സിഎം വലിയുല്ലാഹി ആണ്ടു നേർച്ച സംഘടിപ്പിച്ചു
പടിഞ്ഞാറത്തറ:
പടിഞ്ഞാറത്തറ ഉമ്മുൽ ഖുറ സാംസ്‌കാരിക നിലയത്തിന്റെ ആഭിമുഖ്യത്തിൽ
ഖുതുബുൽ ആലം
സിഎം വലിയുല്ലാഹിയുടെ ആണ്ടു നേർച്ച സംഘടിപ്പിച്ചു.
പ്രാർത്ഥന സമ്മേളനം എസ്.എം.എ സംസ്ഥാന വൈസ് പ്രസിഡന്റ്‌ സയ്യിദ് ശറഫുദ്ധീൻ ജമലുല്ലൈല്ലി തങ്ങൾ ഉദ്ഘാടനം ചെയ്തു.
പ്രകീർത്തന സദസ്സിന് നിസാർ ഖുതുബി അൽ ഹാദി നേതൃത്വം നൽകി.
വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി മുഖ്യപ്രഭാഷണം നടത്തി.
ഉമ്മുൽ ഖുറാ ജനറൽ സെക്രട്ടറി പി.മജീദ് സഖാഫി അധ്യക്ഷത വഹിച്ചു.എഴുത്തുകാരൻ
മമ്മൂട്ടി കട്ടയാട് അനുസ്മരണ പ്രസംഗം നടത്തി.
ടി.മജീദ് , അസീസ് കെ, റഷീദ് സി.കെ, ശറഫുദ്ധീൻ ഹാജി, പി. അബൂബക്കർ, ഇബ്രാഹിം സഖാഫി, ഹംസ മുസ്‌ലിയാർ തുടങ്ങിയവർ സംസാരിച്ചു.
ആധ്യാത്മിക ജ്ഞാനത്തിന്റെ വഴിവിളക്കായിരുന്നു സി. എം.
കേരളീയ ഇസ്ലാമിക പശ്ചാത്തലത്തെ അഗാധമായി സ്വാധീനിക്കുകയും അനിവാര്യമായിരുന്ന ഏറെ മാറ്റങ്ങള്‍ക്ക് അണിയറയില്‍ നേതൃത്വം നല്‍കുകയും ചെയ്ത മഹാനായിരുന്നു വലിയുല്ലാഹി മടവൂര്‍ സി.എം. അബൂബക്കര്‍ ഉസ്താദ്‌ അവറുകൾ എന്ന് അനുസ്മരണ പ്രഭാഷണത്തിൽ മമ്മൂട്ടി കട്ടയാട് പറഞ്ഞു.
