ക്ഷീരവികസന വകുപ്പിന്റെ ഓണക്കാല ഊര്‍ജിത പാല്‍ പരിശോധന യജ്ഞം ജില്ലാ പഞ്ചായത്ത് പ്രസിഡന്റ് കെ.ബി നസീമ ഉത്ഘാടനം ചെയ്തു.
കല്‍പ്പറ്റ സിവില്‍ സ്റ്റേഷനില്‍ ക്ഷീര വികസന വകുപ്പ് ക്വാളിറ്റി കണ്‍ട്രോള്‍ ഓഫീസില്‍ പ്രവര്‍ത്തനമാരംഭിച്ച ഇന്‍ഫര്‍മേഷന്‍ സെന്ററില്‍ ആഗസ്ത് 24 മുതല്‍ 30 വരെ എല്ലാ ദിവസവും രാവിലെ 10 മണിമുതല്‍ വൈകുന്നേരം 5 മണി വരെ ഉപഭോക്താക്കള്‍ക്ക് സൗജന്യമായി പാല്‍ ഗുണ നിലവാരം പരിശോധിക്കാം. ഈ ദിവസങ്ങളില്‍ മാര്‍ക്കറ്റ് സാമ്പിള്‍ പരിശോധന നടത്തി ഗുണ നിലവാരം ഉറപ്പുവരുത്തുന്നതുമാണ്. ഡെപ്യൂട്ടി ഡയറക്ടര്‍ ഷൈജി.കെ.എം, ക്വാളിറ്റി കണ്‍ട്രോള്‍ ഓഫീസര്‍ ഇ.എം പത്മനാഭന്‍ തുടങ്ങിയവര്‍ പങ്കെടുത്തു.
അജൈവ മാലിന്യങ്ങളാല്‍ പൂക്കളം തീര്‍ത്ത് ശുചിത്വമിഷന്‍
അജൈവ മാലിന്യങ്ങളാല്‍ പൂക്കളം തീര്‍ത്ത് ശുചിത്വമിഷന്‍. മാലിന്യ സംസ്‌കരണ പ്രവര്‍ത്തനങ്ങള്‍ ഊര്‍ജ്ജിതമാക്കി അജൈവ മാലിന്യങ്ങള്‍ തരംതിരിക്കുന്നതിന്റെ പ്രാധാന്യം പൊതുജനങ്ങളിലേക്കെത്തിക്കുക ലക്ഷ്യമിട്ടാണ് ശുചിത്വമിഷന്‍ ഓണപൂക്കളം ഒരുക്കിയത്. അജൈവ മാലിന്യങ്ങളാല്‍ തയ്യാറാക്കിയ ഓണപൂക്കളം സംസ്ഥാനത്തിന് തന്നെ മാതൃകയായി
