സംസ്ഥാനത്ത് സ്വർണ വിലയിൽ ഇടിവ്, പവന് 120 രൂപ കുറഞ്ഞു; മാറ്റമില്ലാതെ വെള്ളി വില
സംസ്ഥാനത്ത് സ്വർണ വിലയിൽ നേരിയ ഇടിവ്. ഇന്ന് 22 കാരറ്റ് ഒരു പവൻ സ്വർണത്തിന് 120 രൂപയാണ് കുറഞ്ഞിരിക്കുന്നത്. ഇന്നലെ പവന് 120 രൂപ വർധിക്കുകയായിരുന്നു ചെയ്തത്. ഇതോടെ ഇന്ന് കേരളത്തിൽ ഒരു ഗ്രാം സ്വർണത്തിന് 13,995 രൂപയും പവന് 1,11,960 രൂപയുമായി വിലയെന്ന് കേരളാ ഗോൾഡ് ആന്റ് സിൽവർ മെർച്ചന്റ്സ് അസോസിയേഷൻ അറിയിച്ചു. അതേ സമയം, വെള്ളി വിലയിൽ മാറ്റമില്ല. ഇന്ന് വെള്ളി ഗ്രാമിന് 245 രൂപയിലും പവന് 2,450 രൂപയിലുമാണ് വ്യാപാരം നടക്കുന്നത്.
തൊണ്ടിമുതൽ മോഷണകേസ് ;ഹാൻസ് കണ്ടെത്തി
സുൽത്താൻ ബത്തേരി: സുൽത്താൻ ബത്തേരി പോലീസ് സ്റ്റേഷനിൽ നിന്ന് തൊണ്ടിമുതലായ നിരോധിത പുകയില ഉൽപ്പന്നങ്ങൾ (ഹാൻസ്) ചാക്കുകൾ മോഷണം പോയ സംഭവത്തിൽ നിർണായക പുരോഗതി. മോഷ്ടിക്കപ്പെട്ട ഹാൻസ് ചാക്കുകൾ പ്രത്യേക അന്വേഷണ സംഘം കണ്ടെടുത്തു. കേസിൽ അറസ്റ്റിലായ സിവിൽ പോലീസ് ഓഫീസർ സബിത്തുമായി നടത്തിയ തെളിവെടുപ്പിലാണ് സ്റ്റേഷനിൽ നിന്നും വെറും 500 മീറ്റർ മാത്രം അകലെയുള്ള പോലീസ് ക്വാർട്ടേഴ്സിൽ ഒളിപ്പിച്ചനിലയിൽ ഇവ കണ്ടെത്തിയത്.കേസ് രജിസ്റ്റർ ചെയ്തതിന്റെ തൊട്ടടുത്ത ദിവസം പുലർച്ചെയാണ് ഹാൻസ് ചാക്കുകൾ സബിത്ത്ക്വാർട്ടേഴ്സിലെത്തിച്ചതെന്ന് പോലീസ് വ്യക്തമാക്കി. ഇതിനു മുൻപ് കൽപ്പറ്റയിലെ രഹസ്യകേന്ദ്രത്തിലാണ് ഇവ സൂക്ഷിച്ചിരുന്നത്. സ്റ്റേഷനിൽ നിന്ന് ഹാൻസ് ചാക്കുകൾ പുറത്തെത്തിച്ചത് സബിത്ത് ഒറ്റയ്ക്കാണെങ്കിലും, തൊണ്ടിമുതൽ കടത്തുന്നതിനും ഒളിപ്പിക്കുന്നതിനും പുറത്തുനിന്ന് ഇയാൾക്ക് മറ്റ് ചിലരുടെ സഹായം ലഭിച്ചിട്ടുണ്ടെന്നാണ് അന്വേഷണ സംഘത്തിന്റെ നിഗമനം.സംഭവത്തിൽ സബിത്തിനെതിരായ നിർണായക സി.സി.ടി.വി ദൃശ്യങ്ങളും സാക്ഷിമൊഴികളും പോലീസിന് ലഭിച്ചിട്ടുണ്ട്. ചോദ്യം ചെയ്യലിൽ പ്രതി കുറ്റസമ്മതം നടത്തിയതായും പോലീസ്സ്ഥിരീകരിച്ചു. സബിത്തിന് ലഭിച്ച ബാഹ്യസഹായങ്ങളെക്കുറിച്ചും ഇതിനു പിന്നിലെ ശൃംഖലയെക്കുറിച്ചും അന്വേഷണം പുരോഗമിക്കുകയാണ്. കസ്റ്റഡി കാലാവധി പൂർത്തിയായ സബിത്തിനെയും കണ്ടെടുത്ത തൊണ്ടിമുതലുകളെയും കോടതിയിൽ ഹാജരാക്കി.
അന്താരാഷ്ട്ര കാപ്പി ദിനാഘോഷം : പോസ്റ്റർ പ്രകാശനം ചെയ്തു.
ഒക്ടോബർ ഒന്നിന് കൽപ്പറ്റ ചന്ദ്രഗിരി ഓഡിറ്റോറിയത്തിൽ നടക്കുന്ന അന്താരാഷ്ട്ര കാപ്പി ദിനാഘോഷത്തിൻ്റ പോസ്റ്റർ പ്രകാശനം ചെയ്തു. കോഫി റാലി, പ്രദർശനം, സെമിനാർ , പൊതുസമ്മേളനം , കോഫി പാർട്ടി എന്നിവയാണ് ആഘോഷത്തിൻ്റെ ഭാഗമായി സംഘടിപ്പിച്ചിട്ടുള്ളത്. മന്ത്രിമാർ, എം പി മാർ , എംഎൽഎമാർ മറ്റ് ജനപ്രതിനിധികൾ, ഉദ്യോഗസ്ഥർ കർഷക പ്രതിനിധികൾ തുടങ്ങിയവർ പങ്കെടുക്കും. സംസ്ഥാന കൃഷി വകുപ്പ്, കോഫി ബോർഡ് ,കേര പ്രൊജക്ട് എന്നിവയുടെ നേതൃത്വത്തിൽ വ്യവസായ വകുപ്പ് , വയനാട് കോഫി ഗ്രോവേഴ്സ് അസോസിയേഷൻ , കേരള എഫ്.പി.ഒ- എഫ് പി സി കൺസോർഷ്യം , സൗത്ത് ഇന്ത്യൻ കോഫി ഗ്രോവേഴ്സ് അസോസിയേഷൻ, എന്നിവയുടെ സഹകരണത്തോടെയാണ് പരിപാടികൾ. . അനുബന്ധ പരിപാടികൾ സെപ്റ്റംബർ 29-ന് മാനന്തവാടി വയനാട് സോഷ്യൽ സർവ്വീസ് സൊസൈറ്റി ഓഡിറ്റോറിയത്തിലും 30-ന് ബത്തേരി ഹോട്ടൽ റീജൻസി ഓഡിറ്റോറിയത്തിലും നടക്കും.സ്വാഗത സംഘം യോഗത്തോടനുബന്ധിച്ച് കാപ്പി ദിനാഘോഷത്തിൻ്റെ പോസ്റ്റർ പ്രകാശനം ചെയ്തു. കോഫി ബോർഡ് ജോയിൻ്റ് ഡയറക്ടർ ഡോ. എം കറുത്തമണി, ജില്ലാ പ്രിൻസിപ്പൽ കൃഷി ഓഫീസർ സീമ എന്നിവർ ചേർന്ന് പോസ്റ്റർ പ്രകാശനം നിർവ്വഹിച്ചു. വയനാട് കോഫി ഗ്രോവേഴ്സ് അസോസിയേഷൻ വൈസ് പ്രസിഡൻ്റ് അലി ബ്രാൻ, സെക്രട്ടറി മധു ബൊപ്പയ്യ, കേരള എഫ് പി ഒ കൺസോർഷ്യം സംസ്ഥാന പ്രസിഡണ്ട് സാബു പാലാട്ടിൽ , കോഫി ബോർഡിലെയും വ്യവസായ വകുപ്പിലെയും കൃഷി വകുപ്പിലെയും ഉദ്യോഗസ്ഥർ തുടങ്ങിയവർ പങ്കെടുത്തു.
കരാട്ടെ ചാമ്പ്യന്ഷിപ്പ് നടത്തി
സ്ക്കൂള് ഗെയിംസ് 2026 വയനാട് റവന്യൂ ജില്ലാ കരാട്ടെ ചാമ്പ്യന്ഷിപ്പ് പുല്പ്പള്ളി കബനി ഓഡിറ്റോറിയത്തില് വയനാട് ഡിസ്ട്രികട് കരാട്ടെ ഡോ അസോസിയേഷന് ജനറല് സെക്രട്ടറി പി.വി.സുരേഷ് ഉദ്ഘാടനം ചെയ്തു.പ്രസിഡണ്ട് ഷിബു കുറുമ്പേമഠം അധ്യക്ഷനായിരുന്നു. ബത്തേരി സബ്ബ് ജില്ലാ സെക്രട്ടറി എ.വി.ബിജു,റഫറി കമ്മീഷന് ചെയര്മാന് ഷിജു മാത്യു,സെക്രട്ടറി സജി.പി.പി തുടങ്ങിയവര് സംസാരിച്ചു.സ്ക്കൂള് ഗെയിംസ് ജില്ലാ സെക്രട്ടറി പ്രശോഭ് സ്വാഗതവും സബ്ബ് ജില്ലാ സെക്രട്ടറി ഒ.പി.രാജേഷ് നന്ദിയും അര്പ്പിച്ചു. 73 പോയന്റുകള് നേടി ബത്തേരി സബ്ബ് ജില്ല ഒന്നാം സ്ഥാനവും 53 പോയന്റുകള് വീതം നേടി വൈത്തിരി,മാനന്തവാടി സബ്ബ് ജില്ലകള് രണ്ടാം സ്ഥാനവും പങ്കിട്ടു.
ബെംഗളൂരുവിൽ ചരിത്രമെഴുതി ഇന്ത്യ, റയാൻ വില്യംസിന്റെ ഗോളില് പനാമയ്ക്ക് സമനിലപ്പൂട്ട്; ഇനി ലക്ഷ്യം ബ്രസീൽ
ലോകകപ്പിൽ കളിച്ച കരുത്തരായ പനാമക്കെതിരെ തകർപ്പൻ പ്രകടനവുമായി ഇന്ത്യൻ ഫുട്ബോൾ ടീം. ശ്രീ കണ്ഠീരവ സ്റ്റേഡിയത്തിൽ നടന്ന ആവേശകരമായ സൗഹൃദ മത്സരത്തിൽ പനാമയെ ഇന്ത്യ 1-1 എന്ന സ്കോറിനാണ് സമനിലയില് തളച്ചത്. റയാൻ വില്യംസിലൂടെ ആദ്യ പകുതിയിൽ ഇന്ത്യ മുന്നിലെത്തിയെങ്കിലും രണ്ടാം പകുതിയിൽ ഒമർ ജാവിയർ വലൻസിയയിലൂടെ പനാമ സമനില പിടിക്കുകയായിരുന്നു. ഫിഫ റാങ്കിംഗിൽ 44-ാം സ്ഥാനത്തുള്ള പനാമക്കെതിരെ 138-ാം സ്ഥാനക്കാരായ ഇന്ത്യ കാഴ്ചവെച്ച പോരാട്ടവീര്യം പ്രശംസനീയമായിരുന്നു. 2026ലെ ഫിഫ ലോകകപ്പിൽ കളിച്ച 12 പ്രമുഖ താരങ്ങളുമായാണ് പനാമ ബംഗളൂരുവിൽ ഇറങ്ങിയത്.
ആത്മഹത്യാ പ്രതിരോധ കാമ്പയിന് തുടക്കമായി
വനിതാ ശിശു വികസന വകുപ്പിന്റെ ആഭിമുഖ്യത്തില് സംഘടിപ്പിക്കുന്ന ആത്മഹത്യാ പ്രതിരോധ ക്യാമ്പയിന് ജില്ലയില് തുടക്കമായി. ഒക്ടോബര് 10 വരെ നീണ്ടുനില്ക്കുന്ന ക്യാമ്പയിന് ജില്ലാ കളക്ടര് വി ചെല്സസിനി ഉദ്ഘാടനം ചെയ്തു. മീനങ്ങാടി കമ്മ്യൂണിറ്റി ഹാളില് സംഘടിപ്പിച്ച പരിപാടിയില് കുട്ടികള്ക്കുള്ള സെല്ഫ് ഹെല്പ്പ് കാര്ഡ് ജില്ലാ കളക്ടര് പ്രകാശനം ചെയ്ത് കുട്ടികളുടെ മാനസികാരോഗ്യ പ്രവര്ത്തനങ്ങള്ക്ക് പിന്തുണ അറിയിച്ചു. കുട്ടികളിലും കൗമാരക്കാരിലും ആത്മഹത്യാ പ്രവണത തടയുന്നതിനും അവര്ക്ക് സുരക്ഷിതമായ അന്തരീക്ഷം ഒരുക്കി പ്രതിരോധ പ്രവര്ത്തനങ്ങള് നടപ്പാക്കുന്നതിനാണ് ക്യാമ്പയിന് സംഘടിപ്പിക്കുന്നത്. ചൈല്ഡ് വെല്ഫയര് കമ്മിറ്റി ചെയര്പേഴ്സണ് തനു ജഗദീഷ് അധ്യക്ഷയായ പരിപാടിയില് ജില്ലാ ശിശു സംരക്ഷണ ഓഫീസര് കാര്ത്തിക അന്ന തോമസ്, കമ്മിറ്റി അംഗങ്ങളായ അഡ്വ. ജോയ് ജോസഫ്, അഡ്വ. ലീലാമ്മ വര്ഗ്ഗീസ്, പ്രൊട്ടക്ഷന് ഓഫീസര് മജേഷ് രാമന്, ഒ.ആര്.സി സൈക്കോളജിസ്റ്റ് ഹരിത പോള്, എം വിന്ദുജ, അശ്വതി, ആതിര, ജിലു എന്നിവര് സംസാരിച്ചു.
തെക്കുംതറ കുടുംബാരോഗ്യ കേന്ദ്രത്തിലേക്ക് ഡിവൈഎഫ്ഐ പ്രതിഷേധ മാർച്ച് സംഘടിപ്പിച്ചു.
വെങ്ങപ്പള്ളി ഗ്രാമപഞ്ചായത്തിലെ തെക്കുംതറ കുടുംബാരോഗ്യ കേന്ദ്രത്തിൽ ഡോക്ടർ സേവനവും, മരുന്നും, ലാബും ഉറപ്പുവരുത്തുന്നതിൽ പരാജയപ്പെട്ട പഞ്ചായത്ത് ഭരണസമിതിക്കെതിരെയും,ആരോഗ്യമേഖലയെ ആകെ തകര്ക്കുന്ന സംസ്ഥാന സർക്കാറിനെതിരെയും ഡിവൈഎഫ്ഐ വെങ്ങപ്പള്ളി മേഖലാ കമ്മിറ്റിയുടെ നേതൃത്വത്തിൽ തെക്കുംതറ കുടുംബാരോഗ്യ കേന്ദ്രത്തിലേക്ക് പ്രതിഷേധ മാർച്ചും വിശദീകരണയോഗവും സംഘടിപ്പിച്ചു. വിശദീകരണയോഗം ഡിവൈഎഫ്ഐ വയനാട് ജില്ലാ സെക്രട്ടറി കെഎം ഫ്രാൻസിസ് ഉദ്ഘാടനം ചെയ്തു.മേഖലാ പ്രസിഡണ്ട് കെ.നിധിൻ അധ്യക്ഷനായ പരിപാടിയിൽ,ബ്ലോക്ക് സെക്രട്ടറി പി ജംഷീദ് ,ബ്ലോക്ക് പ്രസിഡണ്ട് പി ആർ ജിതേഷ്,ബ്ലോക്ക് ട്രഷറർ കെ എ ടോണി എന്നിവർ സംസാരിച്ചുമേഖലാ സെക്രട്ടറി അനീഷ് എംപി സ്വാഗതവും മേഖലാ ട്രഷറർ കെ വി വിജിത്ത് നന്ദിയും പറഞ്ഞു.
എംഡിഎംഎ കേസ് പ്രതി കീർത്തനയ്ക്ക് കുത്തേറ്റു; ആക്രമിച്ചത് പങ്കാളി
വടകര(കോഴിക്കോട്) ∙ മൂന്ന് അധ്യാപികമാർ ഉൾപ്പെടെ പിടിയിലായ വടകര എംഡിഎംഎ കേസിലെ രണ്ടാം പ്രതി കീർത്തനയ്ക്ക് കുത്തേറ്റു. പങ്കാളി ജിനീഷ് ആണ് പൊലീസ് സ്റ്റേഷനു മുന്നിൽ വച്ച് കീർത്തനയെ കുത്തിയത്. ജാമ്യവ്യവസ്ഥ പ്രകാരം ശനിയാഴ്ച രാവിലെ പത്തുമണിയോടെ വടകര പൊലീസ് സ്റ്റേഷനിൽ കീർത്തന ഹാജരാകാൻ എത്തിയതിനിടെയാണ് ജിനീഷ് ഇവരെ കുത്തി പരുക്കേൽപ്പിച്ചത്.പേരാമ്പ്ര ബിആർസിയിലെ സ്പെഷലിസ്റ്റ് കരാർ അധ്യാപികയായ കീർത്തനയെ പിടികൂടിയതിനു ശേഷമാണ് ഇവരുടെ സുഹൃത്തുക്കളും അധ്യാപികമാരുമായ കാവ്യയും നീഷ്മയും കേസിൽ പിടിയിലായത്. മുൻപ് ക്രിമിനൽ പശ്ചാത്തലമില്ലെന്ന് നിരീക്ഷിച്ചാണ് കീർത്തനയെ കർശന ജാമ്യവ്യവസ്ഥകളോടെ കോടതി ഈ മാസം ആദ്യം ജാമ്യത്തിൽ വിട്ടത്. എല്ലാ ശനിയാഴ്ചയും അന്വേഷണ ഉദ്യോഗസ്ഥനു മുന്നിൽ ഹാജരായി ഒപ്പിടണമെന്ന ജാമ്യവ്യവസ്ഥ പാലിക്കാൻ എത്തിയപ്പോഴാണ് കീർത്തനയ്ക്കു കുത്തേറ്റത്.കേസിലെ മുഖ്യപ്രതിയെന്നു കരുതുന്നയാളെ ഇനിയും അന്വേഷണ സംഘത്തിനു പിടികൂടാനായിട്ടില്ല. കേസിലെ ഒന്നാം പ്രതിയായ സഫ്വാനും മൂന്നാം പ്രതി കാവ്യയ്ക്കും കോടതി ജാമ്യം അനുവദിച്ചിരുന്നു. ജൂൺ 28ന് പുലർച്ചെ രണ്ടു മണിയോടെ വടകര ഐസ് പ്ലാന്റ് റോഡിലെ റോളക്സ് ഓയിൽ ഇൻഡസ്ട്രീസിന് മുന്നിൽ വെച്ച് സഫ്വാൻ എന്ന യുവാവിനെ എംഡിഎംഎയുമായി പിടികൂടിയതോടെയാണ് കേസിൽ അധ്യാപികമാരുടെ പങ്കും വെളിപ്പെട്ടത്.
കടലാക്രമണ സാധ്യത; കേരളതീരത്ത് റെഡ് അലേര്ട്ട്, പ്രത്യേക ജാഗ്രതാ നിര്ദേശം
തിരുവനന്തപുരം: കേരളത്തിലെ എല്ലാ തീരദേശ ജില്ലകളിലും കള്ളക്കടല് മുന്നറിയിപ്പുമായി കാലാവസ്ഥാ വകുപ്പ്. കേരളതീരത്ത് റെഡ് അലേര്ട്ടാണ് പ്രഖ്യാപിച്ചിരിക്കുന്നത്. ശക്തമായ തിരമാലയ്ക്കും കടല് ആക്രമണത്തിനും സാധ്യതയുണ്ടെന്ന് മുന്നറിയിപ്പ് നല്കി. ഈ മാസം 28 വരെ ജാഗ്രത തുടരണമെന്ന് നിര്ദ്ദേശം.അപകട സാധ്യതാ മേഖലകളില് നിന്നും മാറി താമസിക്കണമെന്നും ചെറിയ വള്ളങ്ങളും ബോട്ടുകളും കടലില് ഇറക്കുന്നത് ഒഴിവാക്കണമെന്നും കടലിലേക്ക് ഇറങ്ങുന്നത് ഒഴിവാക്കണമെന്നും മുന്നറിയിപ്പ് നല്കിയിട്ടുണ്ട്. കടലിറങ്ങിയുള്ള വിനോദങ്ങളും പൂര്ണമായി ഒഴിവാക്കാന് നിര്ദ്ദേശമുണ്ട്. മത്സ്യബന്ധന യാനങ്ങള് കെട്ടി സൂക്ഷിക്കണം.
ലോഗോ പ്രകാശനം ചെയ്തു.
നിസാർ വയനാട് സ്മാരക കലാസമിതി സംഘടിപ്പിക്കുന്ന നിസാർ വയനാട് മെഗാ ഷോ ലോഗോ പ്രകാശനം മാതൃഭൂമി മാനേജിങ് ഡയറക്ടർ എം.വി ശ്രേയംസ് കുമാറിന്റെ സാന്നിദ്ധ്യത്തിൽ ശശി തരൂർ എം.പി നിർവഹിച്ചു.നിസാർ വയനാടിന്റെ ഓർമ്മയ്ക്കും അദ്ദേഹം സ്വപ്നം കണ്ടിരുന്ന വലിയ കലാപരിപാടിയുടെ സാക്ഷാത്കാരത്തിനുമായാണ് വയനാട് ഷോ സംഘടിപ്പിക്കുന്നത്. കേരളത്തിലെ പ്രമുഖ കലാകാരന്മാരെ അണിനിരത്തിയാണ് പരിപാടി നടത്തുന്നത്.2026 നവംബർ 20ന് കൽപ്പറ്റ എസ്.കെ.എം.ജെ. ഹയർ സെക്കൻഡറി സ്കൂൾ ഗ്രൗണ്ടിലാണ് ഷോ നടക്കുക. പ്രവേശനം പാസ് മുഖേനയായിരിക്കും.ഷോയിലൂടെ ലഭിക്കുന്ന വരുമാനം നിസാർ വയനാടിന്റെ കുട്ടികളുടെ പഠനച്ചെലവിനും കുടുംബത്തിനുമായി വിനിയോഗിക്കുമെന്ന് സംഘാടക സമിതി അറിയിച്ചു.ലോഗോ പ്രകാശന ചടങ്ങിൽ സംഘാടക സമിതി ചെയർമാൻ: വി.പി യൂസുഫ്, കൺവീനർ:താരീക്ക് കടവൻ, ട്രഷറർ: സി. രവീന്ദ്രൻ, കമ്മിറ്റി അംഗങ്ങളായ സി. എച് ഫസൽ,ബിനു ജേകബ്,വി.പി ഷുക്കൂർഹാജി,ലത്തീഫ് മേമാടൻ,സലീം കടവൻ,ഷമീർ കോരൻ കുന്നൻ, റിയാസ്, ഹലോ മീഡിയ പ്രതിനിധികൾ തുടങ്ങിയവർ സംബന്ധിച്ചു. നവംബർ 20ന് വൈകുന്നേരം 6 മണിക്കാണ് കൽപ്പറ്റ SKMJ സ്കൂളിൽ പരിപാടി സംഘടിപ്പിക്കുന്നത്.
എല്ലാ പനീറും ഒറിജിനൽ അല്ല ! വ്യാജന് പൂട്ടിടാൻ കേന്ദ്രം; പാലിൽ നിന്നല്ലാതെ ഉൽപാദിപ്പിക്കുന്നവയെ പനീർ എന്ന് വിളിക്കാനാവില്ലെന്ന് എഫ്എസ്എസ്എഐ
പാലിൽ നിന്നല്ലാതെ ഉൽപാദിപ്പിക്കുന്നവ പനീർ എന്ന പേരിൽ വിൽക്കേണ്ടതില്ലെന്ന കടുത്ത നിലപാടെടുത്ത് ഭക്ഷ്യസുരക്ഷാ അതോറിറ്റിയായ എഫ്.എസ്.എസ്.എ.ഐ (FSSAI). പാലുൽപ്പന്നങ്ങൾക്ക് പകരം സസ്യഎണ്ണയും വെജിറ്റബിൾ പ്രോട്ടീനും ഉപയോഗിച്ചുണ്ടാക്കുന്ന ഉൽപ്പന്നങ്ങൾ 'പനീർ' എന്ന പേരിൽ വിൽക്കുന്നത് തടയാൻ കർശന നിയമനിർമ്മാണത്തിനൊരുങ്ങുകയാണ്. ഇനി ഇവ പനീർ എന്ന പേരിൽ വിറ്റാൽ കുറ്റകൃത്യമാകും. കടകളിൽ വിൽക്കുന്ന പാക്കറ്റുകളിലും ഹോട്ടലുകളിൽ മെനുവിലും നിയമം ഒരുപോലെ ബാധകമാകും
'നിധി ആപ്കേ നികട്' ബോധവത്ക്കരണ ക്യാമ്പ്
എപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷനും എംപ്ലോയീസ് സ്റ്റേറ്റ് ഇന്ഷുറന്സ് കോര്പ്പറേഷനും സംയുക്തമായി വിവരങ്ങള് കൈമാറുന്നതിനും പരാതികള് പരിഹരിക്കുന്നതിനുമായി സെപ്റ്റംബര് 28 ന് രാവിലെ ഒമ്പപതിന് 'നിധി ആപ്കേ നികട്'എന്ന പേരില് ജില്ലാ ബോധവത്കരണ ക്യാമ്പും ഔട്ട്റീച്ച് പ്രോഗ്രാമും സംഘടിപ്പിക്കുന്നു. മേപ്പാടി വ്യാപാരഭവന് ഹാളില് നടക്കുന്ന പരിപാടിയില് പെന്ഷന്കാര്, അംഗങ്ങള്, തൊഴിലുടമകള്, താത്പര്യമുള്ള വ്യക്തികള് https://forms.gle/tfJA|VXHVI41167n6 ല് രജിസ്റ്റര് ചെയ്യണം. സ്പോട്ട് രജിസ്ട്രേഷന് അവസരമുണ്ട്.
മണ്പാത്ര നിര്മ്മാണ ധനസഹായ പദ്ധതിയ്ക്ക് 30 വരെ അപേക്ഷിക്കാം
പിന്നാക്ക വിഭാഗ വികസന വകുപ്പ് പരമ്പരാഗത മണ്പാത്ര നിര്മ്മാണ തൊഴിലാളികള്ക്കുള്ള ധനസഹായ പദ്ധതിയ്ക്ക് അപേക്ഷിക്കുന്നതിനുള്ള അവസാന തിയതി സെപ്റ്റംബര് 30 വരെ ദീര്ഘിപ്പിച്ചു. കുടുംബ വാര്ഷിക വരുമാനം 2.5 ലക്ഷം രൂപയില് അധികരിക്കാത്ത 60 വയസ് കവിയാത്ത, മണ്പാത്ര നിര്മ്മാണം കുലത്തൊഴിലായി സ്വീകരിച്ചിട്ടുള്ള സംസ്ഥാനത്തെ ഒ.ബി.സി വിഭാഗത്തില്പ്പെട്ടവര്ക്ക് അപേക്ഷിക്കാം. www.bwin.kerala.gov.in പോര്ട്ടല് മുഖേന ഓണ്ലൈനായി അപേക്ഷക്കണം.
ഫിറ്റ്നസ് ട്രെയിനര് കോഴ്സ്
മാനന്തവാടി അസാപ് കമ്മ്യൂണിറ്റി സ്കില് പാര്ക്കില് സര്ട്ടിഫൈഡ് ജനറല് ഫിറ്റ്നസ് ട്രെയിനര് കോഴ്സിലേക്ക് പ്രവേശനം ആരംഭിച്ചു. പത്താം ക്ലാസ്സ് യോഗ്യതയുള്ളവര്ക്ക് അപേക്ഷിക്കാം. ഫോണ്- 9495 999 669
മണ്പാത്ര നിര്മ്മാണ ധനസഹായ പദ്ധതിയ്ക്ക് 30 വരെ അപേക്ഷിക്കാം
പിന്നാക്ക വിഭാഗ വികസന വകുപ്പ് പരമ്പരാഗത മണ്പാത്ര നിര്മ്മാണ തൊഴിലാളികള്ക്കുള്ള ധനസഹായ പദ്ധതിയ്ക്ക് അപേക്ഷിക്കുന്നതിനുള്ള അവസാന തിയതി സെപ്റ്റംബര് 30 വരെ ദീര്ഘിപ്പിച്ചു. കുടുംബ വാര്ഷിക വരുമാനം 2.5 ലക്ഷം രൂപയില് അധികരിക്കാത്ത 60 വയസ് കവിയാത്ത, മണ്പാത്ര നിര്മ്മാണം കുലത്തൊഴിലായി സ്വീകരിച്ചിട്ടുള്ള സംസ്ഥാനത്തെ ഒ.ബി.സി വിഭാഗത്തില്പ്പെട്ടവര്ക്ക് അപേക്ഷിക്കാം. www.bwin.kerala.gov.in പോര്ട്ടല് മുഖേന ഓണ്ലൈനായി അപേക്ഷക്കണം.
ബാര്ബര് ഷോപ്പ് നവീകരണം പദ്ധതി: അപേക്ഷ തിയതി ദീര്ഘിപ്പിച്ചു.
പിന്നാക്ക വിഭാഗ വികസന വകുപ്പ് മുഖേന അനുവദിക്കുന്ന ബാര്ബര് ഷോപ്പ് നവീകരണ ധനസഹായ പദ്ധതിയ്ക്ക് അപേക്ഷിക്കാനുള്ള അവസാന തിയതി സെപ്റ്റംബര് 30 വരെ ദീര്ഘിപ്പിച്ചു. കുടുംബ വാര്ഷിക വരുമാനം 2.5 ലക്ഷം രൂപയില് അധികരിക്കാത്ത 60 വയസ് കവിയാത്ത ബാര്ബര് ഷോപ്പ്/ യൂണിസെക്സ് സലൂണ് മേഖലകളില് തൊഴില് ചെയ്യുന്ന ഒ.ബി.സി വിഭാഗക്കാര്ക്ക് www.bwin.kerala.gov.in പോര്ട്ടല് മുഖേന അപേക്ഷിക്കാം.
മകനെ കോടാലി കൊണ്ട് തലക്കടിച്ചു കൊലപ്പെടുത്തിയ പിതാവിന് ജീവപര്യന്തം തടവും പിഴയും
കൽപ്പറ്റ : മകനെ കോടാലി കൊണ്ട് തലക്കടിച്ചു കൊലപ്പെടുത്തിയ പിതാവിന് ജീവപര്യന്തം തടവും പിഴയും. പുൽപള്ളി, മണൽവയൽ, തെക്കേക്കര വീട്ടിൽ ശിവദാസൻ (69)നെയാണ് കല്പ്പറ്റ അഡീ. ഡിസ്ട്രിക്ട് ആന്ഡ് സെഷന്സ് കോടതി(1) ജഡ്ജ് പി. സെയ്തലവി ജീവപര്യന്തം തടവിനും 1 ലക്ഷം രൂപ പിഴയടക്കാനും ശിക്ഷിച്ചത്. 2023 സെപ്റ്റംബറിലാണ് കേസിനാസ്പദമായ സംഭവം നടന്നത്. വീട്ടിലുണ്ടായ വഴക്കിനെതുടർന്ന് ശിവദാസൻ മകനായ അമലി(22)നെ റൂമിൽ കയറി കോടാലി കൊണ്ട് തലക്കടിക്കുകയായിരുന്നു. ഈ കേസിൽ 35 ഓളം സാക്ഷികളെ വിസ്തരിക്കുകയും 65 ഓളം രേഖകൾ തെളിവായി നൽകുകയും ചെയ്തിട്ടുണ്ട്. അന്നത്തെ പുൽപ്പള്ളി സ്റ്റേഷൻ ഇൻസ്പെക്ടർ എസ്.എച്ച്.ഓ ആയിരുന്ന അനന്തകൃഷ്ണനാണ് കേസിൽ അന്വേഷണം നടത്തി കോടതി മുമ്പാകെ കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി അഡിഷണൽ പബ്ലിക് പ്രോസിക്യൂട്ടർ അഭിലാഷ് ജോസഫ് ഹാജരായി.
'നിധി ആപ്കേ നികട്' ബോധവത്ക്കരണ ക്യാമ്പ്
എപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷനും എംപ്ലോയീസ് സ്റ്റേറ്റ് ഇന്ഷുറന്സ് കോര്പ്പറേഷനും സംയുക്തമായി വിവരങ്ങള് കൈമാറുന്നതിനും പരാതികള് പരിഹരിക്കുന്നതിനുമായി സെപ്റ്റംബര് 28 ന് രാവിലെ ഒമ്പപതിന് 'നിധി ആപ്കേ നികട്'എന്ന പേരില് ജില്ലാ ബോധവത്കരണ ക്യാമ്പും ഔട്ട്റീച്ച് പ്രോഗ്രാമും സംഘടിപ്പിക്കുന്നു. മേപ്പാടി വ്യാപാരഭവന് ഹാളില് നടക്കുന്ന പരിപാടിയില് പെന്ഷന്കാര്, അംഗങ്ങള്, തൊഴിലുടമകള്, താത്പര്യമുള്ള വ്യക്തികള് https://forms.gle/tfJA|VXHVI41167n6 ല് രജിസ്റ്റര് ചെയ്യണം. സ്പോട്ട് രജിസ്ട്രേഷന് അവസരമുണ്ട്.
വൈദ്യുതി മുടങ്ങും
വെള്ളമുണ്ട ഇലക്ട്രിക്കല് സെക്ഷനിലെ പീച്ചങ്കോട് പമ്പ്, നടക്കല്, തരുവണ പമ്പ് എന്നിവിടങ്ങളിലും വെള്ളമുണ്ട താനിച്ചുവട് റോഡ്, മൈതാനി റോഡ് ഭാഗങ്ങളിലും നാളെ (സെപ്റ്റംബര് 26) രാവിലെ 8.30 മുതല് വൈകിട്ട് ആറ് വരെ വൈദ്യുതി വിതരണം ഭാഗികമായി തടസ്സപ്പെടും.
ടെന്ഡര് ക്ഷണിച്ചു
കല്പ്പറ്റ ഗവ ആശുപത്രിയില് മെഡിസിന് കവര്, എക്സ്റേ കവര്, ബ്ലഡ് ബാങ്ക് കവര് എന്നിവ വിതരണം ചെയ്യാന് അംഗീകൃത ഏജന്സികളില് നിന്നും ടെന്ഡര് ക്ഷണിച്ചു. ടെന്ഡറുകള് സെപ്റ്റംബര് 28 ന് ഉച്ചക്ക് ഒന്നിനകം സമര്പ്പിക്കണം. ഫോണ്- 04936 206768
