ഏതാണ്ട് 15,000 കോടി രൂപയോളം പ്രാഥമിക ഓഹരി വില്പ്പനയിലൂടെ സമാഹരിക്കുന്ന ലുലു ഗ്രൂപ്പ് അബുദാബി ഐപിഒ പൂർത്തിയാകുന്നതോടെ ലുലു ഗ്രൂപ്പിൻ്റെ മൂല്യം ഉയരും.ഏകദേശം 58,800 കോടി രൂപയിലേറെയായിരിക്കും മൂല്യം എന്ന് റിപ്പോർട്ടുകളുണ്ട്.
ഓഹരി ലുലു ഗ്രൂപ്പ് ചെയർമാൻ എംഎ യൂസഫലിയുടെയും പ്രമോട്ടർമാരുടെയും ആസ്തിയില് വർധന വരുത്താൻ നിലവിലെ ഓഹരി വില്പ്പന സഹായകമാകും. ഓഹരികളുടെ മൂല്യം ഉയരുന്നത് നിക്ഷേപകർക്കും ഗുണമാകും. കുറഞ്ഞത് 1,000 ഓഹരികളാണ് വാങ്ങേണ്ടത്.
ലുലു ഗ്രൂപ്പ് ചെയർമാനും മാനേജിംഗ് ഡയറക്ടറുമായ എം എ യൂസഫലി ഏറ്റവും സമ്ബന്നനായ മലയാളിയാണ്.
ഫോബ്സിൻ്റെ ഏറ്റവും പുതിയ കണക്കനുസരിച്ച്, 2024 സെപ്തംബർ വരെ, ഏകദേശം 73,040 കോടി രൂപ ആസ്തിയുണ്ട്. രാജ്യത്തെ ഏറ്റവും സമ്ബന്നരില് 39-ാം സ്ഥാനത്തുണ്ട്. മിഡില് ഈസ്റ്റില് മാത്രമല്ല, ആഫ്രിക്കയിലും ഇന്ത്യയിലും സാനിധ്യമുള്ള റീട്ടെയില് പവർഹൗസാണ് ഇപ്പോള് ലുലു ഗ്രൂപ്പ്.
24 വർഷത്തിനുള്ളില് ശക്തമായ ഒരു ആഗോള ബിസിനസ് ശൃംഖല പടുത്തുയർത്തിയ മലയാളിയാണ് യൂസഫലി . തൃശൂർ ജില്ലയിലെ നാട്ടികയില് ആണ് ജനനം. കരാഞ്ചിറയിലെ സെൻ്റ് സേവ്യേഴ്സ് ഹൈസ്കൂളില് ആയിരുന്നു ആദ്യകാല സ്കൂള് വിദ്യാഭ്യാസം. ബിസിനസ് മാനേജ്മെൻ്റ് ആൻഡ് അഡ്മിനിസ്ട്രേഷനില് ഡിപ്ലോമ കരസ്ഥമാക്കിയിട്ടുണ്ട്.
1973-ല്, 18-ാം വയസ്സില്, അമ്മാവൻ്റെ ബിസിനസില് ചേരാനാണ് അബുദാബിയില് എത്തുന്നത്. ഇതാണ് സംരംഭകത്വ യാത്രയുടെ തുടക്കം.
1990-ല് സൂപ്പർമാർക്കറ്റ് മേഖലയിലേക്ക് ലുലു ഗ്രൂപ്പ് മാറി. പലചരക്ക് കടകള് വലിയ ഔട്ട്ലെറ്റുകള്ക്കും ഹൈപ്പർമാർക്കറ്റുകള്ക്കും വഴിമാറുന്ന അബുദാബിയിലെ റീട്ടെയില് ലാൻഡ്സ്കേപ്പിലെ മാറ്റത്തിനനുസരിച്ചായിരുന്നു അദ്ദേഹം ബിസിനസ് വിപുലീകരിച്ചത്.
ഇതാണ് ലുലു ഹൈപ്പർമാർക്കറ്റുകള്ക്ക് പിന്നില്. ഗള്ഫിലും ഇന്ത്യയിലും 256 ഹൈപ്പർമാർക്കറ്റുകളും മാളുകളും ഉള്ക്കൊള്ളുന്നതാണ് ലുലുവിൻ്റെ റീട്ടെയില് ശൃംഖല.
65000ല് അധികം ജീവനക്കാർ
ഗ്രൂപ്പ് ഇൻ്റർനാഷണലിന് 65,000-ത്തിലധികം ജീവനക്കാരുണ്ട്. 42 വ്യത്യസ്ത രാജ്യങ്ങളില് നിന്നുള്ള ജീവനക്കാർ കമ്ബനിയില് പ്രവർത്തിക്കുന്നു.
30,000-ത്തിലധികം പേർ ഇന്ത്യക്കാരാണ്. യുഎഇ, ഒമാൻ, ഖത്തർ, കുവൈറ്റ്, യെമൻ, സൗദി അറേബ്യ, ബഹ്റൈൻ, ഈജിപ്ത്, കെനിയ, ഇന്ത്യ എന്നിവയുള്പ്പെടെ നിരവധി രാജ്യങ്ങളില് പ്രവർത്തിക്കുന്ന ഹൈപ്പർമാർക്കറ്റുകളുടെയും റീട്ടെയില് കമ്ബനികളുടെയും ശൃംഖലയാണ് ലുലു ഗ്രൂപ്പ് ഇൻ്റർനാഷണല്. കമ്ബനിയുടെ ആസ്ഥാനവും അബുദാബിയിലാണ്.
