പോളിസിയായി അടച്ച തുക തിരികെ നല്‍കാന്‍ വിസമ്മതിച്ച എല്‍.ഐ.സിക്കെതിരെ പരാതി നല്‍കിയ പരാതികാരന് തുകയും പലിശയും തിരിച്ചു നല്‍കാന്‍ ജില്ലാ ഉപഭോക്തൃ തര്‍ക്ക പരിഹാര കമ്മീഷന്റെ ഉത്തരവ്. സുല്‍ത്താന്‍ ബത്തേരി സ്വദേശിയായ അഡ്വ. കെ.ടി ജോര്‍ജ്ജാണ് എല്‍.ഐ.സിക്കെതിരെ പരാതിയുമായി കമ്മീഷനെ സമീപിച്ചത്. 2000 സെപ്തംബറിലാണ് പരാതിക്കാരന് 3988 രൂപ അടച്ച് പോളിസിയില്‍ ചേര്‍ന്നത്. പിന്നീട് പ്രീമിയം അടച്ചിരുന്നില്ല. കാലാവധി പൂര്‍ത്തിയായപ്പോള്‍ അടച്ച തുക തിരികെ ആവശ്യപ്പെട്ടിട്ടും എല്‍.ഐ.സി തുക നല്‍കാന്‍ തയ്യാറായില്ല. കാലഹരണപ്പെട്ട പോളിസിയില്‍ ആനുകൂല്യങ്ങള്‍ക്ക് അര്‍ഹതയുണ്ടാകില്ല എന്നതായിരുന്നു എല്‍.ഐ.സിയുടെ നിലപാട്. എന്നാല്‍ പോളിസി ആനുകൂല്യങ്ങളല്ല അടച്ച തുകയും പലിശയുമാണ് പരാതിക്കാരന് ആവശ്യപ്പെട്ടതെന്നും അടച്ച തുക തിരികെ നല്‍കില്ലെന്ന് പോളിസി വ്യവസ്ഥയില്‍ പ്രതിപാദിച്ചിട്ടില്ലെന്നും കമ്മീഷന്‍ വിലയിരുത്തി. അടച്ച തുകയായ 3988 രൂപയും പലിശയും സഹിതം 16748 രൂപയും കോടതി ചെലവായ 11500 രൂപയും ഉള്‍പ്പെടെ 28248 രൂപ എല്‍.ഐ.സി പരാതിക്കാരന് നല്‍കണം. ആര്‍.ബിന്ദു, എം.ബീന, എ.എസ്.സുഭഗന്‍ എന്നിവര്‍ അംഗങ്ങളായ ജില്ലാ ഉപഭോക്തൃതര്‍ക്ക പരിഹാര കമ്മീഷനാണ് ഉത്തരവ് പുറപ്പെടുവിച്ചത്.
പാർട്ട് ടൈം ഓൺലൈൻ ജോലി തട്ടിപ്പ്: ചെറിയ തുകകൾ പ്രതിഫലമായി നൽകിയശേഷം ഒറ്റപ്പാലം സ്വദേശിയിൽ നിന്ന് നിക്ഷേപമായി കൈപ്പറ്റിയ 50 ലക്ഷത്തോളം കബളിപ്പിച്ചു; തിരുവനന്തപുരം സ്വദേശിയായ 25കാരന് സമർത്ഥമായി വലയിൽ വീഴ്ത്തി പോലീസ്
വീട്ടിലിരുന്ന് ഓണ്‍ലൈനായി പാർട്ട് ടൈം ജോലി ചെയ്ത് പണം സമ്ബാദിക്കാമെന്ന് വാഗ്ദാനം നല്‍കി പണം തട്ടിയ കേസിലെ പ്രതിയെ പോലീസ് പിടികൂടിയത് സുപ്രധന നീക്കത്തിലൂടെ.കാട്ടാക്കട സ്വദേശി ആന്റോ ബിജു(25) ആണ് അറസ്റ്റിലായത്. ഒറ്റപ്പാലം സ്വദേശിയാണ്
