പനമരം: എസ്എസ്എൽസി പരീക്ഷയിൽ മികച്ച വിജയം നേടിയ
പനമരം ചങ്ങാടക്കടവ് – പരക്കുനി കോന്തിയോടൻ അബ്ദുൽ അസീസിൻ്റെ മകൾ അശ്റിൻ ലിയാനക്ക് അഭിനന്ദനവുമായി ബദ്റുൽഹുദ.9 എ പ്ലസും ഒരു എയുമാണ് അശ്റിൻ ലിയാന കരസ്തമാക്കിയത്.
2019ൽ ഉണ്ടായ പ്രളയ സമയത്ത് പനി ബാധിച്ച് ഇൻഫെക്ഷൻ ആയതിനെ തുടർന്ന് ലിയാനക്ക് അരക്ക് താഴെ സ്വാധീനം നഷ്ടപ്പെട്ടിരുന്നു . ശരീരം വഴങ്ങിയില്ലെങ്കിലും മനസിന് ഒരു തളർച്ചയുമില്ലാതെ ഈ മിടുക്കി പഠനത്തിൽ മുന്നേറുകയായിരുന്നു , പരസഹായത്തോടെയാണ് ക്ളാസിൽ എത്താറുള്ളത്
ലീയാന സ്വന്തമായാണ് പരീക്ഷ എഴുതിയത്.
“എനിക്ക് നന്നായി പഠിക്കണം ഉയരങ്ങളിൽ എത്തണം എൻ്റെ ശാരീരിക വൈകല്യം അതിന് തടസ്സമല്ല” എന്ന് കുട്ടിയെ അനുമോദിക്കാൻ വീട്ടിലെത്തിയ ബദ്റുൽ ഹുദാ സാരഥികളോട് ലിയാന പറഞ്ഞു.
ലിയാനക്ക് ബദ്റുൽഹുദയുടെ ഉപഹാരം ജനറൽ സെക്രട്ടറി പി. ഉസ്മാൻ മൗലവി നൽകി. ക്യാമ്പസ് ഇൻചാർജ് റഷീദുദ്ദീൻ ഇർഫാനി കാന്തപുരം, ഫായിസ് കണിയാമ്പറ്റ എന്നിവരും ഒപ്പമുണ്ടായിരുന്നു. ലിയാനയുടെ തുടർ പഠനത്തിനാവശ്യമായ ചെലവുകൾ ബദ്റുൽഹുദാ നൽകുമെന്നും ഭാരവാഹികൾ അറിയിച്ചു.
ഉദ്യോഗാർത്ഥികൾക്ക് കൈത്താങ്ങായി തരിയോട് ഗ്രാമപഞ്ചായത്ത് തൊഴിൽമേള
കാവുംമന്ദം: നൂറുകണക്കിന് ഉദ്യോഗാർത്ഥികൾക്ക് തൊഴിലവസരം ഒരുക്കി കൊണ്ട് തരിയോട് ഗ്രാമപഞ്ചായത്ത് സംഘടിപ്പിച്ച തൊഴിൽമേള ഏറെ ഉപകാരപ്രദമായി. വിജ്ഞാന കേരളം പദ്ധതിയുടെ ഭാഗമായി തരിയോട് ഗ്രാമപഞ്ചായതിൻ്റെ ആഭിമുഖ്യത്തിൽ സംഘടിപ്പിച്ച തൊഴിൽമേളയുടെ ഉദ്ഘാടനം തരിയോട് ഗ്രാമപഞ്ചായത്ത് പ്രസിഡണ്ട്
