റീചാർജ് ചെയ്യുമ്പോൾ കോളും മെസേജും മാത്രം മതിയോ? ;ഡാറ്റ വേണ്ടാത്തവർക്ക് കൂടുതൽ റീചാർജ് ഓപ്ഷനുകൾ
മൊബൈല് റീചാര്ജ് ചെയ്യുമ്പോള് ഇന്റര്നെറ്റ് ഡാറ്റയും കൂടി നിര്ബന്ധമായി ഉള്പ്പെട്ടിരിക്കുന്ന പ്ലാന് തിരഞ്ഞെടുക്കേണ്ട സാഹചര്യം പലര്ക്കുമുണ്ട്. എന്നാല് മൊബൈല് പ്രധാനമായും ഫോണ് വിളികള്ക്കും എസ്എംഎസ് അയക്കാനും മാത്രമായി ഉപയോഗിക്കുന്നവരുണ്ട്. പ്രത്യേകിച്ച് മുതിര്ന്നവരും ഫീച്ചര് ഫോണ് ഉപയോഗിക്കുന്നവരും ഇത്തരക്കാരില്പ്പെടുന്നു. ഉപയോഗിക്കാത്ത ഡാറ്റയ്ക്കും പണം നല്കേണ്ടിവരുന്നത് ഇവര്ക്ക് അധിക ചിലവും കൂടിയാണ്.ഈ സാഹചര്യത്തിലാണ് ടെലികോം റെഗുലേറ്ററി അതോറിറ്റി ഓഫ് ഇന്ത്യ (TRAI) പുതിയ മാറ്റം കൊണ്ടുവന്നിരിക്കുന്നത്. കോളുകളും മെസേജും മാത്രം ലഭിക്കുന്ന റീചാര്ജ് പ്ലാനുകള് കൂടുതല് കാലാവധികളില് ലഭ്യമാക്കണമെന്നാണ് പുതിയ നിയമം. 2026 സെപ്റ്റംബര് 22ന് TRAI പുറത്തിറക്കിയ Telecom Consumer Protection (13th Amendment) Regulatiosn 2026 ആണ് ഇതിന് പിന്നില്.ഇത് പുതിയതായി വരുന്ന പ്ലാനുകളാണോ?കോളും എസ്എംഎസും മാത്രം നല്കുന്ന Special Tariff Vouchers (STVs) അവതരിപ്പിക്കാന് TRAI നേരത്തെ തന്നെ നിര്ദേശം നല്കിയിരുന്നു. 2025 ജനുവരിയില് ജിയോ, എയര്ടെല് ഉള്പ്പെടെയുള്ള കമ്പനികള് ഇത്തരം പ്ലാനുകള് അവതരിപ്പിക്കുകയും ചെയ്തിരുന്നു. ഉദാഹരണത്തിന് അന്ന് എയര്ടെല് 84 ദിവസത്തേക്കുള്ള 499 രൂപയുടെ പ്ലാനും 365 ദിവസത്തേക്കുള്ള 1,959 രൂപയുടെ പ്ലാനും അവതരിപ്പിച്ചിരുന്നു. ജിയോ 84 ദിവസത്തെയും 365 ദിവസത്തെയും വോയ്സ് എസ്എംഎസ് ഒണ്ലി പ്ലാനുകള് അവതരിപ്പിച്ചിരുന്നു.2024 ഡിസംബറില് കൊണ്ടുവന്ന നിയമഭേദഗതിയില് ടെലികോം കമ്പനികള് കുറഞ്ഞത് ഒരു Voice + SMS-only voucher നല്കണമെന്ന് TRAI നിര്ദേശിച്ചിരുന്നു. അതിന്റെ വാലിഡിറ്റി പരമാവധി 365 ദിവസം വരെയാകാമായിരുന്നു. അതായത് പുതിയ നിയമം ഇത്തരം പ്ലാനുകള് ആദ്യമായി അവതരിപ്പിക്കുന്നതല്ല. നിലവിലുള്ള Voice-SMS-only റീചാര്ജ് സംവിധാനത്തെ കൂടുതല് വിപുലപ്പെടുത്തുകയാണ്.എന്താണ് പുതിയ മാറ്റം ?നിലവില് വോയ്സ്-എസ്എംഎസ് പ്ലാനുകള് ലഭ്യമാണെങ്കിലും അവയുടെ കാലാവധി ഓപ്ഷനുകള് പരിമിതമാണെന്ന് TRAI വിലയിരുത്തി. പ്രത്യേകിച്ച് ചെറിയ കാലയളവിലേക്ക് റീചാര്ജ് ചെയ്യാന് ആഗ്രഹിക്കുന്നവര്ക്ക് ഓപ്ഷനുകള് കുറവായിരുന്നു. ഇത് പരിഹരിക്കാനാണ് പുതിയ ഭേദഗതി. ഇനി ഒരു ടെലികോം കമ്പനി Voice + SMS + Data ഉള്പ്പെടുന്ന ഒരു പ്ലാന് ഒരു പ്രത്യേക കാലാവധിയില് നല്കുന്നുണ്ടെങ്കില് അതിന് അനുയോജ്യമായ Voice + SMS-only STVയും നല്കേണ്ടിവരും. പ്രത്യേകിച്ച്30 ദിവസമോ അതില് കുറവോ ഉള്ള വാലിഡിറ്റിയില് കോള്, എസ്എംഎസ്, ഡാറ്റ ഉള്പ്പെടുന്ന പ്ലാന് ഉണ്ടെങ്കില് അതിന് Voice + SMS-only ഓപ്ഷനും വേണം30 ദിവസത്തില് കൂടുതലുള്ള ഓരോ വാലിഡിറ്റി കാലയളവിനും അനുയോജ്യമായ Voice + SMS-only voucher നല്കണംഒരേ തീയതിയില് ഓരോ മാസവും പുതുക്കാന് കഴിയുന്ന രീതിയിലുള്ള ഒരു Voice + SMS-only പ്ലാനും നല്കണംഇതിന് പുറമെ, മുകളില് പറഞ്ഞ കാലയളവുകളേക്കാള് കൂടുതല് വാലിഡിറ്റി ഉള്ള കുറഞ്ഞത് ഒരു Voice + SMS-only voucher കൂടി നല്കണം.30 ദിവസത്തെ പ്ലാന്' എന്നാല്?എല്ലാ മൊബൈല് റീചാര്ജുകളും ഇനി 30 ദിവസത്തേക്ക് ആയിരിക്കും എന്നല്ല TRAI പറഞ്ഞിരിക്കുന്നത്. പുതിയ നിയമം പറയുന്നത് കമ്പനികള് കോള്-എസ്എംഎസ് -ഡാറ്റ ഉള്പ്പെടുന്ന വിവിധ വാലിഡിറ്റി കാലയളവുകളില് പ്ലാനുകള് നല്കുന്നുണ്ടെങ്കില്, അതിന് സമാനമായ Voice + SMS-only ഓപ്ഷനുകളും നല്കണമെന്നാണ്. കൂടാതെ മാസംതോറും ഒരേ തീയതിയില് പുതുക്കാന് കഴിയുന്ന ഒരു Voice + SMS-only പ്ലാനും ഉണ്ടായിരിക്കണം. ആ തീയതി ഏതെങ്കിലും മാസത്തില് ഇല്ലെങ്കില് ആ മാസത്തിലെ അവസാന ദിവസമാണ് പുതുക്കല് തീയതിയായി കണക്കാക്കുക.
മൂന്ന് ദിവസം പണിമുടക്ക്; സെപ്റ്റംബർ 27 ഞായറാഴ്ച എല്ലാ പൊതുമേഖലാ ബാങ്കുകളും തുറന്ന് പ്രവർത്തിക്കും
ഞായറാഴ്ച ബാങ്കുകൾ (സെപ്റ്റംബർ 27) തുറന്നു പ്രവർത്തിക്കും. റിസർവ് ബാങ്ക് അനുമതിയോടെയാണ് ബാങ്കുകൾ പ്രവർത്തിക്കുക. സെപ്റ്റംബർ 28 മുതൽ തുടർച്ചയായി മൂന്നു ദിവസം ബാങ്ക് ജീവനക്കാർ പണിമുടക്ക് സമരം പ്രഖ്യാപിച്ചിരിക്കുന്ന സാഹചര്യത്തിലാണ് അസാധാരണ നടപടി.സെപ്റ്റംബർ 26 നാലാം ശനിയാഴ്ചയും 27 ഞായറാഴ്ചയും ആയതിനാൽ തുടർച്ചയായി അഞ്ച് ദിവസം ബാങ്ക് ഇടപാടുകൾ മുടങ്ങും. ഈ സാഹചര്യം കണക്കിലെടുത്താണ് ഞായറാഴ്ച ബാങ്കുകൾക്ക് പ്രവർത്തിക്കാൻ അനുമതി നൽകിയിരിക്കുന്നത്.ബാങ്ക് ജീവനക്കാരുടെ പ്രവൃത്തിദിനം അഞ്ചായി കുറയ്ക്കണമെന്ന് ആവശ്യപ്പെട്ട് യുഎഫ്ബിയു എന്ന സംഘടനയാണ് പണിമുടക്കിന് ആഹ്വാനം ചെയ്തിരിക്കുന്നത്. സമരം മുൻ നിർത്തി ബാങ്ക് ഇടപാടുകൾ മുൻകൂട്ടി പൂർത്തിയാക്കാൻ ബാങ്കുകൾ ഇടപാടുകാർക്ക് നിർദേശം നൽകിയിട്ടുണ്ട്. എടിഎമ്മുകളിൽ പണം നിറക്കാനുള്ള നടപടിയും സ്വീകരിച്ചിട്ടുണ്ട്.
ഗുണ്ടല്പേട്ടില് കാറും ലോറിയും കൂട്ടിയിടിച്ച് അപകടം; തച്ചനാട്ടുകര സ്വദേശിയായ യുവതി മരിച്ചു
തച്ചനാട്ടുകര: കര്ണാടകയിലെ ഗുണ്ടല്പേട്ടിലുണ്ടായ കാര് അപകടത്തില് മലപ്പുറം തച്ചനാട്ടുകര സ്വദേശിയായ യുവതി മരിച്ചു. പടിഞ്ഞാറേ പാലോട് പട്ടിശേരി മുഹമ്മദിന്റെ മകന് നബീലിന്റെ ഭാര്യ ലിസ്ന (28) ആണ് മരണപ്പെട്ടത്.ചൊവ്വാഴ്ചയാണ് നബീലിന്റെ ഭാര്യയും രണ്ടു മക്കളും ബന്ധുക്കളായ പാറക്കല്ലില് കരീം ഹാജിയുടെ മകന് സബീദ്, അദ്ദേഹത്തിന്റെ ഭാര്യ, മകന് എന്നിവരടങ്ങുന്ന സംഘം പാലോടുനിന്ന് മൈസൂരിലേക്ക് വിനോദയാത്ര പുറപ്പെട്ടത്.ബുധനാഴ്ച വൈകുന്നേരം ആറുമണിയോടെ മൈസൂരില് നിന്ന് നാട്ടിലേക്ക് മടങ്ങുന്നതിനിടെ ഇവര് സഞ്ചരിച്ചിരുന്ന കാര് ഗുണ്ടല്പേട്ടില് വെച്ച് ലോറിയുമായി കൂട്ടിയിടിക്കുകയായിരുന്നു. അപകടത്തില് ഗുരുതരമായി പരിക്കേറ്റ ലിസ്ന മരണപ്പെടുകയായിരുന്നു. മൃതദേഹം നിലവില് ഗുണ്ടല്പേട്ട് താലൂക്ക് സര്ക്കാര് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
താത്കാലിക നിയമനം
ജില്ലാ പഞ്ചായത്തിൻ്റെ തെരുവുനായ്ക്കളുടെ വന്ധ്യംകരണ പദ്ധതിയുടെ (എ ബി സി) നടത്തിപ്പിന്റെ ഭാഗമായി പടിഞ്ഞാറത്തറ എ ബി സി സെൻ്ററിലെ ശുചീകരണ തൊഴിലാളി തസ്തികയിലേക്ക് താൽക്കാലിക നിയമനം നടത്തുന്നു. ഒരു ഒഴിവിലേക്കാണ് നിയമനം. മാസ വേതനം 12000 രൂപ. താത്പര്യമുള്ളവർ തിരിച്ചറിയൽ രേഖയുടെ അസലും പകർപ്പും സഹിതം സെപ്റ്റംബർ 26 ന് രാവിലെ 11 ന് ജില്ലാ മൃഗസംരക്ഷണ ഓഫീസിൽ അഭിമുഖത്തിന് എത്തണം. ഫോൺ:04936 202292.
സംസ്ഥാനത്ത് ഇന്നും ശക്തമായ മഴയ്ക്ക് സാധ്യത; അഞ്ച് ജില്ലകളിൽ യെല്ലോ അലേർട്ട്
സംസ്ഥാനത്ത് വ്യാപകമായ ഒറ്റപ്പെട്ട മഴയ്ക്ക് സാധ്യതയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. ഇന്ന് കേരളത്തില് അഞ്ച് ജില്ലകളില് മഴ മുന്നറിയിപ്പ് പ്രഖ്യാപിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചത്.നാളെ ഏഴ് ജില്ലകൾക്ക് കാലാവസ്ഥാ നിരീക്ഷണ കേന്ദ്രം മഴ മുന്നറിയിപ്പ് പുറപ്പെടിവിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂര്, കാസര്കോഡ്, തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലാണ് നാളെ യെല്ലോ അലേർട്ട് പ്രഖ്യാപിച്ചത്. ഇവിടെ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. തീരപ്രദേശത്തുള്ളവർ ഈ ദിവസങ്ങളിൽ ജാഗ്രത പാലിക്കണമെന്നും നിർദേശമുണ്ട്.
വയനാടിനെ ആയുർവേദ കേന്ദ്രമാക്കാൻ പ്രവർത്തനം ഊർജിതമാക്കും: എം.എൽ.എ ഐ.സി ബാലകൃഷ്ണൻ
വയനാടിന്റെ സവിശേഷമായ ടൂറിസം സാധ്യതകൾ പ്രയോജനപ്പെടുത്തി ജില്ലയെ ഒരു പ്രധാന ആയുർവേദ കേന്ദ്രമാക്കി മാറ്റുന്നതിനുള്ള പ്രവർത്തനങ്ങൾ ഊർജിതമാക്കുമെന്ന് എം.എൽ.എ ഐ.സി ബാലകൃഷ്ണൻ പറഞ്ഞു. വയനാട് ജില്ലാ ഭാരതീയ ചികിത്സാ വകുപ്പിന്റെയും നാഷണൽ ആയുഷ് മിഷന്റെയും സംയുക്താഭിമുഖ്യത്തിൽ “ആരോഗ്യപൂർണ്ണമായ നാളേയ്ക്കായി ആയുർവേദം” എന്ന പ്രമേയത്തിൽ സംഘടിപ്പിച്ച 11-മത് ആയുർവേദ ദിനാചരണത്തിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. ജില്ലയുടെ കാലാവസ്ഥയും പ്രകൃതി വിഭവങ്ങളും ഔഷധസസ്യ കൃഷിക്ക് ഏറെ അനുയോജ്യമാണ്. ഔഷധസസ്യ കൃഷി വ്യാപകമാക്കുന്നതിനൊപ്പം കർഷകർക്ക് പുതിയ വരുമാന മാർഗങ്ങൾ സൃഷ്ടിക്കാനും ഇതിലൂടെ സാധിക്കും. ജില്ലയിൽ ഒരു പുതിയ ആയുർവേദ മെഡിക്കൽ കോളേജ് ആരംഭിക്കുന്നതിനുള്ള സാധ്യതകളും ഗൗരവമായി പരിഗണിക്കേണ്ടതുണ്ടെന്ന് എം.എൽ.എ പറഞ്ഞു. കർണാടക, തമിഴ്നാട് സംസ്ഥാനങ്ങളുമായി അതിർത്തി പങ്കിടുന്ന വയനാടിന്റെ ഭൂമിശാസ്ത്രപരമായ പ്രത്യേകതയും ടൂറിസം സാധ്യതകളും ആയുർവേദ മേഖലയുമായി കൂട്ടിയിണക്കാനാകും. ആയുർവേദ ചികിത്സ, വെൽനെസ്, പ്രകൃതി ചികിത്സ, ഔഷധസസ്യാധിഷ്ഠിത ടൂറിസം തുടങ്ങിയ മേഖലകളെ ഏകോപിപ്പിച്ച് വയനാടിനെ ദേശീയതലത്തിൽ ശ്രദ്ധേയമായ ആയുർവേദ–വെൽനെസ് കേന്ദ്രമാക്കി മാറ്റുന്നതിനുള്ള സാധ്യതകൾ പ്രയോജനപ്പെടുത്തണമെന്നും എം.എൽ.എ പറഞ്ഞു.ജില്ലാ പഞ്ചായത്ത് പ്രസിഡന്റ് ചന്ദ്രികാ കൃഷ്ണൻ അധ്യക്ഷത വഹിച്ചു. ജില്ലയിൽ മികച്ച സംഭാവനകൾ നൽകിയ ഡോ. ഇ കുമാരൻ നമ്പൂതിരി, ഡോ. കെ പത്മനാഭൻ, ഡോ. വി സത്യാനന്ദനൻനായർ, ഡോ. എൻ ഗോവിന്ദൻ നായർ, ഡോ. കെ.എസ് സുരേന്ദ്ര മോഹൻ എന്നിവരെ ആദരിച്ചു. ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസർ ഡോ.എ.പി ബിനോയ് ആയുർവേദ സന്ദേശം നൽകി. റീൽസ് കോംപറ്റീഷൻ വിജയികൾ ക്ക് സമ്മാനങ്ങൾ നൽകി. ആരോഗ്യവും ആയുർവേദത്തിന്റെ സമഗ്രസാധ്യതകളും എന്ന വിഷയത്തിൽ ഗവ. ആയുർവേദ ഡിസ്പെൻസറി മാത്തൂർ മെഡിക്കൽ ഓഫീസറായ ഡോ. എ ഷാബു സെമിനാർ നയിച്ചു. ഡബ്ള്യു.എം. ഒ ആർട്സ് ആൻഡ് സയൻസ് കോളേജ് എൻ. എസ് എസ് യൂണിറ്റ് വിദ്യാർത്ഥികൾക്കായി ഉണർവ്വോടെ യൗവനം എന്ന വിഷയത്തിൽ നാഷണൽ ആയുഷ് മിഷൻ മെഡിക്കൽ ഓഫീസർ ഡോ.ആര്യ എസ് ക്ലാസെടുത്തു.വെങ്ങപ്പള്ളി പഞ്ചായത്ത് പ്രസിഡന്റ് ജാബർ പാലക്കൽ, പൊഴുതന ഗ്രാമപഞ്ചായത്ത് പ്രസിഡന്റ് അബ്ദു നാസർ, കണിയാമ്പറ്റ ഗ്രാമ പഞ്ചായത്ത് പ്രസിഡന്റ് വി.പി യൂസഫ്, കോട്ടത്തറ ഗ്രാമപഞ്ചായത്ത് പ്രസിഡന്റ്സി. സി രജിത, മീനങ്ങാടി ഗ്രാമപഞ്ചായത്ത് പ്രസിഡന്റ് ശ്രീജ സുരേഷ്, മൂപ്പൈനാട് ഗ്രാമ പഞ്ചായത്ത് പ്രസിഡന്റ് വി.കേശവൻ, നെൻമേനി ഗ്രാമപഞ്ചായത്ത് പ്രസിഡന്റ് എ ഗംഗാധരൻ, നൂൽപ്പുഴ പഞ്ചായത്ത് പ്രസിഡന്റ് എം.കെ ജയ, പടിഞ്ഞാറത്തറ ഗ്രാമപഞ്ചായത്ത് പ്രസിഡന്റ് കെ.കെ അസ്മ, തരിയോട് പഞ്ചായത്ത് പ്രസിഡന്റ് സൂസി കെ ബാബു, മേപ്പാടി ഗ്രാമപഞ്ചായത്ത് പ്രസിഡന്റ് റംല ഹംസ, പുൽപ്പള്ളി പഞ്ചായത്ത് പ്രസിഡന്റ് ബിന്ദുപ്രകാശ്, മുള്ളംകൊല്ലി ഗ്രാമ പഞ്ചായത്ത് പ്രസിഡന്റ് ലിസി ബാബു, മുട്ടിൽ ഗ്രാമപഞ്ചായത്ത് പ്രസിഡന്റ് സി.വി രഞ്ജിത്, ഹോമിയോ ജില്ലാ മെഡിക്കൽ ഓഫീസർ അച്ചാമ്മ ലെനു തോമസ്, ആയുർവേദ മെഡിക്കൽ അസോസിയേഷൻ ഓഫ് ഇന്ത്യ സെക്രട്ടറി ഡോ. ഫാത്തിമത്ത് സുഹ്റ, നാഷണൽ ആയുഷ് മിഷൻ ജില്ലാ പ്രോഗ്രാം മാനേജർ ഡോ.കെ ജി രഞ്ജിത്ത്, ജില്ലാ മെഡിക്കൽ ഓഫീസ് ഭാരതീയ ചികിത്സാ വകുപ്പ് സീനിയർ സൂപ്രണ്ട് എം.എസ് വിനോദ്, ഭാരതീയ ചികിത്സാ വകുപ്പ് റിട്ട. ഡയറക്ടർ അനിതാജേക്കബ് എന്നിവർ പങ്കെടുത്തു.
സ്പെഷ്യൽ ടീച്ചർ, ആയ നിയമനം
പൊഴുതന ഗ്രാമപഞ്ചായത്തിലെ ബി ആര് സി/ ബഡ്സ് സ്കൂളിലേക്ക് സ്പെഷ്യൽ ടീച്ചർ, ആയ തസ്തികകളില് കരാർ അടിസ്ഥാനത്തിൽ നിയമനം നടത്തുന്നു. ഉദ്യോഗാർത്ഥികൾ സെപ്റ്റംബർ 28 ന് രാവിലെ 10.3 ന് യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം പൊഴുതന ഗ്രാമപഞ്ചായത്ത് ഓഫീസിൽ അഭിമുഖത്തിന് എത്തണം. ഫോണ്- 04936 255251
അപേക്ഷ ക്ഷണിച്ചു
കോട്ടത്തറ ഗ്രാമപഞ്ചായത്തിലെ കെട്ടിടങ്ങളുടെ വസ്തുനികുതി പുതുക്കി നിശ്ചയിക്കുന്നതിന്റെ ഭാഗമായി ഫീൽഡ്തല പരിശോധന നടത്തുന്നതിനും ഡാറ്റാ എൻട്രി നടത്തുന്നതിനുമായി ഡിപ്ലോമ (സിവിൽ എഞ്ചിനീയറിംഗ്) / ഐ.ടി.ഐ ഡ്രാഫ്റ്റ്സ്മാൻ സിവിൽ / ഐ.ടി.ഐ സർവ്വെയർ എന്നിവയിൽ കുറയാത്ത യോഗ്യതയുള്ളവരിൽ നിന്നും അപേക്ഷ ക്ഷണിച്ചു. ഉദ്യോഗാർത്ഥികൾ ബയോഡാറ്റ, വയസ്സ്, വിദ്യാഭ്യാസ യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം ഓക്ടോബര് മൂന്നിന് വൈകുന്നേരം അഞ്ചിനകം കോട്ടത്തറ ഗ്രാമപഞ്ചായത്ത് ഓഫീസിൽ നേരിട്ടോ തപാൽ മാർഗ്ഗമോ അപേക്ഷ സമർപ്പിക്കകണം. ഫോൺ: 04936 286644
ജിഐഎസ് :മതിയായ വരിസംഖ്യ ഈടാക്കിയെന്ന് ഉറപ്പാക്കണം
സർക്കാർ ജീവനക്കാരുടെയും പൊതുമേഖല, സഹകരണ സ്ഥാപനങ്ങളിലെ ജീവനക്കാരുടെയും ഗ്രൂപ്പ് ഇൻഷുറൻസ് പദ്ധതിയിലേക്കുള്ള വരിസംഖ്യ വർധനവ് സെപ്റ്റംബർ മാസത്തെ ശമ്പളത്തിൽ നിന്നും കിഴിവ് ചെയ്ത് ക്രമപ്പെടുത്തണമെന്ന് ജില്ലാ ഇൻഷുറൻസ് ഓഫീസർ അറിയിച്ചു. സർക്കാർ ജീവനക്കാർക്കും അധ്യാപകർക്കും ശമ്പള സ്കെലിന് ആനുപാതികമായി 21/11/2021ലെ156/2021/ധന ഉത്തരവ് പ്രകാരമുള്ള മിനിമം വരിസംഖ്യ കിഴിവ് നടത്തിയിട്ടുണ്ടെന്ന് എല്ലാ ശമ്പള വിതരണ ഉദ്യോഗസ്ഥരും ഉറപ്പുവരുത്തണം. പൊതുമേഖലാ, സഹകരണ സ്ഥാപനങ്ങൾ തുടങ്ങിയവയിലെ ജീവനക്കാരുടെ അടിസ്ഥാന ശമ്പളം, ക്ഷാമബത്ത, സ്പെഷ്യൽ പേ, ഗ്രേഡ് പേ എന്നിവ ഉൾപ്പെടെയുള്ള ആകെ തുകയുടെ 1.5 ശതമാനം തുകയാണ് മിനിമം വരിസംഖ്യയായി ഈടാക്കേണ്ടത്. നിബന്ധനകൾക്ക് വിധേയമായി മിനിമം വരിസംഖ്യയുടെ ഇരട്ടി തുക വരെ വർധിപ്പിക്കുന്നതിനുള്ള സൗകര്യവുമുണ്ട്. ഫോൺ- 04936207939, 9496004881, 9496004882
റാങ്ക് പട്ടിക റദ്ദാക്കി
ജില്ലയിൽ കാർഷിക വികസന കർഷകക്ഷേമ വകുപ്പിൽ മെക്കാനിക്ക് (പട്ടികവർഗ്ഗക്കാർക്കുള്ള പ്രത്യേക റിക്രൂട്ട്മെന്റ് മാത്രം) (കാറ്റഗറി നമ്പർ: 521/2021) തസ്തികയിലേക്കുള്ള റാങ്ക് പട്ടിക കാലവധി പൂർത്തിയായതിനെ തുടർന്ന് 2026 സെപ്റ്റംബർ 15 പൂർവ്വാഹ്നം പ്രാബല്യത്തിൽ റദ്ദാക്കിയിതായി ജില്ലാ പി എസ് സി ഓഫീസർ അറിയിച്ചു.
ക്ലർക്ക് നിയമനം
പിന്നാക്ക വിഭാഗ വികസന വകുപ്പ് ഇ-ഗ്രാന്റ്സ് പോർട്ടൽ മുഖേന നടപ്പാക്കി04936 202232 വരുന്ന കേന്ദ്രാവിഷ്കൃത പദ്ധതികളുടെ നിർവഹണവുമായി ബന്ധപ്പെട്ട്ക്ലർക്ക് തസ്തികയിൽ താൽക്കാലിക നിയമനം നടത്തുന്നു. കോഴിക്കോട് മേഖല ഓഫീസിലാണ് നിയമനം. പ്ലസ് ടു അല്ലെങ്കിൽ തത്തുല്യ യോഗ്യതയും കമ്പ്യൂട്ടർ പരിജ്ഞാനവുമുള്ള 18 നും 45 നുമിടയിൽ പ്രായമുള്ളവര്ക്ക് അപേക്ഷിക്കാം. താൽപര്യമുള്ളവർ www.egrantz.kerala.gov.in പോർട്ടൽ സന്ദർശിച്ച് സെപ്റ്റംബർ 30 ന് വൈകുന്നേരം അഞ്ചിനകം അപേക്ഷ സമർപ്പിക്കണം. ഫോൺ: 0495-2377786
പി എസ് സി അഭിമുഖം
ജില്ലയില് വിദ്യാഭ്യാസ വകുപ്പില് ഫുള് ടൈം ജൂനിയര് ലാംഗ്വേജ് ടീച്ചര് (അറബിക്) യു.പി.എസ് (സെക്കന്റ് എന് സി എ- എസ് സി ) (കാറ്റഗറി നം. 520/2025) തസ്തികയിലേക്കുള്ള തിരഞ്ഞെടുപ്പിന് സെപ്റ്റംബര് 25 ന് പി.എസ്.സി മലപ്പുറം ജില്ലാ ഓഫീസിൽ അഭിമുഖം നടത്തും. ഉദ്യോഗാർത്ഥികൾക്കുളള വ്യക്തിഗത അറിയിപ്പ് പ്രൊഫൈലിലും മൊബൈലിൽ എസ്.എം.എസ് ഉം ലഭ്യമാക്കിയിട്ടുണ്ട്. ഉദ്യോഗാർത്ഥികൾ ഡൗൺലോഡ് ചെയ്ത ഇൻറർവ്യൂ മെമ്മോ, ഒടിവി സര്ട്ടിഫിക്കറ്റിന്റെ പകര്പ്പ്, കെ ഫോം, വിദ്യാഭ്യാസ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ, അസ്സൽ തിരിച്ചറിയൽ കാർഡ് എന്നിവ സഹിതം നിശ്ചിത തിയതിയിലും സമയത്തും സ്ഥലത്തും ഹാജരാകണം.
ക്ലർക്ക് തസ്തികയിൽ നിയമനം
തൊണ്ടർനാട് ഗ്രാമപഞ്ചായത്തിൽ അസിസ്റ്റൻറ് എഞ്ചിനീയറിംഗ് ഓഫീസിലേക്ക് ദിവസവേതനാടിസ്ഥാനത്തിൽ ക്ലർക്ക് തസ്തികയിൽ നിയമനം നടത്തുന്നു. എസ്.എസ്.എൽ.സി അല്ലെങ്കിൽ തത്തുല്യം, കമ്പ്യൂട്ടർ പരിജ്ഞാനം എന്നിവയാണ് യോഗ്യത. താൽപര്യമുള്ളവർ ബയോഡാറ്റ, വിദ്യാഭ്യാസ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയംസാക്ഷ്യപ്പെടുത്തിയ പകർപ്പുകൾ, അസൽ രേഖകൾ, അപേക്ഷ എന്നിവ സഹിതം സെപ്റ്റംബർ 29 ന് രാവിലെ 11 ന് അഭിമുഖത്തിനെത്തണം. ഫോൺ: 04935 235235
അഭിമുഖം 25 ന്
മാനന്തവാടി പട്ടികവർഗ്ഗവികസന വകുപ്പ് ഓഫീസ് പരിധിയിലുള്ള മോഡൽ പ്രീ സ്കൂളുകളിൽ ടീച്ചർ/ ആയ അഭിമുഖം സെപ്റ്റംബർ 25 ന് രാവിലെ 9.30 മുതല് മാനന്തവാടി ട്രൈബൽ ഡവലപ്മെന്റ് ഓഫീസിൽ നടക്കും. ഫോണ്- 04935 240210
ടീച്ചർ, ആയ/ഹെൽപ്പർ നിയമനം
കണിയാമ്പറ്റ ട്രൈബൽ എക്സ്റ്റൻഷൻ ഓഫീസ് പരിധിയിലെ ചൂണ്ടക്കര മോഡൽ പ്രീസ്കൂളിൽ ടീച്ചർ, ആയ/ഹെൽപ്പർ തസ്തികകളിലേക്ക് താത്കാലികാടിസ്ഥാനത്തിൽ ജീവനക്കാരെ നിയമിക്കുന്നു. പട്ടികവർഗ്ഗക്കാർക്ക് മുൻഗണന. അവരുടെ അഭാവത്തിൽ പട്ടികജാതിക്കാരെ പരിഗണിക്കും. ടീച്ചര് തസ്തികയ്ക്ക് എസ്.എസ്.എല്.സി/ടിഎസ്എല്സി, പ്രീ പ്രൈമറി ടീച്ചേഴ്സ് ട്രെയിനിംഗ് സര്ട്ടിഫിക്കറ്റ് യോഗ്യത ഉണ്ടായിരിക്കണം. ആയ/ഹെൽപ്പർ തസ്തികക്ക് ഏഴാം ക്ലാസാണ് യോഗ്യത. പ്രായ പരിധി 18 വയസ്സ് മുതൽ 56 വയസ്സ് വരെ. ഉദ്യോഗാര്ത്ഥികള് യോഗ്യത തെളിയിക്കുന്ന സര്ട്ടിഫിക്കറ്റുകള്, ജാതി സര്ട്ടിഫിക്കറ്റ് എന്നിവയുടെ പകര്പ്പ് സഹിതം സെപ്റ്റംബര് 26 ന് വൈകിട്ട് അഞ്ചിനകം കല്പറ്റ ഐ.ടി.ഡി.പി ഓഫീസില് അപേക്ഷ സമര്പ്പിക്കണം. ഫോണ്- 04936 202232
സ്ഥിരം കഞ്ചാവ് വിൽപ്പനക്കാരൻ പോലീസിന്റെ പിടിയിൽ
വൈത്തിരി : മേപ്പാടി, കെ.ബി റോഡ്, പഴയേടത്ത് വീട്ടിൽ കെ.ഫ്രാൻസിസ് എന്ന ഫ്രാഞ്ചി (54)യെയാണ് വൈത്തിരി പോലീസ് പിടികൂടിയത്. വൈത്തിരി ടൗണിൽ സംശയാസ്പദമായി കണ്ട ഇയാളെ പരിശോധിച്ചതിൽ 51.57 ഗ്രാം കഞ്ചാവും സിപ് ലോക്ക് കവറുകളും കഞ്ചാവ് വിൽപ്പന നടത്തി കിട്ടിയ 5580 രൂപയും കണ്ടെടുക്കുകയായിരുന്നു. സ്ഥിരം കഞ്ചാവ് വിൽപ്പനക്കാരനായ ഇയാൾക്കെതിരെ വൈത്തിരി, കൽപ്പറ്റ, മേപ്പാടി സ്റ്റേഷനുകളിൽ നിരവധി ലഹരിക്കേസുകളുണ്ട്. വൈത്തിരി സ്റ്റേഷൻ സബ് ഇൻസ്പെക്ടർ എം.സൗജലിന്റെ നേതൃത്വത്തിൽ സീനിയർ സി.പി.ഒ മുഹമ്മദ് ഷരീഫ്, സി.പി.ഒ മാരായ അനൂപ്, രതിലാഷ്, ജോബിൻ എന്നിവരടങ്ങുന്ന സംഘമാണ് പരിശോധന നടത്തിയത്.
തരിയോട് സ്കൂളിൽ ലഹരി വിരുദ്ധ ബോധവൽക്കരണം സംഘടിപ്പിച്ചു.
കാവുമന്ദം : നാഷണൽ സർവീസ് സ്കീമിന്റെ ‘തൂഫാൻ കമാൻഡോസ്’ പദ്ധതിയുടെ ഭാഗമായി തരിയോട് ഗവ. ഹയർ സെക്കൻഡറി സ്കൂളിൽ ലഹരി വിരുദ്ധ ബോധവൽക്കരണ പരിപാടി സംഘടിപ്പിച്ചു.തരിയോട് ഗ്രാമപഞ്ചായത്ത് വൈസ് പ്രസിഡന്റ് ഷമീം പാറക്കണ്ടി പരിപാടി ഉദ്ഘാടനം ചെയ്തു. പി.ടി.എ പ്രസിഡന്റ് ബെന്നി മാത്യു അധ്യക്ഷത വഹിച്ചു. ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ച് വിദ്യാർത്ഥികളിലും പൊതുസമൂഹത്തിലും അവബോധം സൃഷ്ടിക്കുകയും ലഹരിക്കെതിരായ കൂട്ടായ പ്രതിരോധം ശക്തിപ്പെടുത്തുകയും ചെയ്യുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. എൻഎസ്എസ് വളണ്ടിയർമാർ, റോവർ സ്കൗട്ടുകൾ എന്നിവർ പരിപാടിയിൽ പങ്കെടുത്തു. എം പി ടി എ പ്രസിഡണ്ട് സരിത, മുഹമ്മദ് ബഷീർ, ജിഷ എം. പോൾ, റിത, നിഷ്വ എന്നിവർ സംസാരിച്ചു. സ്കൂൾ പ്രിൻസിപ്പാൾ രാധിക എം. സ്വാഗതവും എൻഎസ്എസ് പ്രോഗ്രാം ഓഫീസർ സജ്ന വി. നന്ദിയും പറഞ്ഞു.
മാനന്തവാടി ഉപജില്ല കായിക മേള മുഖശ്രീ പ്രകാശനം ചെയ്തു.
പള്ളിക്കുന്ന്: മാനന്തവാടി ഉപജില്ല കായിക മേളയുടെ മുഖശ്രീ പനമരം ഗ്രാമ പഞ്ചായത്ത് വൈസ് പ്രസിഡൻറ് ഷാൻ്റി ജോസ് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ഷാജഹാൻ കോവയ്ക്ക് നൽകി പ്രകാശനം ചെയ്തു. സപ്തംബർ 30 ഒക്ടോബർ 1 തിയ്യതികളിൽ മരവയൽ ജില്ലാ സ്റ്റേഡിയത്തിലാണ് കായിക മേള നടത്തുന്നത്.പള്ളിക്കുന്ന് ലൂർദ് മാതാ എച്ച്.എസ്.എസ് ഉം ഏച്ചോം സർവോദയ എച്ച്.എസ്.എസുമാണ് കായിക മേളയക്ക് ആതിഥ്യമൊരുക്കുന്നത്.ചീരാൽ ഗവ: മോഡൽ ഹയർ സെക്കണ്ടറി സ്കൂൾ ലാബ് അസിസ്റ്റൻറ് കൃഷ്ണൻ കുമ്പളേരിയാണ് മുഖശ്രീ രൂപകൽപന ചെയ്തത്.മാനന്തവാടി എ.ഇ.ഒ സുനിൽ കുമാർ മുഖ്യപ്രഭാഷണം നടത്തി.മാനന്തവാടി ബി.പി.സി.ജോസഫ് വി .എം,പള്ളിക്കുന്ന് സ്കൂൾ മാനേജർ വെരി . റവ . ഫാദർ ജെറോം ചിങ്ങംതറ, പി .ടി .എ പ്രസിഡൻ്റ് ബിനു ക്ലമൻ്റ്, പ്രിൻസിപ്പാൾ അമ്പിളി ജോൺ,സർവ്വോദയ സ്കൂൾ മാനേജർ ഫാദർ ജേക്കബ് കുമ്മിണിയിൽ,പ്രിൻസിപ്പാൾ സിസ്റ്റർ ബീന,എച്ച്.എം സിസ്റ്റർ ജെസി പോൾ,പബ്ലിസിറ്റി കമ്മിറ്റി കൺവീനർസുബൈർ ഗദ്ദാഫിഎന്നിവർ സംസാരിച്ചു.
എച്ച്.ഐ.എം.യു.പി.വൈത്തിരി വാർഷികാഘോഷ സ്വാഗതസംഘം രൂപീകരിച്ചു
വൈത്തിരി: എച്ച്.ഐ.എം.യു.പി സ്കൂൾ തൊണ്ണൂറ്റി രണ്ടാം വാർഷികാഘോഷം 2027 ജനുവരി 29 ന് വിപുലമായ പരിപാടികളോടെ ആഘോഷിക്കുവാൻ തീരുമാനിച്ചു. വൈത്തിരി ഗ്രാമ പഞ്ചായത്ത് പ്രസിഡണ്ട് സിവി രാജൻ മുഖ്യ രക്ഷാധികാരിയും, ഗ്രാമ പഞ്ചായത്ത് അംഗങ്ങളും, വൈത്തിരി- ചാരിറ്റി ഡിവിഷൻ ബ്ലോക്ക് പഞ്ചായത്ത് അംഗങ്ങളും രക്ഷാധികാരികളും പി.ടി.എ പ്രസിഡണ്ട് പി.ഇ.ഷംസുദ്ദീൻ ചെയർമാനും, പ്രധാനാധ്യാപിക സിസ്റ്റർ ജിജി സെബാസ്റ്റ്യൻ കൺവീനറും, അബ്ദുൾ സലാം മാഷ് ട്രഷററുമായി 501 അംഗ സ്വാഗത സംഘം രൂപീകരിച്ചു. സ്വാഗത സംഘം രൂപീകരണ യോഗം വൈത്തിരി ഗ്രാമ പഞ്ചായത്ത് പ്രസിഡണ്ട് സി.വി. രാജൻ ഉദ്ഘാടനം ചെയ്തു. പി.ഇ.ഷംസുദ്ദീൻ അധ്യക്ഷത വഹിച്ചു. കുന്നത്ത് സാജിത്, സിസ്റ്റർ അന്ന, സലീം മേമന, സി.വി. വർഗ്ഗീസ്, ഡോളി,ഫൈസൽ വൈത്തിരി, ബാബു ചാരിറ്റി,രഞ്ജിത. ആർ, സിനി ജോജി,ജിനിഷ രാഗേഷ്, സന്തോഷ് മാത്യു,ഷീജ, ദിലീപ്, സജ്ന, അഭിലാഷ്, ജോഷി ക്രിസ്റ്റി ,ജമാൽ, വിജേഷ്, ജിൻസി ടീച്ചർ, അർച്ചന മൈക്കിൾ എന്നിവർ സംസാരിച്ചു.
ലേലം ചെയ്യും
സൗത്ത് വയനാട് ഡിവിഷന് കൽപ്പറ്റ റെയ്ഞ്ചിലെ സുഗന്ധഗിരി ജി.യു.പി സ്കൂൾ കെട്ടിട നിർമ്മാണത്തിന് തടസ്സമായി നിൽക്കുന്ന വിവിധയിനം മരങ്ങൾ വിവിധ ഘട്ടങ്ങളായി എം.എസ്.ടി.സി മുഖേന ഒക്ടോബര് അഞ്ചിന് രാവിലെ 11 ന് ലേലം ചെയ്യും. ഫോണ്- 04936203428, 04936207069
