മുണ്ടക്കൈ ചൂരല്മല ഉരുള്പൊട്ടല് ദുരന്ത ബാധിതരായ അംഗങ്ങള്ക്കും പെന്ഷണര്മാര്ക്കും കെട്ടിട നിര്മ്മാണ ക്ഷേമിധി ബോര്ഡ് ആശ്വാസ ധനസഹായം വിതരണം ചെയ്തു. മരണമടഞ്ഞ അംഗങ്ങളുടെ ആശ്രിതര്ക്ക് നാല് ലക്ഷം രൂപയും പെന്ഷണര്മാരുടെ ആശ്രിതര്ക്ക് ഒരു ലക്ഷം രൂപവീതവുമാണ് ആശ്വാസ ധനസഹായമായി വിതരണം ചെയ്തത്. മരണമടഞ്ഞ അതിഥി തൊഴിലാളികളുടെ ആശ്രിതര്ക്ക് രണ്ട് ലക്ഷം രൂപയും വിതരണം ചെയ്തു. 32 പേര്ക്കായി 15.35 ലക്ഷം രൂപയുടെ ധനസഹായമാണ് നല്കിയത്. കല്പ്പറ്റ ഹരിതഗിരി ഓഡിറ്റോറിയത്തില് നടന്ന ചടങ്ങില് ധനസഹായ വിതരണം ബോര്ഡ് ചെയര്മാന് വി.ശശികുമാര് ഉദ്ഘാടനം ചെയ്തു. സെക്രട്ടറി കെ.സുനില് അദ്ധ്യക്ഷത വഹിച്ചു. ബോര്ഡ് ഡയറക്ടര്മാരായ മണ്ണാറാം രാമചന്ദ്രന്, തമ്പി കണ്ണാടന്, സലീം തെന്നിലപുരം, ടി.എം.ജമീല, കെ.പ്രശാന്ത്, അക്കൗണ്ട്സ് ഓഫീസര് ഡി.എം.ശാലീന, എക്സിക്യൂട്ടീവ് ഓഫീസര് പി.ബിജു, വിവിധ തൊഴിലാളി യൂണിയന് പ്രതിനിധികള് തുടങ്ങിയവര് സംസാരിച്ചു.
സ്ത്രീകൾക്ക് 40 ഗ്രാം സ്വർണം, പുരുഷന്മാർക്ക് 20 ഗ്രാം: ഡ്യൂട്ടി ഫ്രീ സ്വർണാഭരണങ്ങള്ക്ക് പുതിയ പരിധി
ഇന്ത്യയിലേക്ക് വരുന്ന യാത്രക്കാർക്ക് വിദേശത്ത് നിന്നും ഡ്യൂട്ടി അടയ്ക്കാതെ കൊണ്ടുവരാവുന്ന സാധനങ്ങളുടെ പരിധി വർധിപ്പിച്ചത് പ്രവാസികള്ക്കുള്പ്പെടെ വലിയ ആശ്വാസമാകുന്നു. പുതിയ നിയമങ്ങൾ (Baggage Rules, 2026) കഴിഞ്ഞ ദിവസം മുതൽ നിലവിൽ വന്നു. ഇന്ത്യൻ
