കാക്കവയൽ :കാക്കവയൽ ഗവ. ഹയർ സെക്കൻഡറി സ്കൂളിൽ ബഷീർ ദിനത്തിൽ അദ്ദേഹത്തിന്റെ കഥാപാത്രങ്ങളെ വിദ്യാർത്ഥികൾ അവതരിപ്പിച്ചു.വായനക്കാരനെ ചിരിപ്പിക്കുകയും സന്തോഷിപ്പിക്കുകയും ചെയ്ത അപൂർവ്വ പ്രതിഭയാണ് വൈക്കം മുഹമ്മദ് ബഷീർ എന്ന് ഖദീജ ടീച്ചർ അഭിപ്രായപ്പെട്ടു. ബഷീർ അനുസ്മരണം ഉദ്ഘാടനം ചെയ്യുകയായിരുന്നു അവർ.
ബഷീർ കൃതികളുടെ പ്രദർശനം, ബഷീർ ചരിത്രം ഡോക്യുമെന്റേഷൻ, പോസ്റ്റർ നിർമ്മാണം, പതിപ്പ് പ്രകാശനം ,ചിത്രരചന മത്സരം എന്നിവയും നടത്തി.ധന്യ ടീച്ചർ ,ജയ്മ ടീച്ചർ ,ഡോ. കാർത്തിക , ദിയ ടീച്ചർ, മാധവി ടീച്ചർ, ദീപ കുമ്മങ്കോട് തുടങ്ങിയവർ നേതൃത്വം നൽകി.
വയർമാൻ ഏകദിന പരിശീലന പരിപാടി 18ന്
സംസ്ഥാന ഇലക്ട്രിസിറ്റി ലൈസൻസിങ്‌ ബോർഡ് നിയമപ്രകാരം വയർമാൻ പരീക്ഷ വിജയിച്ചവർക്കുള്ള നിർബന്ധിത ഏകദിന പരിശീലന പരിപാടി സെപ്റ്റംബർ 18 രാവിലെ ഒൻപത് മുതൽ വൈകിട്ട് അഞ്ച് വരെ മീനങ്ങാടി ഗ്രാമപഞ്ചായത്ത് കമ്മ്യൂണിറ്റി ഹാളിൽ നടക്കും.
