അണ്ടര്‍വാലുവേഷന്‍ കേസുകളില്‍ ഇളവ് നല്‍കാന്‍ കോംപൗണ്ടിങ് പദ്ധതി
സംസ്ഥാന സര്‍ക്കാര്‍ ആധാരങ്ങളുടെ അണ്ടര്‍വാലുവേഷനുമായി ബന്ധപ്പെട്ട കുടിശ്ശിക തീര്‍പ്പാക്കുന്നതിന് കോംപൗണ്ടിങ് പദ്ധതി നടപ്പാക്കുന്നു. 1986 മുതല്‍ 2023 മാര്‍ച്ച് 31 വരെ രജിസ്റ്റര്‍ ചെയ്ത ആധാരങ്ങളിലെ അണ്ടര്‍വാലുവേഷന്‍ കേസുകളില്‍ കുറവ് ഫീസ് പൂര്‍ണമായും ഒഴിവാക്കി കുറവ് മുദ്രയുടെ 50 ശതമാനം തുക അടച്ച് റവന്യൂ റിക്കവറി ഉള്‍പ്പെടെയുള്ള നിയമ നടപടികളില്‍ നിന്നും ഒഴിവാകാന്‍ അവസരമുണ്ട്. 2010 മാര്‍ച്ച് 31 വരെയുള്ള അണ്ടര്‍വാലുവേഷന്‍ കേസുകളില്‍ 10,000 രൂപ വരെയുള്ള കുറവ് മുദ്ര പൂര്‍ണമായും ഒഴിവാക്കിയിട്ടുണ്ട്. കുടിശ്ശികയുള്ള കേസുകളില്‍ പദ്ധതിക്ക് മുന്‍പ് ഈടാക്കേണ്ടിയിരുന്ന മുഴുവന്‍ സ്റ്റാമ്പും ഫീസും പിരിച്ചെടുക്കുന്നതിന് റവന്യൂ റിക്കവറി നടപടികള്‍ സ്വീകരിക്കും. ആധാരങ്ങള്‍ അണ്ടര്‍വാലുവേഷന്‍ നടപടികള്‍ക്ക് വിധേയമായിട്ടുണ്ടോയെന്ന് അറിയാന്‍ pearl.registration.kerala.gov.in സന്ദര്‍ശിക്കാം. കൂടുതല്‍ വിവരങ്ങള്‍ക്ക് സബ് രജിസ്ട്രാര്‍ ഓഫീസുകളിലും ജില്ലാ രജിസ്ട്രാര്‍ (ജനറല്‍) ഓഫീസിലും ബന്ധപ്പെടണം. ഫോണ്‍- 04936202681.
ഇനി ഇൻസ്റ്റയുടെ കണ്ണുവെട്ടിക്കാനാകില്ല; പ്രായം കണ്ടെത്താൻ എ.ഐ ടൂൾ, കൗമാരക്കാർക്ക് നിയന്ത്രണം വരും
ഇൻസ്റ്റഗ്രാമിനെ കബളിപ്പിക്കാൻ ശ്രമിക്കുന്ന കൗമാരക്കാരെ കണ്ടെത്താൻ ലോകവ്യാപകമായി പുതിയ എഐ ടൂൾ അവതരിപ്പിക്കാൻ മെറ്റ. അക്കൗണ്ട് സൃഷ്ടിക്കുന്ന സമയത്ത് പ്രായപൂർത്തിയായവരുടെ ജനനത്തീയതി നൽകുന്ന കൗമാരക്കാരെ കണ്ടെത്താനാണിത്. നിർമിതബുദ്ധി (എഐ) അടിസ്ഥാനമാക്കിയുള്ള പ്രായം വിലയിരുത്തൽ സാങ്കേതികവിദ്യയാണ് ആഗോളതലത്തിൽ വ്യാപിപ്പിക്കുന്നത്.എഐ സാങ്കേതികവിദ്യയുടെ പിന്തുണയോടെ 13 മുതൽ 17 വയസ്സു വരെയുള്ള ഉപയോക്താക്കളെ ഇൻസ്റ്റഗ്രാമിന്റെ 'ടീൻ അക്കൗണ്ട്' ക്രമീകരണങ്ങളുടെ പരിധിയിൽ കൊണ്ടുവരിക എന്നതാണ് മെറ്റയുടെ ലക്ഷ്യം. ഇതോടെ കൗമാരക്കാർക്ക് സന്ദേശമയക്കാൻ കഴിയുന്നവർ, കാണാൻ കഴിയുന്ന ഉള്ളടക്കം, പ്ലാറ്റ്ഫോമിൽ ചെലവഴിക്കുന്ന സമയം എന്നിവ സ്വയം നിയന്ത്രിക്കപ്പെടും.ചില പ്രത്യേക മേഖലകളിൽ മെറ്റ കൂടുതൽ നിയന്ത്രണങ്ങളും നടപ്പിലാക്കുന്നുണ്ട്. ഓസ്ട്രേലിയയിൽ ഉപയോക്താവിന്റെ പ്രായം നിർണ്ണയിക്കാൻ സഹായിക്കുന്നതിനായി ആപ്പിളിന്റെ ഏജ്-റേഞ്ച് സിഗ്‌നൽ മെറ്റ ഉപയോഗിച്ച് തുടങ്ങിയിട്ടുണ്ട്. അതേസമയം പ്ലാറ്റ്ഫോം എങ്ങനെയാണ് കൗമാരക്കാരുടെ അക്കൗണ്ടുകൾ തിരിച്ചറിയുന്നതെന്നും അവയെ പ്രായത്തിന് അനുയോജ്യമായ ക്രമീകരണങ്ങൾക്ക് കീഴിൽ കൊണ്ടുവരുന്നതെന്നും വിശദീകരിക്കുന്ന അറിയിപ്പുകൾ യു.എസിലെ മാതാപിതാക്കൾക്ക് ഈ മാസം മുതൽ ഇൻസ്റ്റാഗ്രാമിൽ ലഭിച്ചുതുടങ്ങും. നീക്കത്തിന് പിന്നിലെന്ത്?കുട്ടികളുടെ സോഷ്യൽ മീഡിയ ഉപയോഗം നിയന്ത്രിക്കുന്നതിനും ഓൺലൈൻ സുരക്ഷാ മുൻകരുതലുകൾ ശക്തമാക്കുന്നതിനുമുള്ള ശ്രമങ്ങൾ ലോകമെമ്പാടുമുള്ള സർക്കാരുകൾ ശക്തമാക്കുന്നതിനിടയിലാണ് ഈ നീക്കം. ഒരു ഉപയോക്താവ് കൗമാരക്കാരനാണോ എന്ന് നിർണ്ണയിക്കുന്നത് സോഷ്യൽ മീഡിയ കമ്പനികൾക്ക് ഇതുവരെ വെല്ലുവിളി ഉയർത്തിയിരുന്നു. മുതിർന്നവർക്കായുള്ള ഫീച്ചറുകളോ ഉള്ളടക്കങ്ങളോ ആക്സസ് ചെയ്യാൻ ഉപയോക്താക്കൾ തെറ്റായ ജനനത്തീയതി നൽകുന്നത് അടക്കമുള്ളവയാണ് കമ്പനികളെ ബുദ്ധിമുട്ടിച്ചിരുന്നത്. എന്നാൽ എഐ സാങ്കേതികവിദ്യയുടെ പിന്തുണയോടെ പ്രതിസന്ധി മറികടക്കാനൊരുങ്ങുകയാണ് മെറ്റ. ഫേസ്ബുക്കിലേക്കും കമ്പനി സമാനമായ സാങ്കേതികവിദ്യ വ്യാപിപ്പിക്കും. ഈ വർഷം അവസാനത്തോടെ ത്രെഡ്സിലും സമാനമായ നടപടികൾ ആഗോളതലത്തിൽ അവതരിപ്പിക്കാൻ കമ്പനി പദ്ധതിയിടുന്നുണ്ട്.
പെന്‍ഷന്‍ ഗുണഭോക്താക്കള്‍ ലൈഫ് സര്‍ട്ടിഫിക്കറ്റ് നല്‍കണം
മലബാര്‍ ദേവസ്വം ബോര്‍ഡിന് കീഴിലെ ക്ഷേത്ര ജീവനക്കാര്‍, എക്സിക്യൂട്ടീവ് ഓഫീസര്‍മാര്‍ ക്ഷേമനിധിയില്‍ നിന്നും ബാങ്ക് മുഖേന പെന്‍ഷന്‍, കുടുംബപെന്‍ഷന്‍ കൈപ്പറ്റുന്ന ഗുണഭോക്താക്കള്‍ നവംബര്‍ 20 നകം ലൈഫ് സര്‍ട്ടിഫിക്കറ്റ് നല്‍കണം. സാക്ഷ്യപ്പെടുത്തിയ ലൈഫ് സര്‍ട്ടിഫിക്കറ്റ്, ബാങ്ക് പാസ്ബുക്ക് പകര്‍പ്പ് സഹിതം സെക്രട്ടറി, മലബാര്‍ ക്ഷേത്ര ജീവനക്കാരുടെയും എക്സിക്യൂട്ടീവ് ഓഫീസര്‍മാരുടെയും ക്ഷേമനിധി, ഹൗസ്ഫെഡ് കോംപ്ലക്‌സ്, എരഞ്ഞിപ്പാലം പി.ഒ, കോഴിക്കോട് - 673006 വിലാസത്തില്‍ ലഭ്യമാക്കണം. നിശ്ചിത തിയതിക്കകം സര്‍ട്ടിഫിക്കറ്റ് നല്‍കാത്തവര്‍ക്ക് തുടര്‍ പെന്‍ഷന്‍ ലഭിക്കില്ല. 60 വയസില്‍ താഴെ പ്രായമുള്ള കുടുംബ പെന്‍ഷന്‍കാര്‍ പുനര്‍വിവാഹം ചെയ്തിട്ടില്ലെന്ന സാക്ഷ്യപത്രവും മുന്‍ വര്‍ഷം ആധാര്‍ കാര്‍ഡിന്റെ പകര്‍പ്പ് സമര്‍പ്പിക്കാത്തവര്‍ പകര്‍പ്പും നല്‍കണമെന്ന് സെക്രട്ടറി അറിയിച്ചു. ഫോണ്‍- 0495-2360720.
കുട്ടികളുടെ സമഗ്ര വളര്‍ച്ചയ്ക്ക് സ്മാര്‍ട്ട് അങ്കണവാടികള്‍ ഉദ്ഘാടനം നിര്‍വഹിച്ച് പ്രിയങ്ക ഗാന്ധി
ജില്ലയിലെ ഗ്രാമീണ മേഖലകളിലെ ശിശുസംരക്ഷണം, പ്രാരംഭ വിദ്യാഭ്യാസം, പോഷകാഹാര സേവനങ്ങള്‍ കൂടുതല്‍ മെച്ചപ്പെടുത്തുന്നതിന് സജ്ജമാക്കിയ എടവക, തിരുനെല്ലി ഗ്രാമപഞ്ചായത്തുകളിലെ കമ്മന, തൃശ്ശിലേരി സ്മാര്‍ട്ട് അങ്കണവാടികള്‍ എം.പി പ്രിയങ്ക ഗാന്ധി ഉദ്ഘാടനം ചെയ്തു. കമ്മന അങ്കണവാടി ഉദ്ഘാടനത്തിനെത്തിയ എം.പി കുട്ടികള്‍ക്കായി കയ്യില്‍ കരുതിയ ബില്‍ഡിങ് സെറ്റ്, ജെ.സി.ബി, കിച്ചണ്‍ സെറ്റ് തുടങ്ങിയ കളിപ്പാട്ടങ്ങള്‍ കുരുന്നുകള്‍ക്കായി നല്‍കി. ഒരു പാട്ട് പാടാമോ എന്ന എം.പിയുടെ ചോദ്യത്തിന് മറുപടിയായി പിഞ്ചോമനകള്‍ കൂട്ടമായി പാട്ടുപാടി. അങ്കണവാടിയിലെ 15 കുട്ടികളുമായി സംവദിച്ച ശേഷമായിരുന്നു എം.പി മടങ്ങിയത്.കുട്ടികള്‍ക്ക് സുരക്ഷിതവും സൗഹൃദപരവുമായ പഠനാന്തരീക്ഷം ഒരുക്കുന്നതിനൊപ്പം ഗര്‍ഭിണികള്‍, മുലയൂട്ടുന്ന അമ്മമാര്‍, കൗമാരക്കാരായ പെണ്‍കുട്ടികള്‍ എന്നിവരുടെ ആരോഗ്യം- പോഷകാഹാരവും ഉറപ്പാക്കുകയാണ് സ്മാര്‍ട്ട് അങ്കണവാടികളിലൂടെ. പ്രീ-സ്‌കൂള്‍ വിദ്യാഭ്യാസം, പോഷകാഹാര വിതരണം, ആരോഗ്യ-പോഷകാഹാര ബോധവത്കരണം, കുട്ടികളുടെ വളര്‍ച്ചാ നിരീക്ഷണം തുടങ്ങിയ ഐ.സി.ഡി.എസ് സേവനങ്ങള്‍ കൂടുതല്‍ സൗകര്യങ്ങളോടെ ലഭ്യമാക്കുകയാണ് ലക്ഷ്യം.അങ്കണവാടികളെ കുട്ടികളുടെ ആദ്യ പഠനകേന്ദ്രങ്ങളായി വികസിപ്പിക്കുന്നതിനൊപ്പം സ്ത്രീകളുടെയും കുട്ടികളുടെയും ആരോഗ്യ-പോഷക നിലവാരം മെച്ചപ്പെടുത്തി കുടുംബങ്ങളെ വിവിധ സര്‍ക്കാര്‍ ക്ഷേമസേവനങ്ങളുമായി ബന്ധിപ്പിക്കാന്‍ സ്മാര്‍ട്ട് അങ്കണവാടികള്‍ സഹായകമാകും. ഗ്രാമീണ മേഖലയിലെ കുട്ടികളുടെ ശാരീരികവും മാനസികവുമായ വികാസത്തിന് അനുയോജ്യമായ അന്തരീക്ഷം ഒരുക്കുന്നതിലൂടെ ശിശുക്ഷേമ പ്രവര്‍ത്തനങ്ങള്‍ക്കും കൂടുതല്‍ കരുത്തേകാനും കേന്ദ്രങ്ങള്‍ക്ക് സാധിക്കും.എം.എല്‍.എ ഉഷ വിജയന്‍, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍, എടവക ഗ്രാമപഞ്ചായത്ത് പ്രസിഡന്റ് ഗിരിജ സുധാകരന്‍, വൈസ് പ്രസിഡന്റ് മുഷ്തഫ തായുള്ളത്തില്‍, ജില്ലാ പഞ്ചായത്ത് അംഗം ജില്‍സണ്‍ തൂപ്പുംകര, ക്ഷേമകാര്യ സ്ഥിരം സമിതി അധ്യക്ഷന്‍ വിനോദ് തോട്ടത്തില്‍, വാര്‍ഡ് അംഗം ദീപ ദേവി, സി.ഡി.പി.ഒ കെ അഞ്ജു കൃഷ്ണ, ഐ.സി.ഡി.എസ് സൂപ്പര്‍വൈസര്‍ ഒ.എ ഉദയ, അങ്കണവാടി ജീവനക്കാരായ ജെന്‍സി ബിനോയ്, അനിത എന്നിവര്‍ പങ്കെടുത്തു.
കണ്‍സിലിയേഷന്‍ ഓഫീസര്‍ നിയമനം
മാതാപിതാക്കള്‍-മുതിര്‍ന്ന പൗരന്മാര്‍ എന്നിവരുടെ ക്ഷേമത്തിനും സംരക്ഷണത്തിനുമായി കണ്‍സിലിയേഷന്‍ ഓഫീസര്‍മാരായി പ്രവര്‍ത്തിക്കാന്‍ താത്പര്യമുള്ളവരില്‍ നിന്നും അപേക്ഷ ക്ഷണിച്ചു. മാതാപിതാക്കള്‍-മുതിര്‍ന്ന പൗരന്മാര്‍ എന്നിവരുടെ ക്ഷേമം, ദുര്‍ബല വിഭാഗങ്ങളുടെ ക്ഷേമം, വിദ്യാഭ്യാസം, ആരോഗ്യം, ദാരിദ്ര്യ നിര്‍മാര്‍ജനം, വനിതാ ശാക്തീകരണം, സാമൂഹ്യക്ഷേമം, ഗ്രാമവികസനം തുടങ്ങിയ മേഖലകളില്‍ കുറഞ്ഞത് രണ്ട് വര്‍ഷത്തെ പ്രവര്‍ത്തന പരിചയമുള്ളവര്‍ക്ക് മുന്‍ഗണന. താത്പര്യമുള്ളവര്‍ അപേക്ഷ, ഫോണ്‍ നമ്പര്‍, ഇ-മെയില്‍ വിലാസം, വിദ്യാഭ്യാസ യോഗ്യത, പ്രവര്‍ത്തി പരിചയ സര്‍ട്ടിഫിക്കറ്റുകള്‍ സഹിതം നവംബര്‍ 20 നകം ജില്ലാ സാമൂഹ്യനീതി ഓഫീസില്‍ നേരിട്ടോ, dsjowyd@gmail.com ലോ അപേക്ഷ നല്‍കണം. ഫോണ്‍- 04936 205307.
ഇന്ത്യയുടെ വിസ നിയമങ്ങളില്‍ വന്‍ മാറ്റം; ടൂറിസ്റ്റ് വിസയുടെ പേര് ഇനി 'വിസിറ്റര്‍ വിസ'
ഇന്ത്യയുടെ വിസ നടപടികള്‍ കൂടുതല്‍ ലളിതമാക്കി കേന്ദ്ര സര്‍ക്കാര്‍. വിസ വിഭാഗങ്ങളുടെ എണ്ണം 13ല്‍ നിന്ന് ഒമ്പതായി കുറച്ചതായും അപേക്ഷാ ഫോമുകളുടെ ദൈര്‍ഘ്യം 70 ശതമാനം വരെ കുറച്ചതായും കേന്ദ്ര ആഭ്യന്തര മന്ത്രാലയം അറിയിച്ചു. ഇന്നാണ് മന്ത്രാലയം ഇതുസംബന്ധിച്ച പ്രഖ്യാപനം നടത്തിയത്.പുതിയ പരിഷ്‌കാരത്തിന്റെ ഭാഗമായി ടൂറിസ്റ്റ് വിസയുടെ പേര് 'വിസിറ്റര്‍ വിസ' എന്നാക്കി മാറ്റി. പരമ്പരാഗത വിനോദസഞ്ചാരത്തിന് പുറമെ മറ്റ് സന്ദര്‍ശന ആവശ്യങ്ങള്‍ക്കും ഈ വിസ ഉപയോഗിക്കാമെന്ന അര്‍ത്ഥത്തിലാണ് പേരുമാറ്റം.ഇന്ത്യന്‍ കമ്പനികള്‍ക്കായി ജോലി ചെയ്യുന്ന വിദേശ വിദഗ്ധർ, എഞ്ചിനീയര്‍മാര്‍, സാങ്കേതിക ജീവനക്കാര്‍ എന്നിവര്‍ക്കായി പ്രൊഡക്ഷന്‍ ഇന്‍വസ്റ്റ്‌മെന്റ് ബിസിനസ് വിസ എന്ന പ്രത്യേക വിഭാഗവും ഉള്‍പ്പെടുത്തിയിട്ടുണ്ട്. യന്ത്രങ്ങളുടെ സ്ഥാപനം, പ്രവര്‍ത്തനസജ്ജമാക്കല്‍, ഗുണനിലവാര പരിശോധന, അറ്റകുറ്റപ്പണികള്‍, ഉല്‍പ്പാദന മേഖല, ഐടി, പരിശീലനം, വിതരണ ശൃംഖല, സാങ്കേതിക സഹായം തുടങ്ങിയ മേഖലകളില്‍ പ്രവര്‍ത്തിക്കുന്നവര്‍ക്കാണ് ഈ വിസ പ്രയോജനപ്പെടുക.
കൈയ്യേറ്റം ചെയ്തെന്ന പരാതിയിൽജീവനക്കാരനെ സസ്പെൻ്റ് ചെയ്തു.
കൽപ്പറ്റ: എൻജിഒ അസോസിയേഷൻ സിവിൽ സ്‌റ്റേഷൻ ബ്രാഞ്ച് പ്രസിഡൻന്റിനെ കൈയേറ്റം ചെയ്തെന്ന പരാതിയിൽ വനിതാ ശിശുക്ഷേമ വകുപ്പിലെ സീനിയർ ക്ലാർക്ക് ഉമേഷ് എം.പിയെ സസ്പെൻ്റ് ചെയ്തു. വകുപ്പ് നടപടിയുടെ ഭാഗമായാ ണ് സസ്പെൻഷൻ. കഴിഞ്ഞ ഒൻപത് വർഷമായി ഒരേ സ്‌റ്റേഷനിൽ തുടരുകയാ യിരുന്ന ജീവനക്കാരനെ സ്ഥലം മാറ്റിയതുമായി ബന്ധപ്പെട്ട തർക്കമാണ് കൈയേറ്റ ത്തിൽ കലാശിച്ചതെന്നാണ് എൻജിഒ അസോസിയേഷൻ നേതാക്കളുടെ പരാതി. സംഭവത്തിൽ ശക്തമായ പ്രതിഷേധവുമായി എൻജിഒ അസോസിയേഷൻ രംഗ ത്തെത്തിയിരുന്നു.സിവിൽ സർവീസിൽ തെറ്റായ പ്രവണതകൾ സൃഷ്ടിക്കുന്നവർ ക്കുള്ള ശക്തമായ താക്കീതാണ് സസ്പെൻഷൻ നടപടിയെന്ന് ജില്ലാ പ്രസിഡന്റ് കെ.ടി. ഷാജി പറഞ്ഞു.
സർക്കാരിനെതിരായ സമരം ജനങ്ങളുടെ അവകാശം' ; LPST ഉദ്യോഗാർത്ഥികളുടെ സമരത്തിനെതിരായ പൊലീസ് നടപടിയിൽ പ്രിയങ്ക ഗാന്ധി
തിരുവനന്തപുരം: എല്‍പിഎസ്ടി റാങ്ക് ഹോള്‍ഡേഴ്സിന്റെ സമരപ്പന്തല്‍ പൊളിച്ച പൊലീസ് നടപടിയില്‍ വിമര്‍ശനവുമായി പ്രിയങ്ക ഗാന്ധി എംപി. സര്‍ക്കാരിനെതിരായ സമരം ജനങ്ങളുടെ അവകാശമാണെന്ന് പ്രിയങ്ക ഗാന്ധി പറഞ്ഞു. അക്രമമുണ്ടായാല്‍ പൊലീസ് ഇടപെടണം. എന്നാല്‍ സമരം സമാധാനപരമാണെങ്കില്‍ പ്രതിഷേധിക്കാന്‍ അനുവദിക്കണം. സമാധാനപരമായ സമരങ്ങളെ തടയരുതെന്നും പ്രിയങ്ക ഗാന്ധി പറഞ്ഞു. അന്തരിച്ച പത്മശ്രീ പുരസ്‌കാര ജേതാവ് ചെറുവയല്‍ രാമന്റൈ വയനാട്ടിലെ വീട് സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു പ്രിയങ്ക ഗാന്ധി.അതേസമയം സുപ്രീംകോടതിയുടെ വിധിയുള്ളതിനാലാണ് സമരപ്പന്തല്‍ പൊളിച്ചതെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല പറഞ്ഞു. നേരത്തെ കമ്മീഷണര്‍ക്കെതിരെ മൂന്നുതവണ കോടതി അലക്ഷ്യയലക്ഷ്യക്കേസുകള്‍ വന്നിരുന്നു. സമരത്തിന് ആരും എതിരല്ല. ഉദ്യോഗാര്‍ത്ഥികളുമായി നിരവധി തവണ ചര്‍ച്ച നടത്തിയതാണ്. ഉന്നയിച്ച അഞ്ച് ആവശ്യങ്ങളില്‍ നാലെണ്ണവും അംഗീകരിച്ചിട്ടുണ്ട്. വിദ്യാര്‍ത്ഥി-അധ്യാപക അനുപാതം മാറ്റുക എന്നത് ബുദ്ധിമുട്ടാണ്. നിരാഹാരം കിടക്കുന്നവരുടെ ആരോഗ്യപരമായ ബുദ്ധിമുട്ട് ആയതിനാലാണ് ആശുപത്രിയിലേക്ക് മാറ്റിയത്. സെക്രട്ടേറിയറ്റ് പടിക്കല്‍ ആരെങ്കിലും പന്തല്‍കെട്ടി സമരം ചെയ്യുന്നതിന് താന്‍ എതിരല്ല. സമരം ലോകത്തല്ലായിടത്തും സാധാരണമാണ്. സമരത്തോട് സര്‍ക്കാരിന് എതിര്‍പ്പില്ലെന്നും രമേശ് ചെന്നിത്തല പറഞ്ഞു. തിരുവനന്തപുരത്ത് മാധ്യമങ്ങളോടായിരുന്നു രമേശ് ചെന്നിത്തലയുടെ പ്രതികരണം.
SSLC, പ്ലസ്ടു പരീക്ഷ തീയതികൾ പ്രഖ്യാപിച്ചു; SSLC പരീക്ഷ മാർച്ച് 1 മുതൽ
കേരളത്തിലെ അടുത്ത അധ്യയന വർഷത്തെ SSLC, ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകളുടെ തീയതികൾ പ്രഖ്യാപിച്ചു.വിദ്യാഭ്യാസമന്ത്രി എൻ. ഷംസുദ്ദീനാണ് പരീക്ഷാ തീയതികൾ പ്രഖ്യാപിച്ചത്. SSLC പരീക്ഷ മാർച്ച് 1 മുതൽ 30 വരെയാണ് നടക്കുക. ഹയർ സെക്കൻഡറി ഒന്നാം വർഷ, രണ്ടാം വർഷ പൊതുപരീക്ഷകൾ മാർച്ച് 2ന് ആരംഭിച്ച് 30ന് അവസാനിക്കും.SSLC മാതൃകാ പരീക്ഷ ഫെബ്രുവരി 16 മുതൽ 20 വരെ നടക്കും. പ്രധാന പരീക്ഷയുടെ ഉത്തരക്കടലാസുകളുടെ മൂല്യനിർണയം ഏപ്രിൽ 5 മുതൽ 27 വരെ നടക്കും. മെയ് ആദ്യവാരം SSLC പരീക്ഷാഫലം പ്രഖ്യാപിക്കാനാണ് തീരുമാനം. SSLC പരീക്ഷാ രജിസ്ട്രേഷൻ നവംബർ 18ന് ആരംഭിക്കും. പുതിയ പരീക്ഷാ സോഫ്റ്റ്‌വെയറായ 'യൂണിഫൈഡ് എക്സാമിനേഷൻ മാനേജ്മെന്റ് സിസ്റ്റം' വഴിയാണ് ഇത്തവണ രജിസ്ട്രേഷൻ ഉൾപ്പെടെയുള്ള പരീക്ഷാ നടപടികൾ പൂർത്തിയാക്കുക.ഹയർ സെക്കൻഡറി, വൊക്കേഷണൽ ഹയർ സെക്കൻഡറി വിഭാഗങ്ങളിലെ ക്രിസ്മസ് പരീക്ഷ ഡിസംബർ 8 മുതൽ 17 വരെ നടക്കും. ഡിസംബർ 18ന് ക്രിസ്മസ് അവധിക്കായി അടയ്ക്കുന്ന സ്കൂളുകൾ ഡിസംബർ 28ന് തുറക്കും.രണ്ടാം വർഷ ഹയർ സെക്കൻഡറി വിദ്യാർഥികളുടെ പ്രാക്ടിക്കൽ പരീക്ഷകൾ ജനുവരി 25ന് ആരംഭിക്കും. രണ്ടാം വർഷ വൊക്കേഷണൽ ഹയർ സെക്കൻഡറി വിദ്യാർഥികളുടെ വൊക്കേഷണൽ വിഷയങ്ങളുടെ പ്രായോഗിക പരീക്ഷകൾ ജനുവരി 15ന് തുടങ്ങും.
ഗതാഗത നിയന്ത്രണം
പൊഴുതന ഗ്രാമപഞ്ചായത്തിലെ അച്ചൂര്‍ പാലത്തിന്റെ പുനരുദ്ധാരണ പ്രവൃത്തികള്‍ നടക്കുന്നതിനാല്‍ പാലത്തിലൂടെയുള്ള വാഹന ഗതാഗതം നവംബര്‍ 14 മുതല്‍ താത്ക്കാലികമായി നിരോധിക്കുമെന്നും വാഹനങ്ങള്‍ മൈലുംപാത്തി വഴി പോകണമെന്നും അധികൃതര്‍ അറിയിച്ചു.
ഇ-ഗ്രാന്റ്‌സ് പോര്‍ട്ടലില്‍ അപേക്ഷിക്കാം
പിന്നാക്ക വികസന വകുപ്പിന്റെ ഒ.ഇ.സി പ്രീ-മെട്രിക് വിദ്യാഭ്യാസാനുകൂല്യത്തിന് ഇ-ഗ്രാന്റ്‌സ് 3.0 പോര്‍ട്ടല്‍ മുഖേന അപേക്ഷിക്കാം. സംസ്ഥാനത്തെ സര്‍ക്കാര്‍, സര്‍ക്കാര്‍ എയ്ഡഡ്, അംഗീകൃത അണ്‍ എയ്ഡഡ്, സി.ബി.എസ്.ഇ, ഐ.സി.എസ്.ഇ അഫിലിയേറ്റഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്ന ഒ.ഇ.സി വിഭാഗം (എസ്.സി, എസ്.ടി) വിദ്യാര്‍ഥികള്‍ക്കാണ് അപേക്ഷിക്കാന്‍ അവസരം. കുടുംബ വാര്‍ഷിക വരുമാനം ആറു ലക്ഷത്തില്‍ അധികരിക്കരുത്. ഒ.ഇ.സി വിദ്യാഭ്യാസാനുകൂല്യത്തിന് അര്‍ഹതയുള്ള ഒ.ബി.സി (എച്ച്) വിഭാഗം വിദ്യാര്‍ഥികള്‍ക്കും അപേക്ഷിക്കാം. അപേക്ഷകള്‍ നവംബര്‍ 30 നകം www.egrantz.kerala.gov.in മുഖേന ഓണ്‍ലൈനായി നല്‍കണം. ഫോണ്‍-0495 2377786.
പൊഴുതനയുടെ കായിക സ്വപ്നങ്ങള്‍ക്കായി ഇന്‍ഡോര്‍ സ്റ്റേഡിയം
കായിക സ്വപ്നങ്ങള്‍ക്ക് അതിരുകളില്ലെന്ന് തെളിയിക്കാന്‍ ഇനി പൊഴുതനയിലെ കുട്ടികള്‍ക്കും യുവജനങ്ങള്‍ക്കും സ്വന്തം മണ്ണില്‍ ഒരിടം. ഗ്രാമീണ മേഖലയിലെ കായിക പ്രതിഭകള്‍ക്ക് മികച്ച പരിശീലന സൗകര്യമൊരുക്കുകയെന്ന ലക്ഷ്യത്തോടെ പൊഴുതനയില്‍ നിര്‍മിച്ച ഇന്‍ഡോര്‍ ഷട്ടില്‍ സ്റ്റേഡിയം നേട്ടങ്ങള്‍ക്ക് കരുത്താവും. കായിക രംഗത്ത് അടിസ്ഥാന സൗകര്യ വികസനത്തില്‍ പുതിയ അധ്യായം കുറിക്കുന്ന സ്റ്റേഡിയം തോട്ടം മേഖലയിലെയും ഗോത്ര മേഖലയിലെയും യുവജനങ്ങള്‍ക്ക് ഏറെ പ്രതീക്ഷയാണ് നല്‍കുന്നത്. 2019 ല്‍ തുടക്കമിട്ട പദ്ധതിയാണ് പ്രതിസന്ധികള്‍ അതിജീവിച്ച് യാഥാര്‍ഥ്യമായത്. സ്ഥല ലഭ്യതയുമായി ബന്ധപ്പെട്ടും വിവിധ വകുപ്പുകളുടെ അനുമതികളും കെട്ടിടത്തിന്റെ ഉയരവുമായി ബന്ധപ്പെട്ട സാങ്കേതിക നിയന്ത്രണങ്ങളും നിര്‍മാണത്തിന് തടസ്സമായി. പൊഴുതന ഗ്രാമപഞ്ചായത്തിലെ കെട്ടിടങ്ങളുടെ ഉയര പരിധിയില്‍ പ്രത്യേക ഇളവ് ലഭിച്ചതോടെയാണ് നിര്‍മാണം പൂര്‍ത്തിയാക്കിയത്. 2018-19 വര്‍ഷത്തെ പ്രളയനിരപ്പില്‍നിന്ന് ഉയര്‍ത്തിയാണ് കെട്ടിടത്തിന്റെ തറ നിര്‍മിച്ചിരിക്കുന്നത്. 212 ചതുരശ്ര മീറ്റര്‍ വിസ്തീര്‍ണവും 11 മീറ്റര്‍ ഉയരവുമുള്ള സ്റ്റേഡിയത്തില്‍ സിന്തറ്റിക് മാറ്റ് വിരിച്ച ഷട്ടില്‍ കോര്‍ട്ടാണ് ഒരുക്കിയത്. നികുതിയുള്‍പ്പെടെ 47.79 ലക്ഷം രൂപയാണ് നിര്‍മാണ ചെലവ്. പദ്ധതി പൂര്‍ത്തീകരണത്തിന് ജനപ്രതിനിധികള്‍, ഉദ്യോഗസ്ഥര്‍, നാട്ടുകാര്‍, മുന്‍ ഭരണസമിതി, ത്രിതല പഞ്ചായത്തുകളുടെ പിന്തുണയും പദ്ധതിക്ക് കരുത്തായി.
ഗ്രാമീണ മേഖലയിലെ കായിക സൗകര്യങ്ങള്‍ വികസിപ്പിക്കേണ്ടത് കാലഘട്ടത്തിന്റെ ആവശ്യം: മന്ത്രി ടി സിദ്ദീഖ്
ഗ്രാമീണ മേഖലകളിലെ കായിക സൗകര്യങ്ങള്‍ വികസിപ്പിക്കേണ്ടത് കാലഘട്ടത്തിന്റെ ആവശ്യമാണെന്നും ഫുട്‌ബോള്‍, ഷട്ടില്‍ ബാഡ്മിന്റണ്‍, വോളിബോള്‍, നീന്തല്‍ തുടങ്ങിയ കായിക ഇനങ്ങള്‍ക്ക് കൂടുതല്‍ സൗകര്യങ്ങള്‍ ഒരുക്കാന്‍ തദ്ദേശ സ്ഥാപനങ്ങള്‍ തയ്യാറാക്കണമെന്നും കൃഷി വകുപ്പ് മന്ത്രി ടി സിദ്ദീഖ്. പൊഴുത ഗ്രാമപഞ്ചായത്തിന്റെ കായിക വികസനത്തിന് പുതിയ ചുവടുവെപ്പായി നിര്‍മിച്ച ഇന്‍ഡോര്‍ ഷട്ടില്‍ സ്റ്റേഡിയം ഉദ്ഘാടനം ചെയ്തി സംസാരിക്കുകയായിരുന്നു മന്ത്രി. യുവ തലമുറയെ കായിക രംഗത്തേക്ക് ആകര്‍ഷിക്കുന്നതിലൂടെ ലഹരിക്കെതിരെ പ്രതിരോധം ശക്തിപ്പെടുത്താന സാധിക്കുമെന്നും മന്ത്രി പറഞ്ഞു. ഗ്രാമപഞ്ചായത്ത് പ്രസിഡന്റ് അബ്ദുല്‍ നാസര്‍ കാതിരി അധ്യക്ഷനായ പരിപാടിയില്‍ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍, ഗ്രാമപഞ്ചായത്ത് വൈസ് പ്രസിഡന്റ് സുധ അനില്‍, സ്ഥിരംസമിതി അധ്യക്ഷന്മാരായ എ. രാജേന്ദ്രന്‍, ആരിക്ഷ സലാം, ജില്ലാ പഞ്ചായത്ത് സെക്രട്ടറി ബെന്നി ജോസഫ്, വാര്‍ഡ് അംഗം എന്‍.പി സാബിറ, പഞ്ചായത്ത് സെക്രട്ടറി അനീഷ് പോള്‍, രാഷ്ട്രീയ പ്രതിനിധികള്‍, ജനപ്രതിനിധികള്‍, വ്യാപാരി വ്യവസായി ഏകോപന സമിതി അംഗങ്ങള്‍ എന്നിവര്‍ പങ്കെടുത്തു.
വന്യജീവി ആക്രമണം ലഘൂകരിക്കാന്‍ വനം വകുപ്പിന്റെ സൗരോര്‍ജ്ജ വിളക്കുകള്‍
വന്യജീവി ആക്രമണ ഭീതി നേരിടുന്ന വനാതിര്‍ത്തി ഗ്രാമങ്ങള്‍ക്ക് ആശ്വാസമായി വനം വകുപ്പിന്റെ സൗരോര്‍ജ്ജ തെരുവ് വിളക്കുകള്‍. മനുഷ്യ-വന്യജീവി സംഘര്‍ഷം ലഘൂകരിച്ച് പൊതുജനങ്ങളുടെ സുരക്ഷ ഉറപ്പാക്കാന്‍ നോര്‍ത്ത് വയനാട് വനം ഡിവിഷന്റെ നേതൃത്വത്തില്‍ മാനന്തവാടി റാപ്പിഡ് റസ്‌പോണ്‍സ് ടീമും കീ സ്റ്റോണ്‍ ഫൗണ്ടേഷനും കൈകോര്‍ത്താണ് പദ്ധതി നടപ്പാക്കിയത്. രാത്രികാലങ്ങളില്‍ വന്യമൃഗങ്ങള്‍ ജനവാസ മേഖലകളിലേക്ക് ഇറങ്ങുന്നത് പ്രദേശവാസികള്‍ക്ക് വലിയ വെല്ലുവിളിയായിരുന്നു. വെളിച്ചക്കുറവ് കാരണം വന്യമൃഗങ്ങളുടെ സാന്നിധ്യം തിരിച്ചറിയാന്‍ കഴിയാത്തത് പലപ്പോഴും അപകടങ്ങള്‍ക്ക് കാരണമായ സാഹചര്യത്തിലാണ് വന്യജീവി സംഘര്‍ഷ സാധ്യത കൂടുതലുള്ള പ്രദേശങ്ങള്‍ കണ്ടെത്തി വനംവകുപ്പ് സൗരോര്‍ജ്ജ തെരുവ് വിളക്കുകള്‍ സ്ഥാപിച്ചത്. ബേഗൂര്‍, മാനന്തവാടി, പേര്യ റെയ്ഞ്ചുകളിലെ അറവനാഴി, പനവല്ലി, അവരമൂല, എമ്മടി, ഷാണമംഗലം, ബാവലി, മാനിവയല്‍, മുത്തുമാരി, തച്ചറക്കൊല്ലി, കുമ്പന്നൂര്‍, പഞ്ചാരക്കൊല്ലി, പണിയന്‍കുഴി മല, മൈലറ്റുമല, പെരിഞ്ചേരിമല, കോട്ടയില്‍ എന്നീ പതിനഞ്ചോളം ഇടങ്ങളിലാണ് സോളാര്‍ വിളക്കുകളാല്‍ സുരക്ഷ ഉറപ്പാക്കുന്നത്. തദ്ദേശ സ്വയംഭരണ സ്ഥാപന ജനപ്രതിനിധികളുടെ പങ്കാളിത്തം ഉറപ്പാക്കി വന്യമൃഗ സംഘര്‍ഷ സാധ്യതയുള്ള പ്രദേശങ്ങളില്‍ പ്രത്യേക ഗ്രാമതല യോഗങ്ങള്‍ ചേര്‍ന്ന് സൗരോര്‍ജ്ജ തെരുവ് വിളക്കുകളുടെ ദീര്‍ഘകാല പരിപാലനം വനംവകുപ്പ് ഉറപ്പാക്കും. വൈദ്യുതി തടസങ്ങള്‍ ബാധിക്കാത്ത സൗരോര്‍ജ്ജ വിളക്കുകള്‍ സ്ഥാപിച്ചതോടെ രാത്രികാല യാത്രകള്‍ കൂടുതല്‍ സുരക്ഷിതമായതിന്റെ ആശ്വാസത്തിലാണ് വനാതിര്‍ത്തിയിലെ നാട്ടുകാര്‍. വന്യജീവി പ്രതിരോധ പ്രവര്‍ത്തനങ്ങളില്‍ സര്‍ക്കാര്‍ സംവിധാനങ്ങള്‍, സന്നദ്ധ സംഘടനകള്‍, ജനപ്രതിനിധികള്‍ ഒന്നിക്കുന്നതിന്റെ മികച്ച മാതൃകയായി പദ്ധതി മാറുകയാണ്.
ക്വട്ടേഷന്‍ ക്ഷണിച്ചു
പൊതുമരാമത്ത് വകുപ്പ് റോഡ് മെയിന്റനന്‍സ് കല്‍പ്പറ്റ സബ് ഡിവിഷന്റെ ആവശ്യത്തിനായിടാക്‌സി വാഹനം വാടകയ്ക്ക് നല്‍കുന്നതിന് ടാക്‌സി ഉടമകള്‍, ട്രാവല്‍ ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു. 1500 സിസിയില്‍ താഴെ അല്ലെങ്കില്‍ തത്തുല്യമായ വാഹനമാണ് വേണ്ടത്. ക്വട്ടേഷനുകള്‍ നവംബര്‍ 18 ന് ഉച്ചയ്ക്ക് രണ്ട് വരെ ഓഫീസില്‍ നല്‍കണം.
വനിതാ രത്‌ന പുരസ്‌കാരത്തിന് നോമിനേഷനുകള്‍ ക്ഷണിച്ചു
വനിതാ ശിശു വികസന വകുപ്പ് 2026 ലെ വനിതാരത്‌ന പുരസ്‌കാരത്തിന് നോമിനേഷനുകള്‍ ക്ഷണിച്ചു. സാമൂഹ്യ സേവനം, കായികരംഗം, പ്രതികൂല സാഹചര്യങ്ങളെ അതിജീവിച്ച് ജീവിത വിജയം നേടിയ വനിത, സ്ത്രീകളുടെയും കുട്ടികളുടെയും ശാക്തീകരണം, വിദ്യാഭ്യാസ-ശാസ്ത്ര-സാങ്കേതിക മേഖലകള്‍, കലാരംഗം എന്നിങ്ങനെ ആറ് മേഖലകളില്‍ വ്യക്തിമുദ്ര പതിപ്പിച്ച വനിതകള്‍ക്ക് അവാര്‍ഡ് നല്‍കുന്നതിനാണ് നോമിനേഷനുകള്‍ ക്ഷണിച്ചത്. അര്‍ഹരായ വ്യക്തികളെ സ്ഥാപനങ്ങള്‍, സംഘടനകള്‍,മറ്റു വ്യക്തികള്‍ നോമിനേറ്റ് ചെയ്യണം. നോമിനേഷനുകള്‍ നവംബര്‍ 30 നകം അതത് ജില്ലാ വനിതാ ശിശു വികസന ഓഫീസര്‍ക്ക് നല്‍കണം. കൂടുതല്‍ വിവരങ്ങള്‍ www.wcd.kerala.gov.in ലും ജില്ലാ വനിതാ ശിശു വികസന ഓഫീസിലും ലഭിക്കും. ഫോണ്‍- 04936-296362.
ടെന്‍ഡര്‍ ക്ഷണിച്ചു
വനിതാ ശിശു വികസന വകുപ്പ് സങ്കല്‍പ്പ് ഹബ് ഫോര്‍ എംപവര്‍മെന്റ് ഓഫ് വുമണ്‍ പദ്ധതി പ്രവര്‍ത്തനങ്ങള്‍ക്കായി കരാര്‍ വ്യവസ്ഥയില്‍ വാഹനം വാടകയ്ക്ക് എടുക്കുന്നതിന് ടെന്‍ഡര്‍ ക്ഷണിച്ചു. താത്പര്യമുള്ളവര്‍ നവംബര്‍ 24 ഉച്ചയ്ക്ക് 12 നകം ടെന്‍ഡര്‍ നല്‍കണം. കൂടുതല്‍ വിവരങ്ങള്‍ക്ക് 04936-296362, 9495307665 നമ്പറുകളില്‍ ബന്ധപ്പെടാം.
വയനാട് ജില്ലാ ശാസ്ത്രമേളയിൽ മികച്ച നേട്ടവുമായി നിർമല ഹൈസ്കൂൾ
വയനാട് ജില്ലാ ശാസ്ത്രമേളയിൽ ഹൈസ്കൂൾ വിഭാഗം പ്രവൃത്തി പരിചയമേളയിൽ തരിയോട് നിർമല ഹൈസ്കൂൾ 136 പോയന്റുമായി ഓവറോൾ കിരീടം നേടി. പങ്കെടുത്ത 18 ഇനങ്ങളിൽ ആറ് ഒന്നാം സ്ഥാനവും നാല് രണ്ടാം സ്ഥാനവുമടക്കം എല്ലാ കുട്ടികളും എ ഗ്രേഡ് നേടി. 11 വിദ്യാർഥികൾ സംസ്ഥാന തല മത്സരത്തിന് യോഗ്യത നേടി. തുടർച്ചയായി നാലാം വർഷവും ഓവറോൾ നേടുന്നതിന് വിദ്യാർഥികളെ പ്രാപ്തരാക്കിയ, വർക്ക് എക്സ്പിരിയൻസ് അധ്യാപിക അമ്പിളി തോമസിനെയും, വിജയികളായ വിദ്യാർഥികളെയും, പിടിഎ യും സ്റ്റാഫ് കൗൺസിലും അനുമോദിച്ചു. മാനേജർ ഫാ. സ്റ്റീഫൻ കോട്ടയ്ക്കൽ, പിടിഎ പ്രസിഡൻ്റ് ജോൺസൻ എം വി., എംപിടിഎ പ്രസിഡൻ്റ് ദിവ്യ പ്രതീഷ്, ഹെഡ്മാസ്റ്റർ ജോബി മാനുവൽ, സ്റ്റാഫ് സെക്രട്ടറി സ്റ്റെല്ല സെബാസ്റ്റ്യൻ എന്നിവർ സംസാരിച്ചു.
വയനാട് ജില്ലാ ശാസ്ത്രമേളയിൽ മികച്ച നേട്ടവുമായി നിർമല ഹൈസ്കൂൾ
വയനാട് ജില്ലാ ശാസ്ത്രമേളയിൽ ഹൈസ്കൂൾ വിഭാഗം പ്രവൃത്തി പരിചയമേളയിൽ തരിയോട് നിർമല ഹൈസ്കൂൾ 136 പോയന്റുമായി ഓവറോൾ കിരീടം നേടി. പങ്കെടുത്ത 18 ഇനങ്ങളിൽ ആറ് ഒന്നാം സ്ഥാനവും നാല് രണ്ടാം സ്ഥാനവുമടക്കം എല്ലാ കുട്ടികളും എ ഗ്രേഡ് നേടി. 11 വിദ്യാർഥികൾ സംസ്ഥാന തല മത്സരത്തിന് യോഗ്യത നേടി. തുടർച്ചയായി നാലാം വർഷവും ഓവറോൾ നേടുന്നതിന് വിദ്യാർഥികളെ പ്രാപ്തരാക്കിയ, വർക്ക് എക്സ്പിരിയൻസ് അധ്യാപിക അമ്പിളി തോമസിനെയും, വിജയികളായ വിദ്യാർഥികളെയും, പിടിഎ യും സ്റ്റാഫ് കൗൺസിലും അനുമോദിച്ചു. മാനേജർ ഫാ. സ്റ്റീഫൻ കോട്ടയ്ക്കൽ, പിടിഎ പ്രസിഡൻ്റ് ജോൺസൻ എം വി., എംപിടിഎ പ്രസിഡൻ്റ് ദിവ്യ പ്രതീഷ്, ഹെഡ്മാസ്റ്റർ ജോബി മാനുവൽ, സ്റ്റാഫ് സെക്രട്ടറി സ്റ്റെല്ല സെബാസ്റ്റ്യൻ എന്നിവർ സംസാരിച്ചു.
വയനാട് ജില്ലാ ശാസ്ത്രമേളയിൽ മികച്ച നേട്ടവുമായി നിർമല ഹൈസ്കൂൾ
വയനാട് ജില്ലാ ശാസ്ത്രമേളയിൽ ഹൈസ്കൂൾ വിഭാഗം പ്രവൃത്തി പരിചയമേളയിൽ തരിയോട് നിർമല ഹൈസ്കൂൾ 136 പോയന്റുമായി ഓവറോൾ കിരീടം നേടി. പങ്കെടുത്ത 18 ഇനങ്ങളിൽ ആറ് ഒന്നാം സ്ഥാനവും നാല് രണ്ടാം സ്ഥാനവുമടക്കം എല്ലാ കുട്ടികളും എ ഗ്രേഡ് നേടി. 11 വിദ്യാർഥികൾ സംസ്ഥാന തല മത്സരത്തിന് യോഗ്യത നേടി. തുടർച്ചയായി നാലാം വർഷവും ഓവറോൾ നേടുന്നതിന് വിദ്യാർഥികളെ പ്രാപ്തരാക്കിയ, വർക്ക് എക്സ്പിരിയൻസ് അധ്യാപിക അമ്പിളി തോമസിനെയും, വിജയികളായ വിദ്യാർഥികളെയും, പിടിഎ യും സ്റ്റാഫ് കൗൺസിലും അനുമോദിച്ചു. മാനേജർ ഫാ. സ്റ്റീഫൻ കോട്ടയ്ക്കൽ, പിടിഎ പ്രസിഡൻ്റ് ജോൺസൻ എം വി., എംപിടിഎ പ്രസിഡൻ്റ് ദിവ്യ പ്രതീഷ്, ഹെഡ്മാസ്റ്റർ ജോബി മാനുവൽ, സ്റ്റാഫ് സെക്രട്ടറി സ്റ്റെല്ല സെബാസ്റ്റ്യൻ എന്നിവർ സംസാരിച്ചു.
