഷാഫി പറമ്ബിലിന് നറുക്ക് വീണത്. പാലക്കാട് നിന്ന് വടകരയിലേക്ക് തിരിച്ച ഷാഫി പറമ്ബിലിനെ കണ്ണീരോടെയാണ് കോൺഗ്രസ് പ്രവർത്തകർ യാത്രയാക്കിയത്.
