കേന്ദ്ര ബജറ്റ് യുവജനങ്ങളോടുള്ള വെല്ലുവിളി:യൂത്ത് കോൺഗ്രസ്

കൽപ്പറ്റ : കേന്ദ്ര ധനകാര്യ മന്ത്രി നിർമല സീതാരാമൻ അവതരിപ്പിച്ച 2024 കേന്ദ്ര ബജറ്റ് ഇന്ത്യയിലെ യുവജനങ്ങളോടുള്ള വെല്ലുവിളിയാണെന്നും ബിജെപിയുടെ ശിങ്കിടി മുതലാളിമാർക്കും സിൽബന്ധി സംസ്ഥാനങ്ങൾക്കും വേണ്ടിയുള്ള ബജറ്റാണെന്നും ആരോപിച്ചു. യൂത്ത് കോൺഗ്രസ് കൽപ്പറ്റ മണ്ഡലം കമ്മിറ്റിയുടെ നേതൃത്വത്തിൽ കൽപ്പറ്റ ടൗണിൽ പ്രതിഷേധ പ്രകടനവും പ്രതിഷേധയോഗവും സംഘടിപ്പിച്ചു. യൂത്ത് കോൺഗ്രസ് ജില്ലാ ജനറൽ സെക്രട്ടറി ഹർഷൽ കോന്നാടൻ പ്രതിഷേധ യോഗം ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡണ്ട് മുഹമ്മദ് ഫെബിൻ അധ്യക്ഷത വഹിച്ചു. യൂത്ത് കോൺഗ്രസ് കൽപ്പറ്റ നിയോജകമണ്ഡലം സെക്രട്ടറിമാരായ പ്രതാപ് കൽപ്പറ്റ,രമ്യ ജയപ്രസാദ് സുനീർ ഇത്തിക്കൽ,പി പി ഷംസുദ്ധീൻ,അർജുൻ ദാസ്,ഷൈജു കെ.ബി,ഷനൂബ് എം.വി,ഫാത്തിമ സുഹറ,വിഷ്ണു എൻ.കെ,അമൽ എസ്,ജംഷീർ ബൈപ്പാസ്, അശ്വിൻനാഥ് കെ.പി, അഭയ് മാധവ് തുടങ്ങിയവർ സംസാരിച്ചു.