മാനന്തവാടി ഗവ വൊക്കേഷണൽ ഹയർ സെക്കൻഡറി സ്കൂളിൽ ഡിസംബർ 28, 29 തിയതികളിൽ നടക്കുന്ന സംസ്ഥാനതല സർഗോത്സവം ഔദ്യോഗിക പരിപാടികൾ റദ്ദാക്കിയതായി സംഘാടക സമിതി അറിയിച്ചതായി പട്ടികജാതി – പട്ടികവർഗ്ഗ – പിന്നാക്കക്ഷേമ വകുപ്പ് മന്ത്രി ഒ.ആർ കേളു അറിയിച്ചു. മുൻ പ്രധാനമന്ത്രി ഡോ. മൻമോഹൻ സിങ്ങിൻ്റെയും സാഹിത്യകാരൻ എം.ടി വാസുദേവൻ നായരുടെയും നിര്യാണത്തെ തുടർന്ന് സംസ്ഥാനത്ത് ദു:ഖാചരണമായതിനാൽ ഡിസംബർ 28 29 തിയതികളിൽ നടത്താനിരുന്ന ഉദ്ഘാടന പരിപാടികൾ, ഘോഷയാത്ര, സമാപന സമ്മേളനം എന്നിവ റദ്ദാക്കിയതായും പത്രസമ്മേളനത്തിൽ മന്ത്രി അറിയിച്ചു. വിവിധ മത്സരങ്ങൾക്കായി മാസങ്ങളോളം പരിശീലനം നേടി സംസ്ഥാനത്തെ വിവിധ ജില്ലകളിൽ നിന്നെത്തിയ വിദ്യാർത്ഥികളെയും വിജയികൾക്ക് ലഭിക്കുന്ന ഗ്രേസ് മാർക്ക് എന്നിവ പരിഗണിച്ച് സർഗോത്സവം സംസ്ഥാനമേള മത്സരയിനങ്ങൾ മാത്രമാക്കി നടത്തും. 28 മുതൽ രാവിലെ 9 ഓടെ മത്സരങ്ങൾ ആരംഭിക്കും. മേളയോടനുബന്ധിച്ച് സ്കൂളിൽ സജ്ജമാക്കിയ ക്രമീകരണങ്ങൾ മന്ത്രി വിലയിരുത്തി. മാനന്തവാടി ഗവ വൊക്കേഷണൽ ഹയർ സെക്കൻഡറി സ്കൂളിൽ നടന്ന പത്രസമ്മേളനത്തിൽ ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ, മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി, പട്ടികവർഗ്ഗ വികസന വകുപ്പ് ജോയിന്റ് ഡയറക്ടർ കെ.എസ് ശ്രീരേഖ, ജില്ലാ ഇൻഫർമേഷൻ ഓഫീസർ പി. റഷീദ് ബാബു, ഐ.റ്റി.ടി.പി പ്രൊജക്ട് ഓഫീസർ ജി. പ്രമേദ് എന്നിവർ പങ്കെടുത്തു.
‘നീ ചെയ്യുന്നത് ഞാന് താങ്ങും, പക്ഷെ നീ താങ്ങില്ല’; രാഹുല് അതിജീവിതയ്ക്ക് അയച്ച ഭീഷണി സന്ദേശങ്ങൾ പുറത്ത്
തിരുവനന്തപുരം: ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തില് അതിജീവിതയെ ഭീഷണിപ്പെടുത്തുന്ന സന്ദേശങ്ങള് പുറത്ത്. പേടിപ്പിക്കാന് നീ അല്ല ലോകത്ത് ഒരു മനുഷ്യനും നോക്കേണ്ട, പേടിക്കാന് ഉദ്ദേശമില്ല, ഇനി അങ്ങോട്ട് ഓരോരുത്തര്ക്കും അവരുടെ കുടുംബത്തിനും തിരിച്ചുകൊടുക്കും എന്ന്
