സർക്കാർ സ്ഥാപനങ്ങള്ക്ക് പുറമെ സ്വകാര്യ സ്ഥാപനങ്ങളുടെ സേവനങ്ങള്ക്കും ആധാർ പ്രാമാണീകരണത്തിന് (ഓതന്റിക്കേഷൻ) അനുമതി നല്കി കേന്ദ്രം വിജ്ഞാപനമിറക്കി. 2025-ലെ ആധാർ ഓതന്റിക്കേഷൻ ഫോർ ഗുഡ് ഗവേണൻസ് ഭേദഗതി നിയമങ്ങള് ഇലക്ട്രോണിക്സ് & ഇൻഫർമേഷൻ ടെക്നോളജി മന്ത്രാലയം കഴിഞ്ഞ ദിവസം വിജ്ഞാപനം ചെയ്തു. ഇതോടെ സ്വകാര്യ സ്ഥാപനങ്ങള്ക്ക് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ പ്ലാറ്റ്ഫോമില് പ്രാമാണീകരണം നടത്താൻ അവസരം ലഭിക്കും. നിലവില് സർക്കാർ വകുപ്പുകള്, മന്ത്രാലയങ്ങള്, ടെലികോം, ബാങ്കിങ് സ്ഥാപനങ്ങള് തുടങ്ങിയവയ്ക്കാണ് അനുമതിയുള്ളത്. ഇത് ഏത് സ്വകാര്യ സ്ഥാപനത്തിനും ഉപയോഗിക്കാമെന്നാക്കിയാണ് മാറ്റിയിരിക്കുന്നത്. ആധാർ നമ്പറോ ബയോമെട്രിക് വിവരങ്ങളോ ഓണ്ലൈനായി നല്കി അതിന്റെ ആധികാരികത ആധാർ സെൻട്രല് ഐഡന്റിറ്റീസ് ഡേറ്റ റിപ്പോസിറ്ററിയുടെ സഹായത്തോടെ ഉറപ്പുവരുത്തുന്നതിനെയാണ് ആധാർ പ്രാമാണീകരണം എന്നുവിളിക്കുന്നത്.
പെന്ഷന് വാങ്ങുന്നവരുടെ ശ്രദ്ധയ്ക്ക്, ധനമന്ത്രിയുടെ അറിയിപ്പ്, വരുമാന സര്ട്ടിഫിക്കറ്റ് ഹാജരാക്കുന്നതിനുള്ള കാലാവധി 6 മാസം കൂടി നീട്ടി
സാമൂഹ്യ സുരക്ഷാ പെന്ഷന് ഗുണഭോക്താക്കളില് വരുമാന സര്ട്ടിഫിക്കറ്റ് ഹാജരാക്കുന്നതിനുള്ള കാലാവധി ആറുമാസംകൂടി നീട്ടിയതായി ധനകാര്യ മന്ത്രി കെ.എന് ബാലഗോപാല് അറിയിച്ചു. ഈ കാലാവധിയ്ക്കുള്ളില് വരുമാന സര്ട്ടിഫിക്കറ്റ് ലഭ്യമാക്കാത്തവരുടെ പെന്ഷന് തടയരുതെന്നും വകുപ്പിന് നിര്ദ്ദേശം നല്കി.
