ഹയര്‍സെക്കന്ററി പരീക്ഷാഫലം പിന്‍വലിച്ചെന്ന് വ്യാജപ്രചാരണം നടത്തിയ ബി.ജെ.പി പഞ്ചായത്തംഗം അറസ്റ്റില്‍. കൊല്ലം പോരുവഴി പഞ്ചായത്തംഗം നിഖില്‍ മനോഹറാണ് അറസ്റ്റിലായത്. വിദ്യാഭ്യാസവകുപ്പിന്റെ പേരില്‍ വ്യാജപ്രചാരണം നടത്തുന്നത് ശ്രദ്ധയില്‍പ്പെട്ടതോടെ മന്ത്രി നല്‍കിയ പരാതിയില്‍ കന്റോണ്‍മെന്റ് പൊലീസാണ് ഇയാളെ അറസ്റ്റ് ചെയ്തത്.
‘വി കാൻ മീഡിയ’ എന്ന പേരിൽ ഇയാൾ ഒരു യൂട്യൂബ് ചാനൽ നടത്തുന്നുണ്ട്. വിദ്യാഭ്യാസ വാർത്തകളാണ് ഇതിൽ പ്രധാനമായും നൽകുന്നത്. പ്ലസ് ടു ഫലം വന്നതിന് പിന്നാലെ റിസൽട്ടിൽ ചില അപാകതകളുള്ളതിനാൽ ഫലം പിൻവലിച്ചു എന്ന രീതിയിൽ പ്രചാരണം നടത്തുകയായിരുന്നു. ഇതിനെതിരെയാണ് വിദ്യാഭ്യാസ മന്ത്രി പരാതി നൽകിയത്.
