നാഷണല്‍ ഹെല്‍ത്ത് മിഷന് കീഴില്‍ സേവനം അനുഷ്ഠിക്കുന്ന വയനാട് ജില്ലയിലെ ഹയര്‍ സെക്കണ്ടറി വിജയിക്കാത്ത ആശാ പ്രവര്‍ത്തകര്‍ക്ക് ഹയര്‍ സെക്കണ്ടറി തുല്യതാ കോഴ്‌സില്‍ ചേര്‍ന്ന് പഠിക്കാന്‍ അവസരം ഒരുക്കുന്നു. എന്‍.എച്ച്.എം ലഭ്യമാക്കിയ ലിസ്റ്റ് പ്രകാരം 61 പേരെയാണ് കണ്ടെത്തിയിട്ടുള്ളത്. ഇവര്‍ക്കുള്ള രജിസ്‌ട്രേഷനും, ക്ലാസും നാളെ (ചൊവ്വ) ഉച്ചക്ക് 2 ന് കലക്ടറേറ്റ് കോണ്‍ഫറന്‍സ് ഹാളില്‍ നടക്കും.ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ജൂനൈദ് കൈപ്പാണി ഉദ്ഘാടനം ചെയ്യും. ജില്ലാ പഞ്ചായത്ത് സെക്രട്ടറി കെ.പ്രദീപിന്റെ അധ്യക്ഷത വഹിക്കും. ആരോഗ്യ കേരളം ഡി.പി.എം ഡോ.സമീഹ, സംസ്ഥാന സാക്ഷരതാ മിഷന് അസി. ഡയറക്ടര്‍ സന്ദീപ് ചന്ദ്രന്‍, സാക്ഷരതാ മിഷന് ജില്ലാ കോ-ഓര്‍ഡിനേറ്റര്‍ പി.വി.ശാസ്തപ്രസാദ്, ആശാ ജില്ലാ കോ-ഓര്‍ഡിനേറ്റര്‍ സജേഷ് എന്നിവര്‍ പങ്കെടുക്കും. പി.വി.ജാഫര്‍ ക്ലാസെടുക്കും.
സ്പോട്ട് അഡ്മിഷൻ
നെന്മേനി ഗവ. വനിത ഐടിഐയിൽ ഫാഷൻ ഡിസൈൻ ആന്റ് ടെക്നോളജി ട്രേഡിൽ സ്പോട്ട് അഡ്മിഷൻ നടത്തുന്നു. താൽപ്പര്യമുള്ളവർ അസൽ സർട്ടിഫിക്കറ്റുകൾ, ടിസി എന്നിവയും ഫീസും ഉൾപ്പെടെ ഓഗസ്റ്റ് 12നകം ഐടിഐയിൽ നേരിട്ട് അപേക്ഷ നൽകണം.
