ദേശീയ ജാവലിന്‍ ദിനത്തിന്റെ ഭാഗമായി ജില്ലാ അത്‌ലറ്റിക്‌സ് അസോസിയേഷന്‍ ജൂലൈ 27 ന് കല്‍പ്പറ്റ എം.കെ.ജിനചന്ദ്ര സ്മാരക ജില്ലാ സ്റ്റേഡിയത്തില്‍ ജില്ലാതല ജാവലിന്‍ ത്രോ ചാമ്പ്യന്‍ഷിപ്പ് നടത്തുന്നു. 14, 16,18,20 വയസ്സിന് താഴെയുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കും പുരുഷ വനിതാ വിഭാഗങ്ങളിലുമാണ് മത്സരം നടക്കുക. പങ്കെടുക്കുന്ന കായിക താരങ്ങള്‍ ജില്ലാ അത്‌ലറ്റിക് അസോസിയേഷനില്‍ രജിസ്റ്റര്‍ ചെയ്തിട്ടുള്ള ക്ലബ്ബ്, സ്ഥാപനങ്ങള്‍ മുഖേന ജൂലൈ 24 ന് വൈകീട്ട് 5 ന് മുമ്പ് എന്‍ട്രി നല്‍കണം. ഫോണ്‍ 9847884242
ക്രഷ് ഹെല്‍പ്പര്‍ നിയമനം
മാനന്തവാടി ശിശുവികസന വകുപ്പിന് കീഴിലെ കോണ്‍വെന്റ്കുന്ന് അങ്കണവാടിയില്‍ പ്രവര്‍ത്തനമാരംഭിക്കുന്ന ക്രഷിലേക്ക് ഹെല്‍പ്പര്‍ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭ പരിധിയില്‍ സ്ഥിരതാമസക്കാരായ 18-35 നും ഇടയില്‍ പ്രായമുള്ള പത്താം ക്ലാസ് യോഗ്യതയുള്ള വനിതകള്‍ക്ക് അപേക്ഷിക്കാം.
