പുൽപ്പള്ളി: പുൽപ്പള്ളി ഫോറസ്റ്റ് സ്റ്റേഷൻ ജീവനക്കാരെ ആക്രമിച്ചതിലും ജീപ്പ്
കേടുപാടുകൾ വരുത്തുകയും ചെയ്തതിൽ പുൽപ്പള്ളി പോലീസ് കേസ് രജിസ്റ്റർ ചെയ്തു. പുൽപ്പള്ളി കുറിച്ചിപറ്റ ഭാഗത്ത് കാട്ടാന കൃഷിഭൂമിയിൽ ഇറ ങ്ങിയതിൽ വനത്തിലേക്ക് തിരികെ തുരത്താൻ പോയ പുൽപ്പള്ളി ഫോറസ്റ്റ് സ്റ്റേ ഷനിലെ ജീവനക്കാരെ ഒരു സംഘം ആളുകൾ തടയുകയും അസഭ്യം പറയുക യും ചെയ്തതായാണ് പരാതി. കാട്ടാനയെ വനത്തിലേക്ക് കയറ്റിയ വനപാലകർ തിരികെ പോയ ശേഷം വീണ്ടും കാട്ടാന ഇറങ്ങി എന്നു വ്യാജ വിവരം നൽകി തിരികെ എത്തിച്ച വനപാലകരെ ആക്രമിക്കുകയും വനം വകുപ്പ് വാഹനം കേ ടുപാടുകൾ വരുത്തുകയും ചെയ്തതായാണ് പരാതി. വിപിൻ, ആവണി രാജേഷ് എന്നീ രണ്ടു പേർക്കെതിരെയാണ് വനപാലകരുടെ പരാതിയിൽ പുൽപ്പള്ളി പോലീസ് ജാമ്യമില്ലാ വകുപ്പ് പ്രകാരം കേസ് രജിസ്റ്റർ ചെയ്തത്.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ പീച്ചങ്കോട് ബേക്കറി, പീച്ചങ്കോട് പമ്പ്, തരുവണ ഏഴാംമൈൽ, പരിയാരമുക്ക് പ്രദേശങ്ങളിൽ നാളെ (ഫെബ്രുവരി 21) രാവിലെ 8.30 മുതൽ 5.30 pm വരെ വൈദ്യുതി വിതരണം ഭാഗികമായി മുടങ്ങും.
