ഫാഷൻ ലോകത്ത് ഏറ്റവും കൂടുതല്‍ പരീക്ഷണങ്ങള്‍ നടക്കുന്നയിടമാണ് ബോളിവുഡ്. ചെറുതും വലുതുമായ നിരവധി ബോളിവുഡ് സെലിബ്രിറ്റികളാണ് ഫാഷൻ ലോകത്ത് ട്രെൻഡിംഗ് വസ്ത്രങ്ങള്‍ പരീക്ഷിക്കുന്നത്. ഈ വര്‍‌ഷം സ്ത്രീകളുടെ വസ്ത്രങ്ങളില്‍ ഏറ്റവുമധികം ട്രെൻഡിംഗായിരുന്നു ഷീര്‍ ബോഡികോണ് ഡ്രസുകള്‍. ശരീരത്തോട് ചേര്‍ന്ന് കിടക്കുന്ന ഡിസൈനുകളിലുള്ള ഡ്രസുകളാണ് ബോഡികോണ് ഡ്രസുകള്‍. ശരീരവടിവുകള്‍ ഉള്‍പ്പെടെ ഇത്തരം വസ്ത്രങ്ങളില്‍ തിരിച്ചറിയാൻ കഴിയും.ഫാഷൻ ഷോകളിലും അവാര്‍ഡ‌് നൈറ്റുകളിലും സിനിമാ സംബന്ധമായ പരിപാടികളുമാണ് ഇത്തരം വസ്ത്രങ്ങള്‍ അണിയാൻ താരങ്ങള്‍ തിരഞ്ഞെടുക്കാറ്.
ഇപ്പോഴിതാ ഇത്തരം വസ്ത്രം ധരിച്ചെത്തിയ ബോളിവുഡ് താരം മലൈക അറോറയും തെന്നിന്ത്യൻ സുന്ദരി തമന്നയുമാണ് വിമര്‍ശനം നേരിടുന്നത്. ഗൗണിനുള്ളില്‍ ന്യൂഡ് ബോഡ് സ്യൂട്ട് അണിഞ്ഞാണ് ഷീര്‍ വസ്ത്രങ്ങള്‍ ധരിക്കുന്നത്. എന്നാല്‍ ശരീരം തന്നെയാണ് കാണുന്നത് എന്ന തോന്നലാണ് ഇത്തരം വസ്ത്രങ്ങള്‍ കാണികളിലുണ്ടാക്കുന്നത്. ഇതാണ് താരങ്ങള്‍ക്കെതിരെയുള്ള വിമര്‍ശനത്തിനിടയാക്കുന്നത്.
മലൈകയും തമന്നയും അതിരുകടന്ന് ശരീരം പ്രദര്‍ശിപ്പിച്ചു എന്നാണ് ആരോപണം ഉയര്‍ന്നത്. ഇത് നമ്മുടെ സംസ്കാരത്തിന് .യോജിച്ചതല്ലെന്നും വിമര്‍ശനമുണ്ട്. മോശം ഭാഷയിലാണ് പല വിമര്‍ശനങ്ങളും. എന്നാല്‍ താരങ്ങളെ പിന്തുണയ്ക്കുന്നവരുമുണ്ട്. പ്രൊഫഷണലുകളായ താരങ്ങളുടെ ഫാഷൻ സ്റ്റേറ്റ്‌മെന്റുകളെ ആസ്വദിക്കുന്നതിന് പകരം ആക്ഷേിപിക്കാൻ ആര്‍ക്കും അവകാശമില്ലെന്നാണ് പിന്തുണയ്ക്കുന്നവര്‍ പറയുന്നത്.
