കുരുന്ന് കലാകാരൻമാരുടെ മേളപെരുമയ്ക്ക് ബത്തേരി ശ്രീ ലക്ഷ്മി നരസിംഹ ക്ഷേത്രം സാക്ഷ്യം വഹിച്ചു. സോപാനം വാദ്യകലാക്ഷേത്രയുടെ കീഴില്‍ പ്രശസ്ത വാദ്യകലാകാരന്‍ കലാനിലയം വിജേഷ് മാരാരുടെ ശിക്ഷണത്തില്‍ പതിമൂന്നോളം കുട്ടികലാകാരന്‍മാര്‍ പഞ്ചാരിമേളം അരങ്ങേറ്റം കുറിച്ചു. ക്ഷേത്രം പ്രസിഡന്റ് സി. കെ സുരേന്ദ്രനും ക്ഷേത്രാധികാരി റ്റി. എം ചന്ദ്രനും കൂടി നിലവിളക്ക് കൊളുത്തി ചടങ്ങ് ഉദ്ഘാടനം ചെയ്തു. മേളത്തിന് നേതൃത്വം വഹിച്ചത് വയനാട്ടിലെ അറിയപ്പെടുന്ന വാദ്യകലാകാരന്‍ വാദ്യശ്രീ മുരളി മാരാരാണ്.ക്ഷേത്രം മേൽശാന്തി ഉണ്ണികൃഷ്ണൻ നമ്പൂതിരി ആശംസ അർപ്പിച്ചു, ഒട്ടേറെ വാദ്യകലാകാരന്‍മാരും അരങ്ങേറ്റത്തിന് പകിട്ടേകി.പരിപാടിയിൽ പങ്കുചേർന്ന എല്ലാവർക്കും ഗുരുവായ വിജേഷ് മാരാർ നന്ദി അറിയിച്ചു.
‘പ്രതിരോധിക്കാം പകർച്ചവ്യാധികളെ’ ആരോഗ്യക്ലാസ്സ് സംഘടിപ്പിച്ചു.
ജമാഅത്ത് ഇസ്ലാമി കൽപ്പറ്റ ഏരിയ വിംഗ്സ് വയനാടുമായി സഹകരിച്ച് ആരോഗ്യക്ലാസ്സ് സംഘടിപ്പിച്ചു. വിംഗ്സ് വൈസ് പ്രസിഡന്റ് ഡോ.ഷൗക്കീൻ അശ്ഹർ ക്ലാസ്സ് എടുത്തു. സഫിയ.വി,മാരിയത്ത് കാട്ടിക്കുളം, ഡോ.ഷാമില , ഹിന ഹാശിർ, ഏരിയ സെക്രട്ടറി പി.ജസീല
