സുല്ത്താന് ബത്തേരി ബ്ലോക്ക് പഞ്ചായത്ത് പരിധിയിലെ അമ്പലവയല്, മീനങ്ങാടി ഗ്രാമപഞ്ചായത്തുകളിലെ യുഡിഐഡി കാര്ഡിനു വേണ്ടി അപേക്ഷിച്ചിട്ട് ഇതുവരെയും കാര്ഡ് ലഭിക്കാത്ത അപേക്ഷകര്ക്ക് വേണ്ടിയുള്ള യു.ഡി.ഐ.ഡി പരാതിപരിഹാര അദാലത്ത് ഡിസംബര് 14 ന് രാവിലെ 10 മുതല് ഉച്ചക്ക് 1 വരെ സുല്ത്താന് ബത്തേരി ബ്ലോക്ക് പഞ്ചായത്ത് ഹാളില് നടക്കും. യു.ഡി.ഐ.ഡി കാര്ഡ് എന്റോള്മെന്റ് നമ്പര്, ആധാര് കാര്ഡ്, മെഡിക്കല് ബോര്ഡ് സര്ട്ടിഫിക്കറ്റ് ഒറിജിനല്, ഫോട്ടോ, ഒപ്പ്, വിരലടയാളം, മൊബൈല് നമ്പര്, ജനനതിയതി എന്നിവ ഹാജരാക്കണം. യു.ഡി.ഐ.ഡി പരാതി പരിഹാര അദാലത്തിന് ഭിന്നശേഷിയുള്ള വ്യക്തികള് നേരിട്ട് ഹാജരാകേണ്ടതില്ല. പകരം ബന്ധപ്പെട്ട രേഖകള് സഹിതം മറ്റൊരാള്ക്ക് പങ്കെടുക്കാം.

പഠനം പാതിവഴിയിൽ ഉപേക്ഷിച്ചവരാണോ? നിങ്ങൾക്കായി കേരള പോലീസിന്റെ സൗജന്യ പഠന സഹായ പദ്ധതി: പ്രോജക്ട് ഹോപ്പിന്റെ വിശദാംശങ്ങൾ
വിവിധ കാരണങ്ങളാല് പഠനം പാതിവഴിയില് ഉപേക്ഷിച്ച എസ്എസ്എല്സി,പ്ലസ് ടു വിദ്യാര്ത്ഥികള്ക്കും, പരീക്ഷയെഴുതി വിജയം നേടാന് കഴിയാത്ത വിദ്യാര്ത്ഥികള്ക്കും സഹായഹസ്തവുമായി പൊലീസിന്റെ ‘ഹോപ്പ്’ പദ്ധതി.പഠനം പൂര്ത്തിയാക്കാന് കഴിയാതെ പോയ 22 വയസ്സിനു താഴെയുള്ളവര്ക്ക് പദ്ധതിയുടെ ഭാഗമാകാം.