കാട്ടിക്കുളം: പൊതുവിദ്യാഭ്യാസ വകുപ്പ് ജില്ലയിലെ 22 വിദ്യാലയങ്ങളിൽ നടപ്പിലാക്കുന്ന പ്രത്യേക പഠന പരിപോഷണ പരിപാടിയുടെ ജി എച്ച് എസ് കാട്ടിക്കുളം പദ്ധതിയായ PACE – 40 യുടെ ഭാഗമായി വിദ്യാർഥികൾക്ക് ഗണിത ശില്പശാല സംഘടിപ്പിച്ചു. യു.പി, ഹൈസ്കൂൾ വിഭാഗങ്ങളിലെ പാഠപുസ്തകങ്ങളിലെ
സമാന്തര വരകൾ, അംശബന്ധം, സ്ക്വയർ നമ്പർ, ക്യുബിക് നമ്പർ, ഗുണന വസ്തുതകൾ, ഒന്നു മുതൽ തുടർച്ചയായ ഒറ്റസംഖ്യകൾ കൂട്ടുമ്പോൾ സ്ക്വയർ നമ്പർ ലഭിക്കുന്നത്, സമാന്തര ശ്രേണികൾ ഉണ്ടാവുന്നത് തുടങ്ങിയ വിവിധ ഗണിതശയങ്ങൾ ഗണിത ചാർട്ടിലൂടെ ആവിഷ്കരിക്കുന്നതിനുള്ള നേരനുഭവം കുട്ടികൾക്ക് ലഭിച്ചു. കോഴിക്കോട് പേരാമ്പ്ര സ്വദേശിയും സേവനത്തിൽ നിന്ന് വിരമിച്ച ഗണിതാധ്യാപകനുമായ സഹദേവൻ മാസ്റ്ററാണ് ശില്പ ശാലയ്ക്ക് നേതൃത്വം നൽകിയത്.
സ്വന്തം പേരിലെ യുട്യൂബ് ചാനലിലൂടെ ക്ലാസ്സുകൾ നൽകിയിരുന്ന ഇദ്ദേഹത്തെ വിദ്യാർഥികൾ തിരിച്ചറിഞ്ഞ് നേരിൽ കാണാനും പരിചയപ്പെടാനും ഓടിയെത്തിയത് കൗതുകകരമായി.
ഇ.സി.ജി ടെക്നിഷ്യൻ നിയമനം
പനമരം സാമൂഹിക ആരോഗ്യ കേന്ദ്രത്തിലേക്ക് താത്ക്കാലിക ഇ.സി.ജി ടെക്നിഷ്യൻ നിയമനം നടത്തുന്നു. വി.എച്ച്.എസ്.സി ഇ.സി.ജി ടെക്നീഷ്യൻ/ ഉപരി യോഗ്യതയുള്ളവർക്ക് അപേക്ഷിക്കാം. കമ്പ്യൂട്ടർ പരിജ്ഞാനം അഭികാമ്യം. ഉദ്യോഗാർത്ഥികൾ യോഗ്യത, പ്രവർത്തി പരിചയ സർട്ടിഫിക്കറ്റ് എന്നിവ സഹിതം
