കൽപ്പറ്റ :ഹയർസെക്കൻഡറി നാഷണൽ സർവീസ് സ്കീം ഡിസംബർ 26 നാരംഭിച്ച സപ്തദിന സഹവാസ ക്യാംപ് “വെളിച്ചം 2022”
സമാപിച്ചു. ജില്ലയിലെ 54 യൂനിറ്റുകളിലെ 2200 വൊളണ്ടിയർമാർ വിവിധ വിദ്യാലയങ്ങളിലായി സമൂഹത്തിന് വെളിച്ചം പകർന്നു .
ലഹരി വിരുദ്ധ പ്രചാരണ പരിപാടികളായിരുന്നു ഈ വർഷത്തെ ക്യാമ്പിന്റെ മുഖ്യ ആശയം .ലഹരി വിരുദ്ധ പ്രചാരണ പരിപാടികളുടെ ഭാഗമായി തെരുവുനാടകാവതരണം ,കില്ലാടി പാവ നിർമ്മാണം,ലഹരി വിരുദ്ധ ക്യാൻവാസ് ഒരുക്കൽ എന്നീ പ്രവർത്തനങ്ങൾ സംഘടിപ്പിച്ചു.
നാടൻ ഫലവൃക്ഷത്തൈകൾ നട്ടുപിടിപ്പിക്കുന്ന “തേൻ കനി “, “ഹരിത സംസ്കൃതി ” എന്ന അടുക്കളത്തോട്ട നിർമ്മാണം , “നിപുണം ” എന്ന പേരിലുള്ള തൊഴിൽ പരിശീലന പരിപാടി , “സ്നേഹസന്ദർശനം ” എന്ന പേരിലുള്ള വയോജനങ്ങളുടെ ഭവനങ്ങൾ സന്ദർശിച്ച് വിവരശേഖരണം, “ഉജ്ജീവനം “എന്ന പേരിൽ ആത്മഹത്യാ പ്രതിരോധ ബോധവൽക്കരണ പ്രവർത്തനം ,അടിസ്ഥാന ജനവിഭാഗങ്ങളുടെ ,ജീവിതരീതി തൊഴിൽ സർഗ്ഗ വൈഭവം എന്നിവ പരിചയപ്പെടുത്തുന്ന “ഗ്രാമദീപിക “, “സന്നദ്ധ”മെന്ന പ്രഥമശുശ്രൂഷ ബോധവൽക്കരണം , “സുസ്ഥരാരോഗ്യം ” എന്ന കാലാവസ്ഥ വ്യതിയാന ബോധവൽക്കരണം,നേതൃത്വ – പ്രസംഗം പരിശീലനം , തനതു പ്രവർത്തനങ്ങൾ എന്നിവ വെളിച്ചം 2022 എന്ന പേരിട്ടിരിക്കുന്ന ക്യാമ്പിന്റെ ഭാഗമായി സംഘടിപ്പിച്ചു. ക്യാംപിലെ വ്യത്യസ്തവും വൈവിധ്യവുർന്ന പ്രൊജക്റ്റുകളെ നാട് മുഴുവൻ ഏറ്റെടുത്തു .
54 യൂണിറ്റുകളിലെ പ്രോഗ്രാം ഓഫീസർമാർ , പ്രിൻസിപ്പൽമാർ , അധ്യാപകർ, പി ടി എ ഭാരവാഹികൾ, വിവിധ സർക്കാർ വകുപ്പുകൾ എന്നിവർ പരിപാടികളുടെ സംഘാടകരായി .
ഈ വർഷത്തെ ക്യാമ്പുകളുടെ സംസ്ഥാന തല ഉദ്ഘാടനം വയനാട് ജില്ലയിലെ കാട്ടിക്കുളം സ്കൂളിൽ പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടിയാണ് നിർവഹിച്ചത് .ജില്ലയിലെ പ്രവർത്തനങ്ങൾക്ക് ജില്ലാ കൺവീനർ ശ്യാൽ കെ.എസ്,ക്ലസ്റ്റർ കൺവീനർമാരായ ഹരി എ,രവീന്ദ്രൻ കെ ,രാജേന്ദ്രൻ എം കെ ,ബിജുകുമാർ പി ,രജീഷ് എ വി എന്നിവർ നേതൃത്വം നൽകി.
ജില്ലാതല സമാപനം വടുവഞ്ചാൽ ഹയർ സെക്കൻഡറി സ്കൂളിൽ
ബത്തേരി ബ്ലോക്ക് പഞ്ചായത്ത് പ്രസിഡണ്ട് സി അസൈനാർ ഉദ്ഘാടനം ചെയ്തു . എൻ സി കൃഷ്ണകുമാർ,റഫീഖ് എ കെ ,ഹഫ്സത്ത് സി കെ,സീതാ വിജയൻ,
മുജീബ് റഹ്മാൻ എ . ഷീജോ കെ. ജെ.
ആയിഷ റസാഖ് , മനോജ് കെ. വി ,സുനിത വി കെ
,സക്കീർ ഹുസൈൻ ,
സുനിത വി കെ ,
ആണ്ടൂർ ബാലകൃഷ്ണൻ ,
സുഭാഷ് വി പി ,മുഹമ്മദ് അഫ്സൽ എന്നിവർ സംസാരിച്ചു.
