ഒരു വീടിനായി അധികൃതരുടെ കനിവുതേടി വാസുവും ഭാര്യയും.

വെങ്ങപ്പള്ളി പഞ്ചായത്തിൽ 3-ാം വാർഡിലെ തോണ്ട കോളനിയിൽ താമസിക്കുന്ന വാസുവും ഭാര്യ മാക്കയും
ഒരു വീടിനു വേണ്ടി കാത്തിരിക്കാൻ തുടങ്ങിയിട്ട്
വർഷങ്ങളേറെയായി.
ഏത് നിമിഷവും നിലം പൊത്താവുന്ന ചോർന്നൊലിക്കുന്ന കുടിലിൽ ഭയപ്പാടോടെയാണ് ഇവർ കഴിയുന്നത്.
അന്തിയുറങ്ങാൻ മറ്റു വീടുകളിൽ അഭയം തേടുകയാണ് ഈ കുടുംബം.
ഒരു വീടിനായി അധികാരികൾക്ക് നിരവധി അപേക്ഷകൾ സമർപ്പിച്ചിട്ടും ആരും തിരിഞ്ഞു നോക്കിയില്ലെന്ന് ഇവർ പറയുന്നു.
തങ്ങളുടെ ദയനീയ സ്ഥിതി കണക്കിലെടുത്ത് അധികൃതർ ഇനിയെങ്കിലും
ഒരു വീട് അനുവദിച്ചു തരണമെന്നതാണ് ഇവരുടെ ആവശ്യം.