തിരുവനന്തപുരം:ഓണ്ലൈനില് സാധനങ്ങള് വാങ്ങുന്നവരാണോ നിങ്ങള്..? ഓർഡർ ചെയ്തതിനുശേഷം പിന്നീട് വേണ്ടെന്ന് തോന്നി ക്യാൻസല് ചെയ്യണമെങ്കില് ഇനി പ്രത്യേകം ഫീസ് നല്കേണ്ടി വരും. ഓർഡറുകള് റദ്ദാക്കുന്നവർക്ക് ക്യാൻസലേഷൻ ചാർജുകള് ഏർപ്പെടുത്തുകയാണ് ഓണ്ലൈൻ ഇ-കൊമേഴ്സ് സ്ഥാപനങ്ങള്. നിലവില് ഫ്ലിപ്കാർട്ടും മിന്ത്രയും ആണ് ക്യാൻസലേഷൻ ചാർജുകള് ഏർപ്പെടുത്താൻ ഒരുങ്ങുന്നതായി സൂചന. ഓർഡറുകള് റദ്ദാക്കുമ്പോള് അവർക്ക് നഷ്ടപ്പെടുന്ന ചെലവുകളും സമയവും നികത്താൻ വില്പനക്കാരെയും ഡെലിവറി പങ്കാളികളെയും സഹായിക്കാനാണ് ഈ തീരുമാനമെന്നാണ് ഫ്ലിപ്കാർട്ട് സൂചിപ്പിക്കുന്നത്. എങ്കിലും ഇക്കാര്യം ഫ്ലിപ്കാർട്ട് ഔദ്യോഗികമായി പ്രഖ്യാപിച്ചിട്ടില്ല. സൗജന്യമായി റദ്ദാക്കാൻ കഴിയുന്ന ഒരു നിശ്ചിത സമയപരിധി ഉണ്ടായിരിക്കുമെന്നും ഫ്ലിപ്കാർട്ടുമായി അടുത്ത വൃത്തങ്ങള് അറിയിക്കുന്നു. ഈ സമയപരിധിക്ക് ശേഷം ഓർഡറുകള് ക്യാൻസല് ചെയ്യണമെങ്കില് നിശ്ചിത ഫീസ് നല്കേണ്ടതായി വരും. ഫ്ലിപ്പ്കാർട്ടിൻ്റെ അതേ മാതൃ കമ്പനിയുടെ കീഴില് വരുന്ന മറ്റൊരു ഷോപ്പിംഗ് സൈറ്റായ മിന്ത്രയ്ക്കും ഈ മാറ്റം ബാധകമായേക്കാം എന്നാണ് സൂചന.
വയനാട് ജില്ലാതല മൗണ്ടൻ സൈക്ലിംഗ് സെലക്ഷൻ ട്രയൽ
പൊഴുതന: ജനുവരി 20ന് വയനാട് ജില്ലയിലെ പൊഴുതനയിൽ വെച്ച് നടക്കുന്ന സംസ്ഥാന മൗണ്ടൻ സൈക്ലിംഗ് ചാമ്പ്യൻഷിപ്പിൽ പങ്കെടുക്കുന്നതിനുള്ള ജില്ലാ ടീമിനെ തെരഞ്ഞെടുക്കുന്നതി നായി ജില്ലാ തല മൗണ്ടൻ സെലക്ഷൻ ട്രയൽ ജനുവരി 10 ന്
