സംസ്ഥാന കൃഷി വകുപ്പ് ആത്മ വിജ്ഞാന വ്യാപന പദ്ധതിയുടെ ഭാഗമായി ആവിഷ്‌കരിച്ച കൃഷിപാഠശാലയില്‍ നല്‍കുന്ന കര്‍ഷക പരിശീലനം മുട്ടിലിലെ കല്ലുപാടിയില്‍ ഇന്ന് (ചൊവ്വ) ആരംഭിക്കും. സമ്മിശ്ര സംയോജിത കൃഷിരീതികളെ സംബന്ധിച്ച് മീനങ്ങാടി റീജിയണല്‍ അനിമല്‍ ഹസ്ബന്ററി സെന്റര്‍ അസിസ്റ്റന്റ് പ്രൊജക്ട് ഓഫീസര്‍ ഡോ.അനില്‍ സക്കറിയ ക്ലാസെടുക്കും. ആത്മ ജില്ലാ ഡപ്യൂട്ടി പ്രൊജക്റ്റ് ഡയറക്ടര്‍ ഡോ.ഷാജി, കല്‍പറ്റ കൃഷി അസിസറ്റന്‍ര് ഡയറക്ടര്‍ കെ.മമ്മൂട്ടി, കൃഷി ഓഫീസര്‍ ശ്രീകാന്ത് എന്നിവര്‍ പങ്കെടുക്കും. റീബില്‍ഡ് കേരള ഇനിഷിയേറ്റീവ് പ്രകാരം കാര്‍ഷിക മേഖലയില്‍ നടപ്പിലാക്കുന്ന ജൈവഗൃഹം പദ്ധതി ഗുണഭോക്താക്കളായി തിരഞ്ഞെടുക്കപ്പെട്ട കര്‍ഷകര്‍ക്കാണ് പരിശീലനം സംഘടിപ്പിക്കുന്നത്. എല്ലാ പഞ്ചായത്തുകളിലും വിവിധ വിഷയങ്ങളിലായി കൃഷി പാഠശാലകള്‍ നടപ്പിലാക്കും.
സ്വർണം സര്‍വകാല റെക്കോര്‍ഡില്‍; ഒറ്റയടിക്ക് കൂടിയത് 1200 രൂപ
സ്വർണം വങ്ങാൻ പോകുന്നവർക്ക് നിരാശയും വിൽക്കാൻ പോകുന്നവർക്ക് ആവേശവുമുണ്ടാക്കുന്ന വാർത്ത. പവന് ഇന്ന് 1200 വര്‍ധിച്ചു. ഇതോടെ സ്വര്‍ണ വില പവന് 76,960 എന്ന സര്‍വകാല റെക്കോര്‍ഡിൽ എത്തിയിരിക്കുകയാണ്. ഗ്രാമിന് 150 രൂപയാണ് വര്‍ധിച്ചത്.
