കൽപ്പറ്റ:സ്പ്ലാഷ് 23 മഴ മഹോത്സവത്തിൻ്റെ ഭാഗമായ മഡ് ഫെസ്റ്റിലെ സംസ്ഥാനതല മഡ് ഫുട്ബോൾ മത്സരങ്ങൾ സമാപിച്ചു. ഒലിവയൽ എഫ്.സി. ജേതാക്കളായി.കാക്കവയലിൽ നടന്ന സംസ്ഥാനതല മത്സരത്തിൽ വിവ പൂത്തൂരിനെ പരാജയപ്പെടുത്തിയാണ് ഒലിവയൽ എഫ്.സി. കപ്പ് നേടിയത്. കഴിഞ്ഞ അഞ്ച് ദിവസമായി വിവിധ കേന്ദ്രങ്ങളിൽ നടന്നു വന്ന മത്സരങ്ങൾക്ക് ശേഷമാണ്
കാക്കവയലിൽ സംസ്ഥാന തല മത്സരം നടന്നത്.
വയനാട്ടിൽ
മൺസൂൺകാല വിനോദ സഞ്ചാരം പ്രോത്സാഹിപ്പിക്കുന്നതിന്റെ ഭാഗമായി ടൂറിസം വകുപ്പിന്റെ സഹകരണത്തോടെ വയനാട് ടൂറിസം ഓർഗനൈസേഷൻ നടത്തിവരുന്ന സ്പ്ലാഷ് മഴ മഹോത്സവം ജില്ലയിൽ ജനകീയമാക്കുന്നതിനായാണ് വയനാട് ജില്ലാ ടൂറിസം പ്രമോഷൻ കൗൺസിൽ വയനാട് മഡ് ഫെസ്റ്റ് സംഘടിപ്പിക്കുന്നത്.
ഇന്ത്യ ടൂറിസം, കേരള ടൂറിസം, ജില്ലാ സ്പോർട്സ് കൗൺസിൽ, മഡ്ഡി ബൂട്ട്സ് വെക്കേഷൻസ് എന്നിവരുടെ സഹകരണത്തോടെ ജില്ലാ ടൂറിസം പ്രമോഷൻ കൗൺസിൽ ജൂലൈ 5 മുതൽ 15 വരെയാണ് വയനാട് ജില്ലയിലെ മൂന്ന് താലൂക്കുകളിലെ വിവിധ കേന്ദ്രങ്ങളിലും വയനാട് മഡ് ഫെസ്റ്റ് സംഘടിപ്പിക്കുന്നത്. തിങ്കളാഴ്ച ബത്തേരി സപ്ത റിസോർട്ടിന് സമീപം വൈകുന്നേരം നാല് മണിക്ക് അമ്പെയ്ത്ത് പ്രദർശന മത്സരവും നടക്കും .
ജൂലൈ 13-ന് രാവിലെ 10 മണി മുതൽ പെരുന്തട്ടയിൽ എം.ടി.ബി. മത്സരങ്ങളും 14-ന്
കർലാട് തടാകത്തിൽ കയാക്കിംഗ് മത്സരവും ഉണ്ടാകും.
മഡ് ഫുട്ബോളിലും മഡ് വടംവലിയിലും വിജയികളായവർക്ക് എ.എസ്.പി. തബോഷ് ബസുമ താരി ട്രോഫികൾ സമ്മാനിച്ചു.
ഡി.ടി.പി.സി. സെക്രട്ടറി കെ.ജി.അജീഷ്, ടൂറിസം വകുപ്പ് ഡെപ്യൂട്ടി ഡയറക്ടർ ടി.വി.പ്രഭാത് ,
.വയനാട് ടൂറിസം ഓർഗനൈസേഷൻ പ്രസിഡണ്ട് വാഞ്ചീശ്വരൻ,
ജനറൽ സെക്രട്ടറി സി.പി.ഷൈലേഷ്, ,
വയനാട് ടൂറിസം ഓർഗനൈസേഷൻ വൈസ് പ്രസിഡണ്ട് സി.സി. അഷ്റഫ് ,
ജോയിൻ്റ് സെക്രട്ടറി ബിജു തോമസ്,
ട്രഷർ പി.എൻ.ബാബു വൈദ്യർ,
ഔട്ട് ഡോർ ഇവൻ്റസ് കോഡിനേറ്റർ പ്രദീപ് മൂർത്തി എന്നിവർ സംബന്ധിച്ചു.
