ഫുട്ബോള് ഇതിഹാസം ക്രിസ്റ്റ്യാനോ റൊണാള്ഡോയുടെ വിരമിക്കല് വാര്ത്തകള് ആരാധകര്ക്കിടയില് എപ്പോഴും ചര്ച്ച ചെയ്യപ്പെടാറുണ്ട്. പോര്ച്ചുഗലിൻ്റെ കോച്ചായി 39കാരനായ താരം രാജ്യത്തിനും ക്ലബ്ബിനും വേണ്ടി മിന്നും പ്രകടനമാണ് കാഴ്ച വെക്കുന്നത്. ഫുട്ബോളില് നിന്ന് വിരമിച്ചതിനുശേഷം ദേശീയ ടീമിന്റെ പരിശീലകനായി റൊണാള്ഡോ എത്തുമെന്ന അഭ്യൂഹങ്ങളും ഇതിനിടെ പ്രചരിച്ചിരുന്നു. ഇപ്പോള് തന്റെ വിരമിക്കലിനെ കുറിച്ച് പ്രതികരിച്ച് റൊണാള്ഡോ തന്നെ രംഗത്തെത്തിയിരിക്കുകയാണ്.
‘പോര്ച്ചുഗല് ദേശീയ ടീമില് നിന്ന് വിരമിക്കുമെന്ന കാര്യം ഞാന് ആരോടും മുന്കൂട്ടി പറയില്ല. അത് വളരെ സ്വാഭാവികമായുള്ള തീരുമാനമായിരിക്കും. ഒരുപാട് ചിന്തിച്ചുമാത്രം എടുക്കുന്ന തീരുമാനവുമായിരിക്കും അത്. പക്ഷേ ഇപ്പോള് എനിക്ക് വരും മത്സരങ്ങളില് പോര്ച്ചുഗലിനെ വിജയത്തിലേക്ക് നയിക്കുകയാണ് വേണ്ടത്. നാഷന്സ് ലീഗാണ് ഇനി ഞങ്ങള്ക്കുമുന്നിലുള്ളത്’, നൗ ചാനലിന് നല്കിയ അഭിമുഖത്തിലാണ് റൊണാള്ഡോ മനസ് തുറന്നത്.
