തിരുവനന്തപുരം:
റേഷന്‍ കാര്‍ഡ് മുന്‍ഗണന വിഭാഗത്തില്‍ നിന്ന് അറുപതിനായിരത്തോളം പേര്‍ പുറത്ത്. തുടര്‍ച്ചയായി മൂന്ന് മാസം റേഷന്‍ വാങ്ങാതിരുന്നവരാണ് മുന്‍ഗണന വിഭാഗത്തില്‍ നിന്ന് പുറത്തായത്. ഇവരെ വെള്ള കാര്‍ഡിലേക്ക് മാറ്റുമെന്ന് ഭക്ഷ്യ പൊതുവിതരണ വകുപ്പ് അറിയിച്ചു. മഞ്ഞ-പിങ്ക് റേഷന്‍ കാര്‍ഡ് ഉടമകള്‍ നിര്‍ബന്ധമായും മസ്റ്ററിംഗ് നടത്തണമെന്നാണ് കേന്ദ്ര സര്‍ക്കാര്‍ അറിയിച്ചു. മസ്റ്ററിങ്ങിനുവേണ്ടി പല ഘട്ടങ്ങളിലായി സമയം നീട്ടി നല്‍കിയിരുന്നു. റേഷന്‍ വാങ്ങാതിരുന്ന നാലായിരത്തിലധികം നീല റേഷന്‍ കാര്‍ഡ് ഉടമകളെയും വെള്ള കാര്‍ഡിലേക്ക് മാറ്റി. മുന്‍ഗണന വിഭാഗത്തിലേക്ക് മാറാന്‍ ആഗ്രഹിക്കുന്നവര്‍ ഈ മാസം പത്തിനകം അപേക്ഷ സമര്‍പ്പിക്കണം. അക്ഷയ കേന്ദ്രങ്ങള്‍ വഴിയോ സിറ്റിസണ്‍ പോര്‍ട്ടല്‍ വഴിയോ അപേക്ഷിക്കാം. ജില്ലാ സപ്ലൈ ഓഫീസര്‍മാര്‍ പരിശോധിച്ച്‌ അര്‍ഹരായവരെ മുന്‍ഗണന വിഭാഗത്തിലേക്ക് ഉള്‍പ്പെടുത്തും.
ഉച്ചയൂണിന് ശേഷം മധുരം കഴിക്കാൻ തോന്നാറുണ്ടോ?; കുടലിന്റെ ആരോഗ്യക്കുറവ് കാരണമാകാം
ആരോഗ്യകരമായ ശരീരത്തിനും ദഹനത്തിനുമെല്ലാം ആരോഗ്യകരമായ കുടൽ ഏറെ പ്രധാനമാണ്. ആന്തരിക അവയവങ്ങളുടെ പ്രവർത്തനം സുഖകരമായി നടത്തുന്നതിൽ കുടലാരോഗ്യത്തിന് പ്രധാന റോളുണ്ട്. കുടലിന്റെ ആരോഗ്യത്തിന് നമ്മളുടെ ഇമ്മ്യൂണിറ്റിയെയും, എന്തിന് നമ്മുടെ മൂഡിനെയും വരെ സ്വാധീനിക്കാൻ സാധിക്കും.
