കൽപ്പറ്റ:തിരുവനന്തപുരം ജ്യോതിദേവ് ഡയബറ്റീസ് ആൻഡ് റിസർച്ച് സെന്ററിന്റെ ഡ്രീംസ് പ്രാക്ടിക്കൽ പ്രോഗ്രാം ടൈപ്പ് 1 ഡയബറ്റിക് വെൽഫയർ സൊസൈറ്റിയും വ്യാപാരി വ്യവസായി ഏകോപന സമിതി വയനാട് ജില്ലാ കമ്മറ്റിയും ചേർന്ന് ടൈപ്പ് 1 പ്രമേഹ ബോധവത്കരണവും പഠന ക്ലാസും സംഘടിപ്പിച്ചു. കൽപ്പറ്റ വ്യാപാര ഭവനിൽ നടന്ന പരിപാടി ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ ഉദ്ഘാടനം ചെയ്തു. ഡ്രീംസ് പ്രാക്ടിക്കൽസ് ഡയറക്ടർ മിസിസ് ഗോപിക കൃഷ്ണൻ അധ്യക്ഷയായി.
ഡോക്ടർ മനോജ് കുമാർ ടി, (ലെക്ചറർ, ഡയറ്റ്, വയനാട്) ടൈപ്പ് 1 പ്രമേഹ ബാധിതരും അവരുടെ മാതാപിതാക്കളും ജീവിതത്തെ എങ്ങനെ സമഗ്രമായി നേരിടണമെന്നും ആരോഗ്യകരമായ ശീലങ്ങൾ സ്വീകരിക്കണമെന്നും വിശദീകരിച്ചു. ഡോ. യാസീൻ ഉനൈസ് (സെൻട്രൽ ഹെഡ്, ജ്യോതിദേവ് ഡയബറ്റീസ് ആൻഡ് റിസർച്ച് സെന്റർ) ക്ലാസുകൾ നയിച്ചു.
ജില്ലാ പഞ്ചായത്തിന്റെ നേതൃത്വത്തിൽ ടൈപ്പ് 1 ഡയബറ്റിക് കുട്ടികൾക്കായി നടപ്പാക്കാനുദ്ദേശിക്കുന്ന പദ്ധതികളെക്കുറിച്ച് സംഷാദ് മരക്കാർ വിശദീകരിച്ചു.
അബ്ദുൾ ജലീൽ ടൈപ്പ് വൺ ഡയബറ്റിക് വെൽഫെയർ സൊസൈറ്റി ജനറൽ സെക്രട്ടറി പരിപാടിയുടെ സ്വാഗതം നിർവഹിച്ചു. KVVES ജില്ലാ പ്രസിഡന്റ് ജോജിൻ ടി ജോയ്, ജില്ലാ ജനറൽ സെക്രട്ടറി കെ. ഉസ്മാൻ, വനിതാ വിംഗ് സംസ്ഥാന പ്രസിഡന്റ് ശ്രീജ ശിവദാസ്, ഡോ. മുഹമ്മദ് റാസിഫ് (ഡയബറ്റോളജിസ്റ്റ്, അറോഗ്യ ഹോസ്പിറ്റൽ), സംഷാദ് ബത്തേരി, സന്തോഷ് എക്സൽ, സിജിത്ത് ചന്ദ്രകാന്തി, ജിതേഷ് മാത്യു (ISPAE സർട്ടിഫൈഡ് ഡയബറ്റിക് എഡ്യുക്കേറ്റർ) തുടങ്ങിയവർ ആശംസകൾ പങ്കുവെച്ചു.
പരിപാടിയുടെ വിജയകരമായ നടത്തിപ്പിൽ സഹകരിച്ച എല്ലാവരോടും T1DWS ജില്ലാ കമ്മറ്റിയുടെ പ്രതിനിധി ജോസ് കൃതജ്ഞത പ്രകടിപ്പിച്ചു.
