പടിഞ്ഞാറത്തറയിൽ റോഡുകൾ അടച്ചു

പടിഞ്ഞാറത്തറ പഞ്ചായത്ത് പൂര്‍ണ്ണമായും കണ്ടെയ്ന്‍മെന്റ് സോണായി കളക്ടര്‍ പ്രഖ്യാപിച്ച സാഹചര്യത്തില്‍ വിവിധ പഞ്ചായത്തുകളുമായി ബന്ധിപ്പിക്കുന്ന റോഡുകള്‍ പോലീസും പോലീസ് വൊളണ്ടിയർമാരുടെ നേതൃത്വത്തിൽ അടച്ചു.വെള്ളമുണ്ട പഞ്ചായത്തുമായി ബന്ധിപ്പിക്കുന്ന വാരാമ്പറ്റ ആലക്കണ്ടി പുളിഞ്ഞാൽ റോഡ്,പുതുശ്ശേരി കടവ്, അരമ്പറ്റക്കുന്ന് വെണ്ണിയോട് റോഡ്, പടിഞ്ഞാറത്തറ ചെന്നലോട് റോഡ് തരിയോട് പഞ്ചായത്തുകളെ ബന്ധിപ്പിക്കുന്ന മഞ്ഞൂറ തുടങ്ങിയ പ്രദേശങ്ങളിലുമാണ് റോഡ് അടച്ചത്.പോലീസ് നിയന്ത്രണങ്ങള്‍ ശക്തമാക്കി.