ജില്ലയിലെ തെരഞ്ഞെടുക്കപ്പെട്ട വാക്സിനേഷന്‍ കേന്ദ്രങ്ങളില്‍ ആദ്യ ഡോസ് വാക്സിന്‍ ലഭിച്ചവര്‍ക്കുളള രണ്ടാം ഡോസ് വാക്സിന്‍ നല്‍കുന്ന നടപടി പുരോഗമിക്കുന്നു. ഒന്നാം ഡോസ് എടുത്തു 42 ദിവസം കഴിഞ്ഞവരെ മുന്‍ഗണനാക്രമത്തില്‍ ആരോഗ്യപ്രവര്‍ത്തകര്‍ അറിയിക്കുന്ന താണ്. അറിയിപ്പ് ലഭിക്കുന്നതിനനുസരിച്ച് മാത്രമേ വാക്സിനേഷന്‍ കേന്ദ്രങ്ങളില്‍ എത്താവൂ എന്ന് ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. ഒന്നാം ഡോസ് വാക്സിനേഷന്‍ വാക്സിന്‍ ലഭ്യമാകുന്ന മുറയ്ക്ക്് നല്‍കുന്നതാണ്. ആളുകള്‍ കൂട്ടമായി എത്തുന്നത് ഒഴിവാക്കുന്നതിനു വേണ്ടി ആവശ്യമായ ക്രമീകരണങ്ങള്‍ ആരോഗ്യവകുപ്പും തദ്ദേശസ്വയംഭരണ സ്ഥാപനങ്ങളും ചെയ്തിട്ടുണ്ടെന്നും മെഡിക്കല്‍ ഓഫീസര്‍ അറിയിച്ചു.
മാര്‍ക്കറ്റിങ് വര്‍ക്ക്ഷോപ്പ്
കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്പ്‌മെന്റ് സംരംഭകര്‍ക്കായി മാര്‍ക്കറ്റിങ്വര്‍ക്ക്ഷോപ്പ് സംഘടിപ്പിക്കുന്നു. ത്രിദ്വിന വര്‍ക്ക്‌ഷോപ്പില്‍ പങ്കെടുക്കാന്‍ താത്പര്യമുള്ളവര്‍ ജൂലൈ 23 നകംwww.kied.info ല്‍ ഓണ്‍ലൈനായി അപേക്ഷിക്കണം. ഫോണ്‍- 0484 2532890, 0484 2550322, 9188922785
