ആദ്യം അമ്പരപ്പ്. പിന്നീട് പതിയെ പതിയെ പാതയിലേക്ക്…കളക്ടറേറ്റ് അങ്കണത്തിലെ ശുഭയാത്ര ഉദ്ഘാടന വേദിയില് സമ്മാനമായി കിട്ടിയ പുതിയ യന്ത്രക്കസേരയില് അവരുടെ മുഖത്തെല്ലാം സന്തോഷത്തിന്റെ വേലിയേറ്റമായിരുന്നു. സ്വതന്ത്രമായി ഒരടി പോലും മുന്നോട്ട് നടക്കാന് കഴിയാത്ത ബാല്യ കൗമാരങ്ങള്. ഇവരുടെ സ്വപ്നങ്ങള്ക്കെല്ലാം നിറം പകരുകയാണ് ശുഭയാത്ര യന്ത്രക്കസേരകള്. ജില്ലാ പഞ്ചായത്തും സാമൂഹ്യനീതി വകുപ്പും ചേര്ന്നാണ് ജില്ലയില് തെരഞ്ഞെടുക്കപ്പെട്ട ഭിന്നശേഷിക്കാരായ 14 കുട്ടികള്ക്ക് ഇലക്ട്രോണിക് വീല്ചെയര് (മോട്ടോറൈസ്ഡ്- ജോയ്സ്റ്റിക്ക് ഓപെറേറ്റഡ് വീല്ചെയര്) നല്കിയത്. ഏഴാം തരം മുതല് എഞ്ചിനിയറിങ് വരെ പഠിക്കുന്ന ചലന പരിമിതിയുള്ള വിദ്യാര്ത്ഥികള്ക്ക് ഇതൊരു പുതിയ പ്രതീക്ഷയായി മാറുകയായിരുന്നു. ഭിന്നശേഷിക്കാര്ക്ക് പ്രത്യേക പരിഗണന നല്കി സമൂഹവും ഒപ്പമുണ്ടെന്നതിന്റെ നേര്ക്കാഴ്ചയായി മാറുകയായിരുന്നു ശുഭയാത്ര പദ്ധതി. ഒന്നിന് 1.20 ലക്ഷം രൂപ ചെലവ് വരുന്ന മോട്ടോറൈസ്ഡ് വീല്ചെയറുകളാണ് പദ്ധതിയിലൂടെ സൗജന്യമായി നല്കിയത്. അവശതയനുഭവിക്കുന്നവര്ക്ക് പഠന സഹായത്തിനും ജീവിത ലക്ഷ്യം കൈവരിക്കന്നതിനുമായി ഗ്രാമ പഞ്ചായത്ത് പരിധിയിലുള്ള അര്ഹരായ ഭിന്നശേഷിക്കാരില് നിന്നും ലഭ്യമായ അപേക്ഷയുടെ അടിസ്ഥാനത്തില് മെഡിക്കല് ബോര്ഡ് ശുപാര്ശ പ്രകാരമാണ് ഗുണഭോക്തക്കളെ തിരഞ്ഞെടുത്തത്. ചലനശേഷിയില്ലാത്ത കുട്ടികള്ക്കായി ശുഭയാത്ര പദ്ധതി ഇനിയും വ്യാപിപ്പിക്കാനാണ് ലക്ഷ്യം.
ജില്ലാ പഞ്ചായത്ത് പ്രസിഡന്റ് സംഷാദ് മരക്കാര് ശുഭയാത്ര യന്ത്രക്കസേര വിതരണം ഉദ്ഘാടനം ചെയ്തു. ജില്ലാ പഞ്ചായത്ത് വൈസ്പ്രസിഡന്റ് എസ്. ബിന്ദു അധ്യക്ഷത വഹിച്ചു. ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്മാന്മാരായ ജുനൈദ് കൈപ്പാണി, ഉഷ തമ്പി, ജില്ലാ പഞ്ചായത്ത് അംഗങ്ങളായ കെ.ബി. നസീമ, കെ.വിജയന്, ബീന ജോസ്, എ.എന് സുശീല, എന്.സി പ്രസാദ്, മീനാക്ഷി രാമന്, സിന്ധു ശ്രീധരന്, ബിന്ദു പ്രകാശ്, ജില്ലാപഞ്ചായത്ത് സെക്രട്ടറി ബെന്നി ജോസഫ്, ജില്ലാ സമൂഹ്യനീതി ഓഫീസര് കെ.കെ.പ്രജിത്ത്, സമൂഹ്യനീതി ഓഫീസ് ജൂനിയര് സൂപ്രണ്ട് ജി. ബീനേഷ് എന്നിവര് സംസാരിച്ചു. ഗുണഭോക്താക്കളുടെ രക്ഷാകര്ത്താക്കളെ ചടങ്ങില് ആദരിച്ചു. പരിപാടിയില് പങ്കെടുത്തവര്ക്ക് മധുരവിതരണവും നടത്തി.
