കമ്പളക്കാട്ട് എസ്റ്റേറ്റ് ഗോഡൗണിൽ ജോലിക്കാരന്റെ കഴുത്തിൽ കത്തി വെച്ച് കുരുമുളകും കാപ്പിയും കവർച്ച ചെയ്‌ത സംഭവം; സഹോദരങ്ങൾ പിടിയിൽ

കമ്പളക്കാട്: എസ്റ്റേറ്റ് ഗോഡൗണിൽ അതിക്രമിച്ചു കയറി ജോലിക്കാരന്റെ
കഴുത്തിൽ കത്തി വെച്ച് ഭീഷണിപ്പെടുത്തി കാപ്പിയും കുരുമുളകും കവർന്ന കേസിൽ സഹോദരങ്ങളെ വയനാട് പോലീസ് കോഴിക്കോട് നിന്ന് പിടികൂടി. കോഴിക്കോട്, പൂനൂർ, കുറുപ്പിൻ്റെക്കണ്ടി പാലംതലക്കൽ വീട്ടിൽ അബ്ദുൾ റിഷാദ് (29), കെ.പി. നിസാർ(26) എന്നിവരെയാണ് വയനാട് ജില്ലാ പോലീസ് മേധാവിയുടെ പ്രത്യേക അന്വേഷണ സംഘം പിടികൂടിയത്. കവർച്ച നടത്തിയ ശേഷം കുന്ദമംഗലം, പെരിങ്ങളത്ത് വാടക വീട്ടിൽ ഒളിവിൽ കഴിയുകയായിരുന്ന പ്രതികളെ ചൊവ്വാഴ്ച പുലർച്ചെ പോലീസ് വീടു വളഞ്ഞ് സാഹസികമായി പിടികൂടുകയായിരുന്നു. സംഭവം നടന്ന് മൂന്ന് ദിവസങ്ങൾക്കുള്ളിൽ തന്നെ പ്രതികളെ വയനാട് പൊലീസ് വലയി ലാക്കി. 250-ഓളം സിസിടിവി ദൃശ്യങ്ങൾ പരിശോധിച്ചും സൈബർ സെല്ലി ന്റെ സഹായത്തോടെയും നടത്തിയ ശാസ്ത്രീയാന്വേഷണത്തിനൊടുവി ലാണ് പ്രതികൾ പിടിയിലാകുന്നത്. നിസാർ നിരവധി കേസുകളിൽ പ്രതിയാണ്.