ചെളിവയലിലെ ആവേശത്തിൽ വടംവലി:സുൽത്താൻ ബോയ്സ് ജേതാക്കൾ.

കൽപ്പറ്റ: കോഴിക്കോട്- മൈസൂർ ദേശീയപാതക്കരികെ കാക്കവയലിലെ ചെളിനിറഞ്ഞ പാടത്ത് നടന്ന മഡ് വടം വലി കാണാൻ നാടിൻ്റെ നാനാ ഭാഗങ്ങളിൽ നിന്ന് ഒഴുകിയെത്തിയത് ആയിരങ്ങൾ. സംസ്ഥാന തലത്തിലും ദേശീയ തലത്തിലും മികവ് തെളിയിച്ച ടീമുകളുൾപ്പടെ എട്ട് ടീമുകൾ പങ്കെടുത്ത വാശിയേറിയ വടംവലി മത്സരത്തിൽ മൗണ്ട് സാനഡു അമ്പലവയലിൻ്റെ ബി ടീമിനെ പരാജയപ്പെടുത്തി ബത്തേരി സുൽത്താൻ ബോയ്സ് ജേതാക്കളായി. വയനാട് ടൂറിസം ഓർഗനൈസേഷൻ, ഡി.ടി.പി.സി. ,ടൂറിസം വകുപ്പ് എന്നിവയുടെയും മഡ്ഡി ബൂട്ട്സ് വൊക്കേഷൻസ്, ജില്ലാ വടംവലി അസോസിയേഷൻ എന്നിവയുടെ സഹകരണത്തോടെ നടത്തിയ വടം വലി മത്സരത്തിൽ
സർക്കാർ വകുപ്പുകളിൽ നിന്ന്
ഭൂജല വകുപ്പ് മീനങ്ങാടി പങ്കെടുത്തു.
അവാന വെള്ളച്ചിമൂല,ബത്തേരി
സുൽത്താൻ ബോയ്സ്,
മൗണ്ട് സാനഡു അമ്പലവയൽ,
പടവീടൻ വരദൂർ, ടൗൺ ടീം കാക്കവയൽ,
അപ്പനും മോനും ടീം മേപ്പാടി എന്നിങ്ങനെ എട്ട് സംഘങ്ങളാണ് മത്സരിച്ചത്.