സംസ്ഥാനത്ത് ശമ്പള പരിഷ്കരണം പ്രഖ്യാപിച്ചേക്കും

അഞ്ച് വർഷത്തിലൊരിക്കല്‍ സർക്കാർ ജീവനക്കാരുടെ ശമ്പളവും വിരമിച്ചവരുടെ പെൻഷനും പരിഷ്കരിക്കുന്ന കീഴ്‌വഴക്കം രണ്ടാം പിണറായി സർക്കാരും പിന്തുടരാൻ സാധ്യത. കഴിഞ്ഞ ശമ്പള കമ്മിഷനെ 2019 ഒക്ടോബർ 31-നാണ് നിയമിച്ചത്. 2021 ജനുവരി 30-ന് കമ്മിഷൻ റിപ്പോർട്ട് സമർപ്പിച്ചു. 2021 മാർച്ച്‌ മുതല്‍ പുതുക്കിയ ശമ്പളം വിതരണം ചെയ്തു തുടങ്ങി. 2019 ജൂലൈ മുതല്‍ മുൻകാല പ്രാബല്യം നല്‍കിയാണ് അന്ന് ശമ്പള വർധന നടപ്പാക്കിയത്. അടുത്ത (12-ാം) ശമ്പള പരിഷ്കരണം കഴിഞ്ഞ ജൂലൈ മുതല്‍ നടപ്പാക്കേണ്ടതാണ്. വരുന്ന ബജറ്റില്‍ ശമ്പള പരിഷ്കരണ കമ്മിഷനെ പ്രഖ്യാപിച്ചാല്‍ സർക്കാരിന്റെ കാലാവധി കഴിയും മുൻപ് റിപ്പോർട്ട് വാങ്ങി പുതുക്കിയ ശമ്പളം പ്രഖ്യാപിക്കാനാകും.