പതിനെട്ടുകാരൻ കുളത്തിൽ മുങ്ങി മരിച്ചു.

അരണപ്പാറ: തിരുനെല്ലി അരണപ്പാറയിൽ പതിനെട്ടുകാരൻ കുളത്തിൽ
മുങ്ങി മരിച്ചു. കുറ്റിക്കാടൻ വീട്ടിൽ സിദ്ദിഖിൻ്റെയും ഉമൈബയുടേയും മകൻ അൻസിലാണ് ചോലങ്ങാടി കുളത്തിൽ മുങ്ങി മരിച്ചത്. ഇന്ന് രാവിലെ പതിനൊന്ന് മണിയോടെയായിരുന്നു സംഭവം. കാണാതായതി നെ തുടർന്ന് മാനന്തവാടിയിൽ നിന്നുള്ള അഗ്‌നി രക്ഷാ സേനാംഗങ്ങൾ സംഭവസ്ഥലത്തേക്ക് പുറപ്പെട്ടെങ്കിലും അവരെത്തും മുൻപ് പ്രദേശവാ സികൾ അൻസിലിനെ പുറത്തെടുത്തു. ഉടനെ അപ്പപാറ കുടുംബാരോഗ്യ കേന്ദ്രത്തിലെത്തിച്ചുവെങ്കിലും മരണം സ്ഥിരീകരിക്കുകയായിരുന്നു. പ്ലസ് ടു കഴിഞ്ഞ് വീട്ടിൽ നിൽക്കുകയായിരുന്നു അൻസിൽ. നാസിൽ സഹോദരനാണ്. ഖബറടക്കം ഇന്ന് രാത്രി 8.45 ന് അരണപ്പാറ ജുമാ മസ്‌ജിദ് ഖബർസ്ഥാനിൽ നടക്കും.